ਵੈੱਬ ਡੈਸਕ- ਆਲੂ ਨੂੰ ਭਾਰਤ 'ਚ ਸਬਜ਼ੀਆਂ ਦਾ ਰਾਜਾ ਕਿਹਾ ਜਾਂਦਾ ਹੈ, ਕਿਉਂਕਿ ਇਹ ਬਹੁਤ ਜ਼ਿਆਦਾ ਵਰਤਿਆ ਜਾਂਦਾ ਹੈ। ਆਲੂ ਦੇ ਪਰਾਂਠੇ, ਸਨੈਕਸ ਵੀ ਲੋਕਾਂ ਨੂੰ ਬਹੁਤ ਪਸੰਦ ਆਉਂਦੇ ਹਨ। ਬਹੁਤ ਸਾਰੇ ਲੋਕ ਆਲੂ ਖਰੀਦ ਕੇ ਇਕੱਠੇ ਸਟੋਰ ਕਰਕੇ ਰੱਖਦੇ ਹਨ ਤਾਂ ਜੋ ਵਾਰ-ਵਾਰ ਮਾਰਕੀਟ ਨਾ ਜਾਣਾ ਪਵੇ। ਪਰ ਕਈ ਵਾਰੀ ਆਲੂ ਵਿਚ ਸਫੈਦ ਜਾਂ ਹਰੇ ਰੰਗ ਦੇ sprouts (ਪੁੰਗਰੇ ਹੋਏ) ਦਿਖਾਈ ਦੇਣ ਲੱਗਦੇ ਹਨ। ਇਸ ਨਾਲ ਜੁੜਾ ਮੁੱਢਲਾ ਸਵਾਲ ਹੁੰਦਾ ਹੈ, ਕੀ ਪੁੰਗਰੇ ਆਲੂ ਖਾਣਾ ਸਿਹਤ ਲਈ ਸੁਰੱਖਿਅਤ ਹੈ?
ਪੁੰਗਰੇ ਹੋਏ ਆਲੂ ਖਾਣੇ ਚਾਹੀਦੇ ਹਨ ਜਾਂ ਨਹੀਂ
ਸਿਹਤ ਮਾਹਿਰਾਂ ਦੇ ਮੁਤਾਬਕ, ਆਲੂ 'ਚ ਸੋਲਾਨਿਨ (Solanine) ਅਤੇ ਚਾਕੋਨਿਨ (Chaconine) ਨਾਂ ਦੇ ਦੋ ਨੈਚੁਰਲ ਕੈਮੀਕਲ ਪਾਏ ਜਾਂਦੇ ਹਨ ਜੋ ਕੁਝ ਮਾਤਰਾ 'ਚ ਸਿਹਤ ਲਈ ਲਾਭਕਾਰੀ ਹੋ ਸਕਦੇ ਹਨ। ਇਹ ਕੈਮੀਕਲ ਬੈਕਟੀਰੀਆ ਨਾਲ ਲੜਨ 'ਚ ਮਦਦ ਕਰਦੇ ਹਨ ਅਤੇ ਕੁਝ ਹੱਦ ਤੱਕ ਬਲੱਡ ਸ਼ੂਗਰ ਅਤੇ ਕੋਲੇਸਟਰੋਲ ਨੂੰ ਘਟਾਉਣ 'ਚ ਵੀ ਮਦਦਗਾਰ ਹੋ ਸਕਦੇ ਹਨ। ਪਰ ਜੇ ਇਹ ਜ਼ਿਆਦਾ ਮਾਤਰਾ 'ਚ ਖਾਧੇ ਜਾਣ ਤਾਂ ਇਹ ਸਿਹਤ ਲਈ ਹਾਨੀਕਾਰਕ ਹੋ ਸਕਦੇ ਹਨ।
ਜਦੋਂ ਆਲੂ ਪੁੰਗਰਿਆ ਹੁੰਦਾ ਹੈ, ਤਾਂ ਇਸ 'ਚ ਸੋਲਾਨਿਨ ਅਤੇ ਚਾਕੋਨਿਨ ਦੀ ਮਾਤਰਾ ਵੱਧ ਜਾਂਦੀ ਹੈ। ਇਸ ਲਈ ਪੁੰਗਰੇ ਹੋਏ ਆਲੂ ਦਾ ਸੇਵਨ ਸਿਹਤ ਲਈ ਖ਼ਤਰਨਾਕ ਹੋ ਸਕਦਾ ਹੈ। ਪੁੰਗਰੇ ਆਲੂ ਖਾਣ ਨਾਲ ਵਿਅਕਤੀ ਨੂੰ ਉਲਟੀ, ਦਸਤ ਜਾਂ ਪੇਟ ਦਰਦ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਗੰਭੀਰ ਕੇਸਾਂ 'ਚ ਇਹ ਲੋਅ ਬਲੱਡ ਪ੍ਰੈਸ਼ਰ, ਤੇਜ਼ ਹਾਰਟ ਬੀਟ, ਬੁਖਾਰ, ਸਿਰਦਰਦ ਜਾਂ ਚੱਕਰ ਆਉਣ ਦੀ ਪਰੇਸ਼ਾਨੀ ਵਧਾ ਸਕਦਾ ਹੈ। ਖ਼ਾਸ ਕਰਕੇ, ਗਰਭਵਤੀ ਔਰਤਾਂ ਲਈ ਇਹ ਹੋਰ ਵੀ ਖ਼ਤਰਨਾਕ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਵਿਆਹ 'ਚ ਆਖ਼ਿਰ ਲਾਲ ਜੋੜਾ ਹੀ ਕਿਉਂ ਪਹਿਨਦੀ ਹੈ ਲਾੜੀ ? ਜਾਣੋ ਅਸਲ ਵਜ੍ਹਾ
ਪੁੰਗਰੇ ਹੋਏ ਨੂੰ ਹਿੱਸੇ ਕੱਟ ਕੇ ਖਾਣਾ: ਖਤਰੇ ਨੂੰ ਘਟਾਉਂਦਾ ਹੈ ਜਾਂ ਨਹੀਂ?
ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਜੇਕਰ ਆਲੂ ਹਰਾ, ਫਟਿਆ ਹੋਇਆ ਹੈ ਜਾਂ ਕੌੜਾ ਲੱਗ ਰਿਹਾ ਹੈ, ਤਾਂ ਉਸ 'ਚ ਇਹ ਹਾਨੀਕਾਰਕ ਤੱਤ ਹੋਰ ਵੀ ਜ਼ਿਆਦਾ ਹੋ ਸਕਦੇ ਹਨ। ਆਲੂ ਨੂੰ ਉਬਾਲਣ ਜਾਂ ਮਾਈਕ੍ਰੋਵੇਵ ਕਰਨ ਨਾਲ ਇਹ ਤੱਤ ਨਹੀਂ ਘਟਦੇ। ਜੇਕਰ ਤੁਸੀਂ ਪੁੰਗਰੇ, ਹਰੇ ਹਿੱਸੇ ਜਾਂ ਡੈਮਜਡ ਭਾਗ ਕੱਟ ਕੇ ਨਿਕਾਲ ਲੈਂਦੇ ਹੋ, ਤਾਂ ਵੀ ਇਹ 100 ਫੀਸਦੀ ਸੁਰੱਖਿਅਤ ਨਹੀਂ ਹੈ। ਇਸ ਲਈ, ਜੇ ਆਲੂ ਪੁੰਗਰਿਆ ਜਾਂ ਹਰਾ ਹੋ ਗਿਆ ਹੈ, ਤਾਂ ਇਸ ਨੂੰ ਸੁੱਟ ਦੇਣਾ ਹੀ ਸਹੀ ਹੈ।
ਇਹ ਵੀ ਪੜ੍ਹੋ : ਆਖ਼ਿਰ ਗੁਲਾਬੀ ਰੰਗ ਦੇ ਕਾਗਜ਼ 'ਚ ਹੀ ਕਿਉਂ ਲਪੇਟੇ ਜਾਂਦੇ ਹਨ ਸੋਨੇ-ਚਾਂਦੀ ਦੇ ਗਹਿਣੇ ?
ਆਲੂ ਨੂੰ ਪੁੰਗਰਣ ਤੋਂ ਕਿਵੇਂ ਬਚਾਈਏ?
- ਜ਼ਿਆਦਾ ਆਲੂ ਸਟੋਰ ਨਾ ਕਰੋ, ਜਿੰਨਾ ਦੀ ਜ਼ਰੂਰਤ ਹੈ, ਓਨਾ ਹੀ ਖਰੀਦੋ।
- ਆਲੂ ਨੂੰ ਸੁੱਕੀ, ਠੰਡੀ ਅਤੇ ਹਨੇਰੀ ਥਾਂ 'ਤੇ ਰੱਖੋ।
- ਖ਼ਰਾਬ ਅਤੇ ਗਿੱਲੇ ਆਲੂ ਹਟਾ ਦਿਓ।
- ਆਲੂ ਨੂੰ ਪਿਆਜ ਦੇ ਨਾਲ ਸਟੋਰ ਨਾ ਕਰੋ।
ਨਤੀਜਾ
ਹਾਲਾਂਕਿ ਆਲੂ 'ਚ ਕੁਝ ਸਿਹਤ ਲਈ ਫਾਇਦੇਮੰਦ ਤੱਤ ਹੁੰਦੇ ਹਨ, ਪਰ ਜੇ ਇਹ ਪੁੰਗਰੇ ਜਾਂ ਹਰੇ ਹੋ ਜਾਂਦੇ ਹਨ, ਤਾਂ ਇਹ ਸਿਹਤ ਲਈ ਖ਼ਤਰਨਾਕ ਹੋ ਸਕਦੇ ਹਨ। ਇਸ ਲਈ, ਇਨ੍ਹਾਂ ਆਲੂਆਂ ਨੂੰ ਸਟੋਰ ਕਰਨ ਅਤੇ ਖਾਣ ਵੇਲੇ ਸਾਵਧਾਨ ਰਹਿਣਾ ਜ਼ਰੂਰੀ ਹੈ।
ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਆਯੁਸ਼ਮਾਨ ਕਾਰਡ ਹੋਣ ਦੇ ਬਾਵਜੂਦ ਵੀ ਹਸਪਤਾਲ ਵਾਲੇ ਨਾ ਕਰਨ ਇਲਾਜ ਤਾਂ..., ਇੱਥੇ ਕਰੋ ਸ਼ਿਕਾਇਤ
NEXT STORY 
