ਵੈੱਬ ਡੈਸਕ- ਦਿੱਲੀ 'ਚ ਅੱਜ ਏਅਰ ਕਵਾਲਟੀ ਇੰਡੈਕਸ (AQI) 423 ਦਰਜ ਕੀਤਾ ਗਿਆ ਹੈ, ਜੋ ਕਿ ਬਹੁਤ ਹੀ ਖਤਰਨਾਕ ਸ਼੍ਰੇਣੀ 'ਚ ਆਉਂਦਾ ਹੈ। ਇਸ ਤੋਂ ਬਾਅਦ ਰਾਜਧਾਨੀ 'ਚ GRAP-3 (Graded Response Action Plan) ਲਾਗੂ ਕੀਤਾ ਗਿਆ ਹੈ। ਪ੍ਰਦੂਸ਼ਣ ਸਿਰਫ਼ ਫੇਫੜਿਆਂ ਅਤੇ ਦਿਲ ਦੀ ਸਿਹਤ ਨੂੰ ਹੀ ਨਹੀਂ, ਬਲਕਿ ਅੱਖਾਂ, ਚਮੜੀ ਅਤੇ ਵਾਲਾਂ ਨੂੰ ਵੀ ਬੁਰਾ ਪ੍ਰਭਾਵਿਤ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ : ਭਾਰਤ ਦਾ ਉਹ ਸ਼ਹਿਰ, ਜਿੱਥੇ ਪੂਰੀ ਤਰ੍ਹਾਂ ਬੈਨ ਹੈ ਪਿਆਜ਼ ਤੇ ਲਸਣ!
ਸਮੋਗ ਨਾਲ ਵਾਲਾਂ ਦਾ ਪੋਸ਼ਣ ਖਤਮ ਹੋ ਰਿਹਾ ਹੈ
ਦੀਵਾਲੀ ਤੋਂ ਬਾਅਦ ਦਿੱਲੀ ਦੀ ਹਵਾ 'ਚ ਘੁਲੇ ਸਮੋਗ ਨੇ ਸਿਰ ਦੀ ਚਮੜੀ ਅਤੇ ਵਾਲਾਂ ਦੀਆਂ ਜੜ੍ਹਾਂ ’ਤੇ ਵੀ ਹਮਲਾ ਕਰ ਦਿੱਤਾ ਹੈ।
ਐਕਸਪਰਟਸ ਦੇ ਅਨੁਸਾਰ, ਹਵਾ 'ਚ ਮੌਜੂਦ PM2.5 ਦੇ ਬਹੁਤ ਬਾਰੀਕ ਅਤੇ ਹਾਨੀਕਾਰਕ ਕਣ ਸਿੱਧੇ ਵਾਲਾਂ ਦੀਆਂ ਜੜ੍ਹਾਂ ’ਤੇ ਚਿਪਕ ਜਾਂਦੇ ਹਨ, ਜਿਸ ਨਾਲ ਉਹ ਕਮਜ਼ੋਰ ਹੋਣ ਲੱਗਦੇ ਹਨ ਅਤੇ ਟੁੱਟਣ ਲੱਗਦੇ ਹਨ।
ਇਸ ਕਾਰਨ ਅੱਜਕੱਲ੍ਹ ਕਈ ਲੋਕਾਂ 'ਚ ਵਾਲ ਝੜਨ ਦੀ ਸਮੱਸਿਆ ਦੇਖੀ ਜਾ ਰਹੀ ਹੈ।
ਪ੍ਰਦੂਸ਼ਣ ਵਾਲਾਂ ਨੂੰ ਕਿਵੇਂ ਪਹੁੰਚਾਉਂਦਾ ਹੈ ਨੁਕਸਾਨ
- ਧੂੜ ਅਤੇ ਧੂੰਆਂ ਸਕੈਲਪ ’ਤੇ ਜੰਮ ਕੇ ਰੋਮਛਿੱਦਰਾਂ ਨੂੰ ਬੰਦ ਕਰ ਦਿੰਦੇ ਹਨ।
- ਹਵਾ 'ਚ ਮੌਜੂਦ ਫ੍ਰੀ ਰੈਡੀਕਲਸ ਵਾਲਾਂ ਦੇ ਪ੍ਰੋਟੀਨ (ਕੇਰਾਟਿਨ) ਨੂੰ ਕਮਜ਼ੋਰ ਕਰ ਦਿੰਦੇ ਹਨ।
- ਪ੍ਰਦੂਸ਼ਿਤ ਹਵਾ 'ਚ ਕਾਰਬਨ ਅਤੇ ਧਾਤੂ ਕਣ ਹੁੰਦੇ ਹਨ, ਜੋ ਸਕੈਲਪ ਇਨਫਲਾਮੇਸ਼ਨ ਤੇ ਡੈਂਡਰਫ਼ ਵਧਾਉਂਦੇ ਹਨ।
- ਲੰਬੇ ਸਮੇਂ ਤੱਕ ਪ੍ਰਦੂਸ਼ਣ ਦੇ ਸੰਪਰਕ ’ਚ ਰਹਿਣ ਨਾਲ ਵਾਲਾਂ ਦੇ ਵਧਣ ਦੀ ਗਤੀ ਹੌਲੀ ਹੋ ਜਾਂਦੀ ਹੈ।
ਇਹ ਸੰਕੇਤ ਦੱਸਦੇ ਹਨ ਕਿ ਤੁਹਾਡੇ ਵਾਲ ਪ੍ਰਦੂਸ਼ਣ ਨਾਲ ਡੈਮੇਜ ਹੋ ਰਹੇ ਹਨ
- ਅਚਾਨਕ ਵਾਲਾਂ ਦਾ ਤੇਜ਼ੀ ਨਾਲ ਝੜਨਾ
- ਸਕੈਲਪ ’ਚ ਖੁਜਲੀ ਜਾਂ ਜਲਣ ਮਹਿਸੂਸ ਹੋਣਾ
- ਡੈਂਡਰਫ਼ ਵਧਣਾ ਤੇ ਵਾਲਾਂ ਦਾ ਪਤਲਾ ਹੋਣਾ
- ਵਾਲਾਂ ਦੀ ਚਮਕ ਘਟਣਾ ਤੇ ਰੁੱਖਾਪਣ ਆਉਣਾ
ਇਹ ਵੀ ਪੜ੍ਹੋ : Paytm ਨੇ ਲਾਂਚ ਕੀਤਾ ਨਵਾਂ ਐਪ, ਹਰ ਪੇਮੈਂਟ 'ਤੇ ਮਿਲੇਗਾ 'Gold Coin'
ਪ੍ਰਦੂਸ਼ਣ ਦੇ ਦਿਨਾਂ 'ਚ ਸਹੀ ਹੇਅਰ ਕੇਅਰ ਰੂਟੀਨ
- ਬਾਹਰ ਨਿਕਲਣ ਸਮੇਂ ਸਿਰ ਨੂੰ ਸਕਾਰਫ਼ ਜਾਂ ਚੁੰਨੀ ਨਾਲ ਢੱਕੋ।
- ਹਫ਼ਤੇ 'ਚ 2 ਤੋਂ 3 ਵਾਰ ਵਾਲ ਧੋਵੋ, ਤਾਂ ਜੋ ਧੂੜ ਤੇ ਧੂੰਆਂ ਸਾਫ਼ ਹੋ ਸਕੇ।
- ਤੇਲ ਦੀ ਮਸਾਜ ਜ਼ਰੂਰ ਕਰੋ, ਜੋ ਜੜ੍ਹਾਂ ਨੂੰ ਪੋਸ਼ਣ ਦੇਵੇਗੀ।
- ਰੋਜ਼ ਕੰਗੀ ਕਰੋ, ਤਾਂ ਜੋ ਖੂਨ ਦਾ ਸੰਚਾਰ ਵਧੇ।
- ਐਂਟੀ-ਪਾਲਿਊਸ਼ਨ ਸਪਰੇਅ ਜਾਂ ਸੀਰਮ ਦੀ ਵਰਤੋਂ ਕਰੋ।
ਖਿਆਲ ਰੱਖੋ, ਹਵਾ ਨਹੀਂ — ਵਾਲਾਂ ਨੂੰ ਸਾਫ਼ ਰੱਖੋ!
ਦਿੱਲੀ-NCR ਦੀ ਹਵਾ 'ਚ ਭਾਵੇਂ ਜ਼ਹਿਰ ਘੁੱਲ ਗਿਆ ਹੈ, ਪਰ ਕੁਝ ਸਧਾਰਣ ਉਪਾਅ ਅਪਣਾ ਕੇ ਤੁਸੀਂ ਆਪਣੇ ਵਾਲਾਂ ਦੀ ਤੰਦਰੁਸਤੀ ਅਤੇ ਸੁੰਦਰਤਾ ਬਰਕਰਾਰ ਰੱਖ ਸਕਦੇ ਹੋ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਵਾ ਪ੍ਰਦੂਸ਼ਣ ਨਾਲ ਵਧ ਰਹੀ Skin Disease, ਇੰਝ ਕਰੋ ਬਚਾਅ
NEXT STORY 
