ਕੁਆਲਾਲੰਪੁਰ (IANS) - ਮਲੇਸ਼ੀਆ ਅਤੇ ਥਾਈਲੈਂਡ ਦੀ ਸਮੁੰਦਰੀ ਸਰਹੱਦ ਨੇੜੇ ਲਗਭਗ 100 ਗੈਰ-ਕਾਨੂੰਨੀ ਪ੍ਰਵਾਸੀਆਂ ਨੂੰ ਲੈ ਕੇ ਜਾ ਰਹੀ ਇੱਕ ਕਿਸ਼ਤੀ ਦੇ ਡੁੱਬਣ ਤੋਂ ਬਾਅਦ ਘੱਟੋ-ਘੱਟ ਇੱਕ ਵਿਅਕਤੀ ਮ੍ਰਿਤਕ ਪਾਇਆ ਗਿਆ ਹੈ ਅਤੇ ਛੇ ਨੂੰ ਬਚਾਇਆ ਗਿਆ ਹੈ। ਸਥਾਨਕ ਪੁਲਸ ਨੇ ਐਤਵਾਰ ਨੂੰ ਦੱਸਿਆ ਕਿ ਇਸ ਘਟਨਾ ਵਿੱਚ ਦਰਜਨਾਂ ਲੋਕ ਅਜੇ ਵੀ ਲਾਪਤਾ ਹਨ।
ਮਲੇਸ਼ੀਆ ਦੀ ਕੇਦਾਹ ਪੁਲਸ ਦੇ ਮੁਖੀ ਅਦਜ਼ਲੀ ਅਬੂ ਸ਼ਾਹ ਨੇ ਦੱਸਿਆ ਕਿ ਇਹ ਕਿਸ਼ਤੀ ਇੱਕ ਵੱਡੇ ਜਹਾਜ਼ ਦਾ ਹਿੱਸਾ ਸੀ, ਜੋ ਕਿ ਇੱਕ ਸਿੰਡੀਕੇਟ ਵੱਲੋਂ ਲਗਭਗ 300 ਲੋਕਾਂ ਨੂੰ ਢੋ ਰਿਹਾ ਸੀ। ਇਹ ਵੱਡਾ ਜਹਾਜ਼ ਮਲੇਸ਼ੀਆ ਦੀ ਸਮੁੰਦਰੀ ਸਰਹੱਦ ਦੇ ਨੇੜੇ ਪਹੁੰਚਣ 'ਤੇ, ਅਧਿਕਾਰੀਆਂ ਦੀ ਨਜ਼ਰ ਤੋਂ ਬਚਣ ਲਈ, ਸਿੰਡੀਕੇਟ ਨੇ ਪ੍ਰਵਾਸੀਆਂ ਨੂੰ ਤਿੰਨ ਛੋਟੀਆਂ ਕਿਸ਼ਤੀਆਂ ਵਿੱਚ ਵੰਡ ਦਿੱਤਾ ਸੀ।
ਜਾਣਕਾਰੀ ਅਨੁਸਾਰ, ਇਹ ਕਿਸ਼ਤੀ ਤਿੰਨ ਦਿਨ ਪਹਿਲਾਂ ਡੁੱਬ ਗਈ ਸੀ। ਬਚਾਏ ਗਏ ਸਾਰੇ ਲੋਕ ਸੂਡਾਨੀ ਨਾਗਰਿਕ ਹਨ, ਪਰ ਅੰਗਰੇਜ਼ੀ ਨਾ ਬੋਲਣ ਕਾਰਨ ਉਨ੍ਹਾਂ ਨਾਲ ਸੰਚਾਰ ਕਰਨਾ ਮੁਸ਼ਕਲ ਹੋ ਰਿਹਾ ਹੈ, ਜਿਸ ਕਾਰਨ ਕਿਸ਼ਤੀ 'ਚ ਸਵਾਰ ਲੋਕਾਂ ਦੀ ਸਹੀ ਗਿਣਤੀ ਅਜੇ ਵੀ ਸਪੱਸ਼ਟ ਨਹੀਂ ਹੈ। ਮਰੀਨ ਪੁਲਸ ਅਤੇ ਮਲੇਸ਼ੀਅਨ ਮੈਰੀਟਾਈਮ ਇਨਫੋਰਸਮੈਂਟ ਏਜੰਸੀ ਵੱਲੋਂ ਤਲਾਸ਼ੀ ਅਤੇ ਬਚਾਅ ਕਾਰਜ (SAR) ਜਾਰੀ ਹੈ।
ਗ੍ਰੀਸ ਨੇ ਵੀ ਦਰਜ ਕੀਤੀਆਂ ਭਿਆਨਕ ਘਟਨਾਵਾਂ
ਇਸ ਤੋਂ ਇਲਾਵਾ, ਯੂਰਪੀ ਸੰਘ ਲਈ ਪ੍ਰਵਾਸੀਆਂ ਦਾ ਮੁੱਖ ਪ੍ਰਵੇਸ਼ ਦੁਆਰ ਬਣ ਚੁੱਕੇ ਗ੍ਰੀਸ ਵਿੱਚ ਵੀ ਸਮੁੰਦਰ ਵਿੱਚ ਮੌਤਾਂ ਦਾ ਸਿਲਸਿਲਾ ਜਾਰੀ ਹੈ। 27 ਅਕਤੂਬਰ ਨੂੰ, ਗ੍ਰੀਸ ਦੇ ਲੇਸਵੋਸ ਟਾਪੂ ਨੇੜੇ ਇੱਕ ਪ੍ਰਵਾਸੀ ਕਿਸ਼ਤੀ ਡੁੱਬਣ ਨਾਲ ਚਾਰ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ ਸੱਤ ਨੂੰ ਬਚਾਇਆ ਗਿਆ ਸੀ। ਇਸ ਤੋਂ ਪਹਿਲਾਂ 17 ਅਕਤੂਬਰ ਨੂੰ, ਚੀਓਸ ਟਾਪੂ ਨੇੜੇ ਇੱਕ ਹੋਰ ਕਿਸ਼ਤੀ ਡੁੱਬਣ ਕਾਰਨ ਦੋ ਲੋਕ ਮਾਰੇ ਗਏ ਅਤੇ ਦਸ ਜ਼ਖਮੀ ਹੋਏ ਸਨ।
ਗਾਜ਼ਾ 'ਚ ਮ੍ਰਿਤਕਾਂ ਦੀ ਗਿਣਤੀ 69,000 ਤੋਂ ਪਾਰ, ਇਜ਼ਰਾਈਲ ਤੇ ਹਮਾਸ ਵਿਚਾਲੇ ਲਾਸ਼ਾਂ ਦਾ ਵਟਾਂਦਰਾ ਪੂਰਾ
NEXT STORY 
