ਜਕਾਰਤਾ (ਭਾਸ਼ਾ)- ਇੰਡੋਨੇਸ਼ੀਆ ਦੇ ਮੱਧ ਸੁਲਾਵੇਸੀ ਸੂਬੇ ਦੇ ਮਾਕਾਸਰ ਜਲਡਮਰੂਮੱਧ ਵਿੱਚ ਇੱਕ ਕਿਸ਼ਤੀ ਡੁੱਬਣ ਦੇ ਬਾਅਦ ਬਚਾਅ ਟੀਮਾਂ ਲਾਪਤਾ 25 ਲੋਕਾਂ ਦੀ ਭਾਲ ਵਿੱਚ ਹਨ। ਅਧਿਕਾਰੀਆਂ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਦੱਖਣੀ ਸੁਲਾਵੇਸੀ ਰਾਸ਼ਟਰੀ ਖੋਜ ਅਤੇ ਬਚਾਅ ਏਜੰਸੀ ਦੇ ਮੁਖੀ ਜੁਨੈਦੀ ਨੇ ਕਿਹਾ ਕਿ 42 ਲੋਕਾਂ ਨੂੰ ਲੈ ਕੇ ਜਾ ਰਹੀ ਕਿਸ਼ਤੀ ਵੀਰਵਾਰ ਸਵੇਰੇ ਮਾਕਾਸਰ ਦੀ ਬੰਦਰਗਾਹ ਤੋਂ ਪੰਗਕਾਪੇ ਰੀਜੈਂਸੀ ਦੇ ਕਲਮਾਸ ਟਾਪੂ ਦੀ ਯਾਤਰਾ ਦੌਰਾਨ ਖਰਾਬ ਮੌਸਮ ਕਾਰਨ ਡੁੱਬ ਗਈ। ਉਹਨਾਂ ਨੇ ਦੱਸਿਆ ਕਿ ਬਾਅਦ ਵਿੱਚ 17 ਲੋਕਾਂ ਨੂੰ ਬਚਾਇਆ ਗਿਆ ਸੀ, ਜਿਨ੍ਹਾਂ ਵਿੱਚੋਂ ਕੁਝ ਨੂੰ ਘਟਨਾ ਦੇ ਸਮੇਂ ਸਮੁੰਦਰ ਵਿਚ ਦੋ ਟਗਬੋਟਾਂ ਦੁਆਰਾ ਬਚਾਇਆ ਗਿਆ ਸੀ।
ਜੁਨੈਦੀ ਨੇ ਕਿਹਾ ਕਿ ਖੋਜ ਅਤੇ ਬਚਾਅ ਏਜੰਸੀ ਨੂੰ ਸ਼ਨੀਵਾਰ ਨੂੰ ਡੁੱਬੀ ਕਿਸ਼ਤੀ ਦੀ ਸਥਿਤੀ ਬਾਰੇ ਤਾਜ਼ਾ ਜਾਣਕਾਰੀ ਮਿਲੀ ਅਤੇ ਚਾਲਕ ਦਲ ਨੂੰ ਖੇਤਰ ਵਿੱਚ ਭੇਜਿਆ ਗਿਆ। ਲਾਪਤਾ ਯਾਤਰੀਆਂ ਦੀ ਭਾਲ ਵਿਚ ਸਥਾਨਕ ਮੱਛੀ ਫੜਨ ਵਾਲੀਆਂ ਕਿਸ਼ਤੀਆਂ, ਦੋ ਹੋਰ ਕਿਸ਼ਤੀਆਂ ਅਤੇ ਇਕ ਖੋਜ ਅਤੇ ਬਚਾਅ ਕਿਸ਼ਤੀ ਸ਼ਾਮਲ ਹਨ। 17,000 ਤੋਂ ਵੱਧ ਟਾਪੂਆਂ ਦੇ ਦੀਪ ਸਮੂਹ ਇੰਡੋਨੇਸ਼ੀਆ ਵਿੱਚ ਕਿਸ਼ਤੀ ਦੀਆਂ ਦੁਰਘਟਨਾਵਾਂ ਆਮ ਹਨ, ਜਿੱਥੇ ਕਿਸ਼ਤੀਆਂ ਨੂੰ ਅਕਸਰ ਆਵਾਜਾਈ ਦੇ ਇੱਕ ਰੂਪ ਵਜੋਂ ਵਰਤਿਆ ਜਾਂਦਾ ਹੈ ਅਤੇ ਇਸ ਦੌਰਾਨ ਸੁਰੱਖਿਆ ਨਿਯਮਾਂ ਦੀ ਅਕਸਰ ਉਲੰਘਣਾ ਕੀਤੀ ਜਾਂਦੀ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ- ਨੇਪਾਲ : 4 ਭਾਰਤੀਆਂ ਸਮੇਤ 22 ਲੋਕਾਂ ਵਾਲੇ ਲਾਪਤਾ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਦਾ ਖਦਸ਼ਾ
2018 ਵਿੱਚ ਉੱਤਰੀ ਸੁਮਾਤਰਾ ਪ੍ਰਾਂਤ ਵਿੱਚ ਇੱਕ ਡੂੰਘੀ ਜਵਾਲਾਮੁਖੀ ਖੱਡ ਝੀਲ ਵਿੱਚ ਇੱਕ ਕਿਸ਼ਤੀ ਡੁੱਬ ਗਈ, ਜਿਸ ਵਿੱਚ 167 ਲੋਕ ਮਾਰੇ ਗਏ। ਕਿਸ਼ਤੀ 'ਤੇ ਕਰੀਬ 200 ਲੋਕ ਸਵਾਰ ਸਨ। ਫਰਵਰੀ 1999 ਵਿੱਚ ਇੱਕ ਯਾਤਰੀ ਜਹਾਜ਼ ਡੁੱਬ ਗਿਆ ਸੀ, ਜਿਸ ਵਿੱਚ 332 ਲੋਕ ਸਵਾਰ ਸਨ। ਇਸ ਘਟਨਾ ਵਿਚ ਸਿਰਫ਼ 20 ਲੋਕ ਹੀ ਬਚੇ ਸਨ। ਇਸ ਘਟਨਾ ਨੂੰ ਦੇਸ਼ ਦੀਆਂ ਸਭ ਤੋਂ ਦੁਖਦਾਈ ਘਟਨਾਵਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਨੇਪਾਲ : 4 ਭਾਰਤੀਆਂ ਸਮੇਤ 22 ਲੋਕਾਂ ਵਾਲੇ ਲਾਪਤਾ ਜਹਾਜ਼ ਦੇ ਹਾਦਸਾਗ੍ਰਸਤ ਹੋਣ ਦਾ ਖਦਸ਼ਾ
NEXT STORY 
