ਇਸਲਾਮਾਬਾਦ– ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (PML-N) ਦੇ ਪ੍ਰਧਾਨ ਅਤੇ ਨੈਸ਼ਨਲ ਅਸੈਂਬਲੀ ’ਚ ਵਿਰੋਧੀ ਧਿਰ ਦੇ ਨੇਤਾ ਸ਼ਾਹਬਾਜ਼ ਸ਼ਰੀਫ ਨੇ ਕਿਹਾ ਹੈ ਕਿ ਇਸ ਮਹੀਨੇ 5 ਅਰਬ ਡਾਲਰ ਤੋਂ ਜ਼ਿਆਦਾ ਦਾ ਰਿਕਾਰਡ ਵਪਾਰਕ ਘਾਟਾ ਆਰਥਿਕ ਤਬਾਹੀ ਦਾ ਇਕ ਖਤਰਨਾਕ ਸੰਕੇਤ ਸੀ। ਪੀ.ਐੱਮ.ਐੱਲ.-ਐੱਨ ਦੇ ਪ੍ਰਧਾਨ ਨੇ ਇਕ ਬਿਆਨ ’ਚ ਕਿਹਾ ਕਿ ਵਪਾਰਕ ਘਾਟੇ ’ਚ ਰਿਕਾਰਡ ਵਾਧਾ ਦੇਸ਼ ਦੇ ਆਯਾਦ ਅਤੇ ਨਿਰਯਾਤ ’ਚ ਅਸੰਤੁਲਨ ਦਾ ਸਪਸ਼ਟ ਸੰਕੇਤ ਹੈ। ਉਨ੍ਹਾਂ ਕਿਹਾ ਕਿ ਤਾਜਾ ਅੰਕੜੇ ਦੱਸਦੇ ਹਨ ਕਿ ਦੇਸ਼ ’ਚ ਡਾਲਰ ਦੀ ਆਮਦ ’ਚ ਕਮੀ ਆਈ ਹੈ।
ਰੁਪਈਆ ਜ਼ਬਰਦਸਤ ਵਧਦੇ ਦਬਾਅ ’ਚ ਹੈ ਜਿਸ ਕਾਰਨ ਇਸਦਾ ਮੁੱਲ ਲਗਾਤਾਰ ਡਿੱਗ ਰਿਹਾ ਹੈ। ਡਾਲਰ ਪਹਿਲਾਂ ਹੀ 180 ਰੁਪਏ ਨੂੰ ਪਾਵਰ ਕਰ ਚੁੱਕਾ ਹੈ, ਜਦਕਿ ਮਹਿੰਗਾਈ ਹੋਰ ਵਧ ਰਹੀ ਹੈ ਜੋ ਦੇਸ਼ ਲਈ ਭਿਆਨਕ ਖਬਰ ਹੈ। ਉਨ੍ਹਾਂ ਕਿਹਾ, ‘ਅਰਥਵਿਵਸਥਾ ਰਿਵਰਸ ਗਿਅਰ ’ਚ ਹੈ, ਜਦਕਿ ਉਦਯੋਗ, ਵਪਾਰ, ਵਣਜ ਅਤੇ ਰੋਜ਼ਗਾਰ ਸਭ ਖਰਾਬ ਹਾਲਤ ’ਚ ਹਨ।’ ਸ਼ਾਹਬਾਜ਼ ਨੇ ਕਿਹਾ ਕਿ 100 ਤੋਂ ਜ਼ਿਆਦਾ ਵਸਤੂਆਂ ’ਤੇ 17 ਫੀਸਦੀ ਜੀ.ਐੱਸ.ਟੀ. ਦੇ ਇਕਸਾਰ ਲਾਗੂ ਕਰਨ ਨਾਲ ਮਹਿੰਗਾਈ ’ਚ ਹੋਰ ਵਾਧਾ ਹੋਵੇਗਾ।
ਇਹ ਇਕ ਗਲੋਬਲ ਪ੍ਰਥਾ ਹੈ ਕਿ ਜ਼ਿਆਦਾ ਮਹਿੰਗਾਈ ਦੌਰਾਨ ਜੀ.ਐੱਸ.ਟੀ. ਘੱਟ ਕੀਤੀ ਜਾਂਦੀ ਹੈ ਪਰ ਪਾਕਿਸਤਾਨ ’ਚ ਚੀਜ਼ਾਂ ਦੂਜੇ ਪਾਸੇ ਹਨ। ਪੀ.ਐੱਮ.ਐੱਲ.-ਐੱਨ ਦੇ ਪ੍ਰਧਾਨ ਦਾ ਵਿਚਾਰ ਸੀ ਕਿ ਸਰਕਾਰ ਦੇ ਇਸ ਕਦਮ ਦੇ ਗੰਭੀਰ ਨਤੀਜੇ। ਉਨ੍ਹਾਂ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਟੈਕਸ ਦੀ ਆਮਦਨ ਨੂੰ ਦੁੱਗਣਾ ਕਰਨ ਦੇ ਆਪਣੇ ਵਾਅਦੇ ਦੀ ਯਾਦ ਦਿਵਾਈ ਅਤੇ ਕਿਹਾ ਕਿ ਪ੍ਰੀਮੀਅਰ ਬੁਰੀ ਤਰ੍ਹਾਂ ਫੇਲ੍ਹ ਹੋਇਆ ਸੀ।
ਤਾਲਿਬਾਨ ਦੇ ਸੱਤਾ ’ਚ ਆਉਣ ਤੋਂ ਬਾਅਦ ਅਫ਼ਗਾਨਿਸਤਾਨ ’ਚ 6400 ਪੱਤਰਕਾਰਾਂ ਨੂੰ ਗੁਆਉਣੀ ਪਈ ਨੌਕਰੀ
NEXT STORY 
