ਇੰਟਰਨੈਸ਼ਨਲ ਡੈਸਕ: ਕਿਸੇ ਨੇ ਸੋਚਿਆ ਨਹੀਂ ਹੋਵੇਗਾ ਕਿ ਮਾਮੂਲੀ ਸਰਦੀ-ਜ਼ੁਕਾਮ ਵੀ ਗੰਭੀਰ ਘਾਤਕ ਬੀਮਾਰੀ ਦਾ ਰੂਪ ਲੈ ਸਕਦੀ ਹੈ। ਅਜਿਹਾ ਹੀ ਕੁਝ ਕੈਨੇਡਾ ਦੇ ਵਿਚ ਰਹਿਣ ਵਾਲੇ ਇਕ ਪਹਿਲਵਾਨ ਜੇਰੇਡ ਮੇਨਾਰਡ ਨਾਲ ਹੋਇਆ ਹੈ, ਜਿਸ ਨਾਲ ਡਾਕਟਰ ਵੀ ਹੈਰਾਨ ਹੋ ਗਏ। ਪਾਵਰਲਿਫਟਰ ਜੇਰੇਡ ਮੇਨਾਰਡ (33) ਨੂੰ ਜਨਵਰੀ 2023 ਵਿੱਚ ਮਾਮੂਲੀ ਸਰਦੀ-ਜ਼ੁਕਾਮ ਹੋ ਗਿਆ ਸੀ। ਉਸ ਦੀ ਪਤਨੀ ਅਤੇ ਤਿੰਨ ਧੀਆਂ ਨਾਲ ਵੀ ਅਜਿਹਾ ਹੋਇਆ ਪਰ ਇੱਕ ਹਫ਼ਤੇ ਦੇ ਅੰਦਰ-ਅੰਦਰ ਉਨ੍ਹਾਂ ਦਾ ਪਰਿਵਾਰ ਠੀਕ ਹੋ ਗਿਆ, ਜਦੋਂਕਿ ਮੇਨਾਰਡ ਦੀ ਹਾਲਤ ਵਿਗੜ ਗਈ।
ਇਹ ਵੀ ਪੜ੍ਹੋ - ਲੇਬਨਾਨ 'ਚ ਇਜ਼ਰਾਈਲੀ ਹਵਾਈ ਹਮਲਾ, ਹਿਜ਼ਬੁੱਲਾ ਦੇ ਦੋ ਮੈਂਬਰ ਮਰੇ, ਤਿੰਨ ਜ਼ਖ਼ਮੀ
![PunjabKesari](https://static.jagbani.com/multimedia/15_22_130838066canadian powerlifter1-ll.jpg)
ਜੈਰਡ ਮੇਨਾਰਡ ਦੀ ਹਲਕੀ ਸਰਦੀ-ਜ਼ੁਕਾਮ ਇੱਕ ਦੁਰਲੱਭ ਬੀਮਾਰੀ ਵਿੱਚ ਬਦਲ ਗਈ, ਜਿਸਨੇ ਉਸਨੂੰ ਮੌਤ ਦੇ ਮੂੰਹ ਵਿਚ ਪਹੁੰਚਾ ਦਿੱਤਾ। ਉਸ ਦੀ ਪਤਨੀ ਨੇ ਉਸ ਦੀ ਚਮੜੀ ਦਾ ਪੀਲਾ ਰੰਗ ਹੁੰਦੇ ਵੇਖ ਡਾਕਟਰਾਂ ਤੋਂ ਮਦਦ ਮੰਗੀ। ਜਾਂਚ ਤੋਂ ਬਾਅਦ ਪਤਾ ਲੱਗਾ ਕਿ ਜ਼ੁਕਾਮ ਦੇ ਵਾਇਰਸ ਨੇ ਇਕ ਦੁਰਲੱਭ ਬੀਮਾਰੀ ਨੂੰ ਜਨਮ ਦਿੱਤਾ ਸੀ, ਜਿਸ ਕਾਰਨ ਉਸ ਦੇ ਜਿਗਰ ਅਤੇ ਗੁਰਦਿਆਂ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਸੀ। ਮੇਨਾਰਡ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, 'ਮੈਨੂੰ ਨੀਂਦ ਨਹੀਂ ਆਉਂਦੀ ਸੀ ਅਤੇ ਰਾਤ ਨੂੰ ਇਕ ਘੰਟੇ ਤੋਂ ਵੱਧ ਸੌਣਾ ਮੁਸ਼ਕਲ ਸੀ। ਮੇਰੀ ਗਰਦਨ ਵਿੱਚ ਲਿੰਫ ਨੋਡਸ ਇੰਨੇ ਸੁੱਜ ਗਏ ਸਨ ਕਿ ਚਮੜੀ ਦੇ ਹੇਠਾਂ ਛੋਟੇ ਪਹਾੜਾਂ ਵਾਂਗ ਮਹਿਸੂਸ ਹੁੰਦਾ ਸੀ।
ਇਹ ਵੀ ਪੜ੍ਹੋ - ਇਜ਼ਰਾਈਲ ਦੇ ਹਮਲੇ ’ਚ 3 ਬੱਚਿਆਂ ਸਣੇ ਘੱਟੋ-ਘੱਟ 11 ਵਿਅਕਤੀਆਂ ਦੀ ਮੌਤ
ਉਸ ਨੇ ਕਿਹਾ ਕਿ ਤੇਜ਼ ਬੁਖ਼ਾਰ ਹੁੰਦਾ ਸੀ ਅਤੇ ਫਿਰ ਠੰਢ ਲੱਗਦੀ ਸੀ। ਮੇਰਾ ਦਿਲ ਬਹੁਤ ਤੇਜ਼ੀ ਨਾਲ ਧੜਕ ਰਿਹਾ ਸੀ ਅਤੇ ਮੇਰਾ ਬਲੱਡ ਪ੍ਰੈਸ਼ਰ ਵੀ ਵਧ ਗਿਆ ਸੀ। ਹਸਪਤਾਲ ਵਿੱਚ ਜਾਂਚ ਤੋਂ ਬਾਅਦ ਪਤਾ ਲੱਗਾ ਕਿ ਉਹਨਾਂ ਨੂੰ ਹੈਮੋਫੈਗੋਸਾਈਟਿਕ ਲਿਮਫੋਹਿਸਟੀਓਸਾਈਟੋਸਿਸ (HLH) ਨਾਮਕ ਦੁਰਲੱਭ ਅਤੇ ਜਾਨਲੇਵਾ ਬੀਮਾਰੀ ਹੋ ਗਈ ਸੀ। ਕਲੀਵਲੈਂਡ ਕਲੀਨਿਕ ਦੇ ਅਨੁਸਾਰ ਇਹ ਇੱਕ ਅਜਿਹੀ ਬੀਮਾਰੀ ਹੈ, ਜਿਸ ਵਿੱਚ ਇਮਿਊਨ ਸਿਸਟਮ ਸਹੀ ਢੰਗ ਨਾਲ ਕੰਮ ਨਹੀਂ ਕਰਦਾ। ਇਸ ਵਿੱਚ, ਸੰਕਰਮਣ ਨਾਲ ਲੜਨ ਵਾਲੇ ਚਿੱਟੇ ਖੂਨ ਦੇ ਸੈੱਲ ਜਿਗਰ, ਤਿੱਲੀ ਅਤੇ ਬੋਨ ਮੈਰੋ ਵਰਗੇ ਸਰੀਰ ਦੇ ਅੰਗਾਂ ਨੂੰ ਨੁਕਸਾਨ ਪਹੁੰਚਾਉਣਾ ਸ਼ੁਰੂ ਕਰ ਦਿੰਦੇ ਹਨ।
ਇਹ ਵੀ ਪੜ੍ਹੋ - ਮਾਲਦੀਵ ਨੇ ਇਜ਼ਰਾਈਲੀ ਨਾਗਰਿਕਾਂ ਦੇ ਦਾਖਲੇ 'ਤੇ ਲਾਈ ਪਾਬੰਦੀ, ਗਾਜ਼ਾ ਯੁੱਧ ਨੂੰ ਲੈ ਕੇ ਮੁਈਜ਼ੂ ਸਰਕਾਰ ਦਾ ਵੱਡਾ ਕਦਮ
![PunjabKesari](https://static.jagbani.com/multimedia/15_22_132557041canadian powerlifter-ll.jpg)
ਦੂਜੇ ਪਾਸੇ ਇਲਾਜ ਨਾ ਕਰਵਾਉਣ 'ਤੇ ਇਹ ਅੰਗਾਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ ਅਤੇ ਮੌਤ ਵੀ ਹੋ ਸਕਦੀ ਹੈ। ਦਰਅਸਲ, ਇਸ ਬੀਮਾਰੀ ਦੀਆਂ ਦੋ ਕਿਸਮਾਂ ਹਨ, ਜਿਸ ਨੂੰ HLH ਕਿਹਾ ਜਾਂਦਾ ਹੈ। ਇੱਕ ਜੈਨੇਟਿਕ ਹੈ ਅਤੇ ਦੂਜਾ ਕਿਸੇ ਇਨਫੈਕਸ਼ਨ ਕਾਰਨ ਹੈ। ਮੇਨਾਰਡ ਦੇ ਮਾਮਲੇ ਵਿਚ ਵੀ ਅਜਿਹਾ ਹੋਇਆ ਹੈ। ਹਸਪਤਾਲ ਵਿੱਚ ਛੇ ਦਿਨ ਬਿਤਾਉਣ ਤੋਂ ਬਾਅਦ ਉਸਦੀ ਹਾਲਤ ਇੰਨੀ ਨਾਜ਼ੁਕ ਹੋ ਗਈ ਕਿ ਉਸਨੂੰ ਵੈਂਟੀਲੇਟਰ 'ਤੇ ਰੱਖਣਾ ਪਿਆ। ਪੰਜ ਹਫ਼ਤਿਆਂ ਤੱਕ ਉਹ ਇਸੇ ਤਰ੍ਹਾਂ ਜ਼ਿੰਦਗੀ ਅਤੇ ਮੌਤ ਵਿਚਕਾਰ ਸੰਘਰਸ਼ ਕਰਦਾ ਰਿਹਾ।
ਇਹ ਵੀ ਪੜ੍ਹੋ - ਦੁਨੀਆ ਦੀ ਪਹਿਲੀ ਕੈਂਸਰ ਵੈਕਸੀਨ ਦਾ ਟ੍ਰਾਇਲ ਜਲਦ, ਬ੍ਰਿਟੇਨ ਦੇ 30 ਤੋਂ ਵੱਧ ਹਸਪਤਾਲਾਂ ਦੇ ਮਰੀਜ਼ਾਂ 'ਤੇ ਹੋਵੇਗਾ ਪ੍ਰੀਖਣ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸ਼੍ਰੀਲੰਕਾ 'ਚ ਸਮੁੰਦਰ 'ਚ ਡੁੱਬਣ ਕਾਰਨ ਭਾਰਤੀ ਪਤੀ-ਪਤਨੀ ਦੀ ਮੌਤ
NEXT STORY