ਬ੍ਰਾਸੀਲੀਆ (ਬਿਊਰੋ)— ਬ੍ਰਾਜ਼ੀਲ ਸਰਕਾਰ ਦੇ ਇਕ ਮੰਤਰੀ ਨੇ ਵੀਰਵਾਰ ਨੂੰ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਂ ਦੀ ਪਤਨੀ ਅਤੇ ਪ੍ਰਥਮ ਮਹਿਲਾ ਬ੍ਰਿਗੇਟ ਮੈਕਰੋਂ ਦਾ ਮਜ਼ਾਕ ਉਡਾਉਂਦਿਆਂ ਉਨ੍ਹਾਂ ਨੂੰ ਬਦਸੂਰਤ ਦੱਸਿਆ। ਮੰਤਰੀ ਨੇ ਇਹ ਟਿੱਪਣੀ ਅਜਿਹੇ ਸਮੇਂ ਵਿਚ ਕੀਤੀ ਹੈ ਜਦੋਂ ਕੁਝ ਦਿਨ ਪਹਿਲਾਂ ਹੀ ਬ੍ਰਾਜ਼ੀਲ ਦੇ ਰਾਸ਼ਟਰਪਤੀ ਜਾਇਰ ਬੋਲਸਨਾਰੋ ਨੇ ਬ੍ਰਿਗੇਟ ਦਾ ਸੋਸ਼ਲ ਮੀਡੀਆ 'ਤੇ ਮਜ਼ਾਕ ਉਡਾਇਆ ਸੀ। ਬ੍ਰਾਜ਼ੀਲ ਦੇ ਵਿੱਤ ਮੰਤਰੀ ਪਾਉਲੋ ਗਵੇਡਸ ਨੇ ਕਿਹਾ ਕਿ ਉਹ ਰਾਸ਼ਟਰਪਤੀ ਬੋਲਸਨਾਰੋ ਦੀ ਮੈਕਰੋਂ ਦੀ ਪਤਨੀ ਨੂੰ ਲੈ ਕੇ ਕੀਤੀ ਗਈ ਟਿੱਪਣੀ ਨਾਲ ਸਹਿਮਤ ਹਨ।
ਬੋਲਸਨਾਰੋ ਦੇ ਇਕ ਸਮਰਥਕ ਨੇ ਪਿਛਲੇ ਹਫਤੇ ਬ੍ਰਿਗੇਟ ਮੈਕਰੋਂ ਅਤੇ ਬ੍ਰਾਜ਼ੀਲ ਦੀ ਪ੍ਰਥਮ ਮਹਿਲਾ ਮਿਸ਼ੇਲ ਬੋਲਸਨਾਰੋ ਦੀ ਤੁਲਨਾ ਕਰਦਿਆਂ ਇਕ ਤਸਵੀਰ ਸ਼ੇਅਰ ਕੀਤੀ ਸੀ ਅਤੇ ਲਿਖਿਆ ਸੀ ਕਿ ਹੁਣ ਤੁਸੀਂ ਸਮਝ ਸਕਦੇ ਹੋ ਕਿ ਮੈਕਰੋਂ ਬੋਲਸਨਾਰੋ ਦੇ ਪਿੱਛੇ ਕਿਉਂ ਪਏ ਹਨ? ਬੋਲਸਨਾਰੋ ਦੀ ਪਤਨੀ ਮੈਕਰੋਂ ਦੀ ਪਤਨੀ ਨਾਲੋਂ ਜ਼ਿਆਦਾ ਆਕਰਸ਼ਕ ਹੈ। ਇਸ ਟਿੱਪਣੀ 'ਤੇ ਇਕ ਪੱਤਰਕਾਰ ਸੰਮੇਲਨ ਦੌਰਾਨ ਇਮੈਨੁਅਲ ਮੈਕਰੋਂ ਨੇ ਕਿਹਾ,''ਉਨ੍ਹਾਂ ਨੇ ਮੇਰੀ ਪਤਨੀ ਵਿਰੁੱਧ ਬਹੁਤ ਘਟੀਆ ਟਿੱਪਣੀ ਕੀਤੀ ਹੈ। ਮੈਂ ਬ੍ਰਾਜ਼ੀਲ ਦੇ ਲੋਕਾਂ ਦਾ ਸਨਮਾਨ ਕਰਦਾ ਹਾਂ। ਮੈਂ ਆਸ ਕਰਦਾ ਹਾਂ ਕਿ ਉਹ ਬਹੁਤ ਜਲਦੀ ਹੀ ਅਜਿਹੇ ਰਾਸ਼ਟਰਪਤੀ ਦੀ ਚੋਣ ਕਰਨਗੇ ਜੋ ਸਹੀ ਤਰੀਕੇ ਨਾਲ ਪੇਸ਼ ਆਏ।''
ਪਾਉਲੋ ਨੇ ਇਕ ਆਰਥਿਕ ਮੰਚ ਦੌਰਾਨ ਕਿਹਾ,''ਰਾਸ਼ਟਰਪਤੀ ਨੇ ਜਿਹੜੀ ਗੱਲ ਕਹੀ ਹੈ ਉਹ ਸਹੀ ਹੈ। ਉਹ ਮਹਿਲਾ ਅਸਲ ਵਿਚ ਬਦਸੂਰਤ ਹੈ।'' ਬਾਅਦ ਵਿਚ ਮੰਤਰੀ ਦੇ ਇਕ ਕਰੀਬੀ ਨੇ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਨੂੰ ਜਨਤਕ ਪ੍ਰੋਗਰਾਮ ਦੌਰਾਨ ਫਰਾਂਸ ਦੀ ਪ੍ਰਥਮ ਮਹਿਲਾ ਨੂੰ ਲੈ ਕੇ ਕੀਤੇ ਗਏ ਮਜ਼ਾਕ 'ਤੇ ਮੁਆਫੀ ਮੰਗਣ ਲਈ ਕਿਹਾ ਗਿਆ ਹੈ। ਪਿਛਲੇ ਹਫਤੇ ਬੋਲਸਨਾਰੋ ਵੱਲੋਂ ਕੀਤੀ ਗਈ ਟਿੱਪਣੀ 'ਤੇ ਇਮੈਨੁਅਲ ਨੇ ਪ੍ਰਤੀਕਿਰਿਆ ਦਿੰਦਿਆਂ ਇਸ ਦੀ ਸਖਤ ਨਿੰਦਾ ਕੀਤੀ ਸੀ ਅਤੇ ਇਸ ਨੂੰ ਘਟੀਆ ਦੱਸਿਆ ਸੀ।
ਪਾਕਿਸਤਾਨੀ ਡਾਕਟਰਾਂ ਨੇ ਕਸ਼ਮੀਰ ਜਾਣ ਲਈ ਕੀਤੀ ਭਾਰਤੀ ਵੀਜ਼ੇ ਦੀ ਮੰਗ
NEXT STORY 
