ਇੰਟਰਨੈਸ਼ਨਲ ਡੈਸਕ: 500 ਸਾਲ ਬਾਅਦ ਰਾਮਲੱਲਾ ਅਯੁੱਧਿਆ ਦੇ ਰਾਮ ਮੰਦਰ ਵਿੱਚ ਬਿਰਾਜਮਾਨ ਹੋਏ ਹਨ। ਸੋਮਵਾਰ ਨੂੰ ਆਯੋਜਿਤ ਪ੍ਰਾਣ ਪ੍ਰਤਿਸ਼ਠਾ ਸਮਾਰੋਹ ਦੇਸ਼ ਦੇ ਨਾਲ-ਨਾਲ ਵਿਦੇਸ਼ਾਂ ਵਿੱਚ ਵੀ ਦੇਖਣ ਨੂੰ ਮਿਲਿਆ। ਇਸੇ ਸਿਲਸਿਲੇ ਵਿੱਚ ਦੁਬਈ ਵਿੱਚ ਸਥਿਤ ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ਨੇ ਭਗਵਾਨ ਰਾਮ ਦੀ ਤਸਵੀਰ ਆਪਣੇ ਡਿਸਪਲੇ 'ਤੇ ਲਗਾਈ।
ਟਾਈਮਜ਼ ਸਕੁਆਇਰ 'ਤੇ ਛਾਈਆਂ ਭਗਵਾਨ ਰਾਮ ਦੀਆਂ ਤਸਵੀਰਾਂ
ਇਸ ਤੋਂ ਇਲਾਵਾ ਪ੍ਰਾਣ ਪ੍ਰਤਿਸ਼ਠਾ ਮੌਕੇ ਅਮਰੀਕਾ ਦੇ ਨਿਊਯਾਰਕ 'ਚ ਟਾਈਮਜ਼ ਸਕੁਏਅਰ 'ਤੇ ਭਗਵਾਨ ਰਾਮ ਦੀਆਂ ਤਸਵੀਰਾਂ ਅਤੇ ਅਯੁੱਧਿਆ ਦੇ ਵਿਸ਼ਾਲ ਰਾਮ ਮੰਦਰ ਦੀਆਂ 3ਡੀ ਤਸਵੀਰਾਂ ਪ੍ਰਦਰਸ਼ਿਤ ਕੀਤੀਆਂ ਗਈਆਂ। ਇਸ ਤੋਂ ਇਲਾਵਾ ਰਾਮ ਲੱਲਾ ਦੇ 'ਪ੍ਰਾਣ ਪ੍ਰਤਿਸ਼ਠਾ' ਸਮਾਰੋਹ ਤੋਂ ਪਹਿਲਾਂ 'ਓਵਰਸੀਜ਼ ਫਰੈਂਡਜ਼ ਆਫ ਰਾਮ ਮੰਦਰ' ਦੇ ਮੈਂਬਰਾਂ ਨੇ ਐਤਵਾਰ ਨੂੰ ਨਿਊਯਾਰਕ ਦੇ ਟਾਈਮਜ਼ ਸਕੁਏਅਰ 'ਚ ਲੱਡੂ ਵੰਡੇ ਅਤੇ ਲੋਕਾਂ ਨੂੰ ਸਮਾਗਮ 'ਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ।
ਕਾਰ ਰੈਲੀ ਦਾ ਆਯੋਜਨ
ਨਿਊਯਾਰਕ ਟਾਈਮਜ਼ ਸਕੁਆਇਰ, ਵਾਸ਼ਿੰਗਟਨ, ਡੀਸੀ, ਐਲਏ, ਸੈਨ ਫਰਾਂਸਿਸਕੋ, ਇਲੀਨੋਇਸ, ਨਿਊ ਜਰਸੀ, ਜਾਰਜੀਆ ਅਤੇ ਬੋਸਟਨ ਸਮੇਤ ਪੂਰੇ ਅਮਰੀਕਾ ਵਿੱਚ ਜਸ਼ਨ ਮਨਾਏ ਗਏ। ਇਸ ਤੋਂ ਇਲਾਵਾ ਅਮਰੀਕਾ 'ਚ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੇ ਅਯੁੱਧਿਆ 'ਚ ਰਾਮ ਮੰਦਰ 'ਪ੍ਰਾਣ ਪ੍ਰਤਿਸ਼ਠਾ' ਸਮਾਗਮ ਮੌਕੇ ਗੋਲਡਨ ਗੇਟ ਬ੍ਰਿਜ 'ਤੇ ਕਾਰ ਰੈਲੀ ਕੱਢੀ। ਰਾਮ ਮੰਦਰ ਬਾਰੇ ਪ੍ਰੇਮ ਭੰਡਾਰੀ ਦਾ ਕਹਿਣਾ ਹੈ ਕਿ ਅਸੀਂ ਕਦੇ ਨਹੀਂ ਸੋਚਿਆ ਸੀ ਕਿ ਅਸੀਂ ਇਸ ਜੀਵਨ ਵਿਚ ਇਹ ਦਿਨ ਦੇਖ ਸਕਾਂਗੇ। ਜਲਦੀ ਹੀ ਅਯੁੱਧਿਆ ਦੇ ਰਾਮ ਮੰਦਰ ਦੀ ਪਵਿੱਤਰ ਰਸਮ ਹੋਵੇਗੀ। ਟਾਈਮਜ਼ ਸਕੁਏਅਰ ਵਿੱਚ ਵੀ ਲੋਕ ਇਸ ਦਾ ਜਸ਼ਨ ਮਨਾ ਰਹੇ ਹਨ। ਇਹ ਸਭ ਪੀਐਮ ਮੋਦੀ ਦੀ ਅਗਵਾਈ ਵਿੱਚ ਹੋ ਰਿਹਾ ਹੈ। ਦੁਨੀਆ ਭਰ ਦੇ ਲੋਕ ਇਸ ਪਲ ਲਈ ਬੇਤਾਬ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਯੁੱਧਿਆ 'ਚ ਰਾਮ ਮੰਦਰ ਦੀ ਪ੍ਰਾਣ ਪ੍ਰਤਿਸ਼ਠਾ ਤੋਂ ਪਹਿਲਾਂ ਮੈਕਸੀਕੋ ਨੂੰ ਮਿਲਿਆ ਪਹਿਲਾ 'ਰਾਮ ਮੰਦਰ' (ਤਸਵੀਰਾਂ)
ਨੇਪਾਲ: ਅਯੁੱਧਿਆ ਦੀ ਤਰ੍ਹਾਂ ਜਨਕਪੁਰ ਵਿੱਚ ਵੀ ਸ਼ਰਧਾਲੂਆਂ ਨੇ ਮਨਾਇਆ ਤਿਉਹਾਰ
ਅਯੁੱਧਿਆ ਵਿੱਚ ਰਾਮ ਲੱਲਾ ਦੀ ਮੂਰਤੀ ਦੀ ਪ੍ਰਾਣ ਪ੍ਰਤਿਸ਼ਠਾ ਮਨਾਉਣ ਲਈ ਦੇਵੀ ਸੀਤਾ ਦੇ ਗ੍ਰਹਿ ਨਗਰ ਜਨਕਪੁਰ ਵਿੱਚ ਸ਼ਰਧਾਲੂਆਂ ਨੇ 2.5 ਲੱਖ ਤੇਲ ਦੇ ਦੀਵੇ ਜਗਾਏ। ਇਸ ਤੋਂ ਇਲਾਵਾ ਫੁੱਲਾਂ ਅਤੇ ਸਿੰਦੂਰ ਪਾਊਡਰ ਦੀ ਵਰਤੋਂ ਕਰਕੇ ਜੈ ਸਿਆਰਾਮ ਲਿਖੀ ਰੰਗੋਲੀ ਵੀ ਬਣਾਈ ਗਈ। ਡਰੋਨ ਦੁਆਰਾ ਲਏ ਗਏ ਵਿਜ਼ੂਅਲ ਵਿੱਚ, ਬੈਕਗ੍ਰਾਉਂਡ ਵਿੱਚ ਜਾਨਕੀ ਮੰਦਰ ਅਤੇ ਸ਼ਰਧਾਲੂਆਂ ਦੁਆਰਾ ਘਿਰੇ 2.5 ਲੱਖ ਤੇਲ ਅਧਾਰਤ ਦੀਵਿਆਂ ਦੀ ਰੌਸ਼ਨੀ ਮਨਮੋਹਕ ਲੱਗ ਰਹੀ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਯੁੱਧਿਆ 'ਚ ਹੋਈ ਰਾਮ ਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ; ਜਾਣੋ ਕੀ ਕਹਿ ਰਿਹੈ ਵਿਦੇਸ਼ੀ ਮੀਡੀਆ
NEXT STORY 
