ਬੈਂਕਾਕ (ਏਜੰਸੀ)- ਪੂਰਬੀ ਮਿਆਂਮਾਰ ਵਿੱਚ ਔਨਲਾਈਨ ਘੁਟਾਲਾ ਕੇਂਦਰਾਂ ਵਿੱਚ ਕੰਮ ਕਰਨ ਵਾਲੇ 1,000 ਤੋਂ ਵੱਧ ਚੀਨੀ ਨਾਗਰਿਕਾਂ ਨੂੰ ਹਵਾਈ ਜਹਾਜ਼ ਰਾਹੀਂ ਬੀਜਿੰਗ ਭੇਜਣ ਦੀ ਸ਼ੁਰੂਆਤ ਵੀਰਵਾਰ ਨੂੰ ਹੋਈ। ਮਜ਼ਦੂਰਾਂ ਨੂੰ ਮਿਆਂਮਾਰ ਤੋਂ ਥਾਈਲੈਂਡ ਲਿਜਾਇਆ ਗਿਆ ਅਤੇ ਚਾਰਟਰਡ ਉਡਾਣਾਂ ਰਾਹੀਂ ਚੀਨ ਭੇਜਿਆ ਗਿਆ। ਥਾਈਲੈਂਡ, ਚੀਨ ਅਤੇ ਮਿਆਂਮਾਰ ਨੇ ਪਿਛਲੇ ਮਹੀਨੇ ਧੋਖਾਧੜੀ ਕੇਂਦਰਾਂ 'ਤੇ ਸ਼ਿਕੰਜਾ ਕੱਸਣ ਲਈ ਇੱਕ ਤਾਲਮੇਲ ਵਾਲੀ ਕੋਸ਼ਿਸ਼ ਸ਼ੁਰੂ ਕੀਤੀ ਸੀ, ਜੋ ਪਿਆਰ ਦੀਆਂ ਝੂਠੀਆਂ ਗੱਲਾਂ ਵਿਚ ਫਸਾ ਕੇ, ਜਾਅਲੀ ਨਿਵੇਸ਼ ਦਾ ਝਾਂਸਾ ਦੇ ਕੇ ਅਤੇ ਗੈਰ-ਕਾਨੂੰਨੀ ਜੂਆ ਸਕੀਮਾਂ ਰਾਹੀਂ ਦੁਨੀਆ ਭਰ ਦੇ ਲੋਕਾਂ ਨਾਲ ਅਰਬਾਂ ਡਾਲਰ ਦੀ ਠੱਗੀ ਮਾਰਦੇ ਸਨ।
ਅਨੁਮਾਨ ਹੈ ਕਿ ਦੱਖਣ-ਪੂਰਬੀ ਏਸ਼ੀਆ ਅਤੇ ਹੋਰ ਥਾਵਾਂ ਤੋਂ ਸੈਂਕੜੇ-ਹਜ਼ਾਰਾਂ ਲੋਕ ਮਿਆਂਮਾਰ, ਕੰਬੋਡੀਆ ਅਤੇ ਲਾਓਸ ਵਿੱਚ ਅਜਿਹੇ ਕੇਂਦਰਾਂ ਵਿੱਚ ਕੰਮ ਕਰਦੇ ਹਨ, ਜਿਨ੍ਹਾਂ ਵਿੱਚੋਂ ਬਹੁਤਿਆਂ ਨੂੰ ਹੋਰ ਨੌਕਰੀਆਂ ਦੇ ਝੂਠੇ ਬਹਾਨੇ ਭਰਤੀ ਕੀਤਾ ਗਿਆ ਸੀ। ਥਾਈ ਅਧਿਕਾਰੀਆਂ ਨੇ ਹਾਲ ਹੀ ਵਿੱਚ ਕਿਹਾ ਕਿ ਮਿਆਂਮਾਰ ਤੋਂ ਔਨਲਾਈਨ ਘੁਟਾਲਾ ਕੇਂਦਰਾਂ ਤੋਂ 10,000 ਲੋਕਾਂ ਨੂੰ ਵਾਪਸ ਲਿਆਂਦਾ ਜਾ ਸਕਦਾ ਹੈ।
ਰੋਮ 'ਚ ਪੋਪ ਦੇ ਅੰਤਿਮ ਸੰਸਕਾਰ ਦੀ ਰਿਹਰਸਲ ਸ਼ੁਰੂ
NEXT STORY 
