ਇੰਟਰਨੈਸ਼ਨਲ ਡੈਸਕ- ਸੋਮਵਾਰ ਨੂੰ ਚੀਨ ਦਾ ਇਕ ਰਾਕੇਟ ਉਡਾਣ ਭਰਨ ਦੇ ਸਿਰਫ 85 ਸੈਕਿੰਡ ਬਾਅਦ ਹੀ ਫਟ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਚੀਨ ਦਾ ਇਹ ਰਾਕੇਟ ਲਾਂਗ ਮਾਰਚ 7-ਏ ਸੀ, ਜਿਸ ਨੂੰ ਹੈਨਾਨ ਦੇ ਵੇਨਚਾਂਗ ਸਪੇਸ ਲਾਂਚ ਸਾਈਟ ਤੋਂ ਲਾਂਚ ਕੀਤਾ ਗਿਆ ਸੀ।
ਹਾਲਾਂਕਿ, ਉਡਾਣ ਭਰਨ ਦੇ ਕੁਝ ਹੀ ਸਮੇਂ ਬਾਅਦ, ਆਪਣੀ ਪਹਿਲੀ ਸਟੇਜ ਦੀ ਉਡਾਣ ਦੌਰਾਨ ਹੀ ਫਟ ਗਿਆ। ਇਸ ਘਟਨਾ ਕਾਰਨ ਮਿਸ਼ਨ ਫੇਲ੍ਹ ਹੋ ਗਿਆ ਅਤੇ ਚੀਨ ਦੀ ਤੇਜ਼ੀ ਨਾਲ ਵਧਦੀਆਂ ਲਾਂਚ ਗਤੀਵਿਧੀਆਂ ਨੂੰ ਇਕ ਹੋਰ ਝਟਕਾ ਲੱਗਾ ਹੈ।
ਇਹ ਪਹਿਲੀ ਵਾਰ ਨਹੀਂ ਹੈ, ਲਾਂਗ ਮਾਰਚ 7-ਏ ਦੀ ਵਰਤੋਂ ਚੀਨ ਪਹਿਲਾਂ ਵੀ ਸੰਚਾਰ ਅਤੇ ਸੰਭਾਵੀ ਫ਼ੌਜੀ ਸੰਚਾਰ ਸੈਟੇਲਾਈਟਾਂ ਲਈ ਕਰ ਚੁੱਕਾ ਹੈ। ਲਾਂਗ ਮਾਰਚ 7-ਏ ਦੀ ਇਹ 18ਵੀਂ ਉਡਾਣ ਸੀ ਅਤੇ ਇਸ ਰਾਕੇਟ ਦਾ ਸਫ਼ਲਤਾ ਰਿਕਾਰਡ ਕਾਫ਼ੀ ਬਿਹਤਰ ਹੈ। ਇਹ ਰਾਕੇਟ ਅਜੇ ਤੱਕ ਸਿਰਫ਼ 2 ਵਾਰ ਹੀ ਨਾਕਾਮ ਸਾਬਤ ਹੋਇਆ ਹੈ।
ਦੱਖਣੀ ਅਫ਼ਰੀਕਾ 'ਚ ਮ੍ਰਿਤਕ ਮਿਲੇ 14 ਖਾਣ ਮਜ਼ਦੂਰ
NEXT STORY 
