ਕਰਾਚੀ (ਭਾਸ਼ਾ)- ਚੱਕਰਵਾਤੀ ਤੂਫ਼ਾਨ 'ਬਿਪਰਜੋਏ' ਦੇ ਪਾਕਿਸਤਾਨ ਵਿਚ ਪਹੁੰਚਣ ਦੀ ਸੰਭਾਵਨਾ ਦੇ ਵਿਚਕਾਰ ਤੱਟਵਰਤੀ ਕਸਬਿਆਂ ਅਤੇ ਛੋਟੇ ਟਾਪੂਆਂ ਵਿਚ ਰਹਿਣ ਵਾਲੇ ਹਜ਼ਾਰਾਂ ਲੋਕ ਆਪਣੇ ਘਰ ਛੱਡ ਕੇ ਸੁਰੱਖਿਅਤ ਥਾਵਾਂ 'ਤੇ ਚਲੇ ਗਏ ਹਨ। ਤੇਜ਼ ਹਵਾਵਾਂ, ਮੀਂਹ ਅਤੇ ਉੱਚੀਆਂ ਲਹਿਰਾਂ ਨੇ ਚੱਕਰਵਾਤ 'ਬਿਪਰਜੋਏ' ਦੇ ਆਉਣ ਦਾ ਸੰਕੇਤ ਦਿੱਤਾ ਹੈ। ਬੰਗਾਲੀ ਭਾਸ਼ਾ ਵਿੱਚ 'ਬਿਪਰਜੋਏ' ਦਾ ਅਰਥ ਹੈ ਆਫ਼ਤ। ਇਸ ਨੂੰ 'ਬਹੁਤ ਗੰਭੀਰ ਚੱਕਰਵਾਤੀ ਤੂਫ਼ਾਨ' ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ।
ਇਸ ਦੇ 140 ਤੋਂ 150 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਤੇਜ਼ ਹਵਾਵਾਂ ਦੇ ਨਾਲ ਇੱਥੇ ਪਹੁੰਚਣ ਦੀ ਸੰਭਾਵਨਾ ਹੈ। ਹਵਾਵਾਂ ਦੀ ਰਫ਼ਤਾਰ ਵੱਧ ਕੇ 170 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਵੀ ਪਹੁੰਚ ਸਕਦੀ ਹੈ। ਤਾਜ਼ਾ ਭਵਿੱਖਬਾਣੀ ਅਨੁਸਾਰ, ਚੱਕਰਵਾਤ ਦੇ ਉੱਤਰ ਵੱਲ ਵਧਦੇ ਰਹਿਣ ਦੇ ਬਾਅਦ ਫਿਰ ਪੂਰਬ ਵੱਲ ਮੁੜਨ ਅਤੇ ਠੱਟਾ ਜ਼ਿਲ੍ਹੇ ਦੇ ਕੇਟੀ ਬੰਦਰ ਅਤੇ ਭਾਰਤ ਦੇ ਗੁਜਰਾਤ ਤੱਟ 'ਤੇ ਪਹੁੰਚਾਣ ਦੀ ਸੰਭਾਵਨਾ ਹੈ। ਮੌਸਮ ਮਾਹਿਰਾਂ ਅਨੁਸਾਰ ਇਸ ਦਾ ਪ੍ਰਭਾਵ ਠੱਟਾ, ਬਦੀਨ, ਸਜਵਲ, ਥਾਰਪਾਰਕਰ, ਕਰਾਚੀ, ਮੀਰਪੁਰ ਖਾਸ, ਉਮਰਕੋਟ, ਹੈਦਰਾਬਾਦ, ਓਰਮਾਰਾ, ਟਾਂਡਾ ਅੱਲ੍ਹਾ ਅਤੇ ਟਾਂਡੋ ਮੁਹੰਮਦ ਖਾਨ ਵਿੱਚ ਦੇਖਿਆ ਜਾ ਸਕਦਾ ਹੈ।
ਸਿੰਧ ਦੇ ਮੁੱਖ ਮੰਤਰੀ ਦਫ਼ਤਰ ਵੱਲੋਂ ਸਾਂਝੀ ਕੀਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਤਿੰਨ ਜ਼ਿਲ੍ਹਿਆਂ ਦੇ 7 ਤਾਲੁਕਾਂ (ਸਰਕਾਰ ਵੱਲੋਂ ਅਨੁਮਾਨਿਤ) ਵਿੱਚ ਰਹਿਣ ਵਾਲੇ 71,380 ਲੋਕਾਂ ਵਿੱਚੋਂ, 56,985 ਨੂੰ ਮੰਗਲਵਾਰ ਸ਼ਾਮ ਤੱਕ ਕੱਢਿਆ ਗਿਆ ਸੀ। ਸਰਕਾਰੀ ਸਕੂਲਾਂ ਅਤੇ ਕਾਲਜਾਂ ਸਮੇਤ ਵੱਖ-ਵੱਖ ਥਾਵਾਂ 'ਤੇ 37 ਰਾਹਤ ਕੈਂਪ ਲਗਾਏ ਗਏ ਹਨ। ਪਾਕਿਸਤਾਨੀ ਜਲ ਸੈਨਾ ਦੇ ਅਨੁਸਾਰ, ਜਲ ਸੈਨਾ ਨੇ ਸ਼ਾਹ ਬੰਦਰ ਦੇ ਵੱਖ-ਵੱਖ ਪਿੰਡਾਂ ਦੇ 700 ਲੋਕਾਂ ਨੂੰ ਬਚਾਇਆ ਹੈ ਅਤੇ ਸਮੁੰਦਰ ਤੋਂ 64 ਮਛੇਰਿਆਂ ਨੂੰ ਬਚਾਇਆ ਗਿਆ ਹੈ।
ਯੂਕੇ ਪੁਲਸ ਨੇ ਪਾਕਿਸਤਾਨੀ ਸੋਸ਼ਲ ਮੀਡੀਆ ਕਾਰਕੁਨ ਆਦਿਲ ਰਾਜਾ ਨੂੰ ਕੀਤਾ ਗ੍ਰਿਫਤਾਰ
NEXT STORY 
