ਇੰਟਰਨੈਸ਼ਨਲ ਡੈਸਕ : ਯੂਕ੍ਰੇਨ ਵੱਲੋਂ ਕਾਲਾ ਸਾਗਰ ਪ੍ਰਾਇਦੀਪ 'ਤੇ ਤੇਲ ਸਪਲਾਈ ਚੇਨ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਤਾਜ਼ਾ ਹਮਲਿਆਂ ਕਾਰਨ ਰੂਸ ਦੇ ਕਬਜ਼ੇ ਵਾਲੇ ਕ੍ਰੀਮੀਆ ਵਿੱਚ ਸਥਿਤੀ ਬੇਹੱਦ ਗੰਭੀਰ ਹੋ ਗਈ ਹੈ। ਇਨ੍ਹਾਂ ਹਮਲਿਆਂ ਕਾਰਨ ਪੈਦਾ ਹੋਏ ਭਾਰੀ ਈਂਧਨ ਸੰਕਟ ਦੇ ਮੱਦੇਨਜ਼ਰ ਪ੍ਰਸ਼ਾਸਨ ਨੇ ਆਮ ਨਾਗਰਿਕਾਂ ਅਤੇ ਗੈਰ-ਸਰਕਾਰੀ ਕੰਪਨੀਆਂ ਲਈ ਪੈਟਰੋਲ ਦੀ ਵਿਕਰੀ 'ਤੇ ਅਣਮਿੱਥੇ ਸਮੇਂ ਲਈ ਪਾਬੰਦੀ ਲਗਾ ਦਿੱਤੀ ਹੈ।
4 ਹਲਾਕ, 28 ਜ਼ਖ਼ਮੀ
ਕ੍ਰੈਮਲਿਨ ਦੁਆਰਾ ਨਿਯੁਕਤ ਕ੍ਰੀਮੀਆ ਦੇ ਗਵਰਨਰ ਸਰਗੇਈ ਅਕਸਯੋਨੋਵ ਨੇ ਦੱਸਿਆ ਕਿ ਰਾਤ ਭਰ ਹੋਏ ਯੂਕਰੇਨੀ ਹਮਲਿਆਂ ਵਿੱਚ 4 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 28 ਹੋਰ ਜ਼ਖ਼ਮੀ ਹੋਏ ਹਨ। ਹਾਲਾਂਕਿ ਉਨ੍ਹਾਂ ਨੇ ਹਮਲੇ ਦੇ ਖਾਸ ਨਿਸ਼ਾਨਿਆਂ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਸਾਂਝੀ ਨਹੀਂ ਕੀਤੀ, ਪਰ ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਹੁਣ ਤੇਲ ਦੀ ਵਿਕਰੀ ਸਿਰਫ਼ ਉਨ੍ਹਾਂ ਸਰਕਾਰੀ ਏਜੰਸੀਆਂ ਨੂੰ ਕੀਤੀ ਜਾਵੇਗੀ ਜੋ ਖੇਤਰ ਦੀ ਸੁਰੱਖਿਆ ਅਤੇ ਕੰਮਕਾਜ ਲਈ ਜ਼ਿੰਮੇਵਾਰ ਹਨ।
ਇਹ ਵੀ ਪੜ੍ਹੋ : ਟਰੰਪ ਦੀ ਧਮਕੀ ਤੋਂ ਬਾਅਦ ਈਰਾਨ ਦਾ ਵੱਡਾ ਧਮਾਕਾ: ਅਮਰੀਕਾ ਨਾਲ ਗੱਲਬਾਤ ਟੁੱਟੀ, ਵਫ਼ਦ ਨੇ ਕੀਤਾ ਵਾਕਆਊਟ
ਤੇਲ ਲਈ ਲੰਬੀਆਂ ਕਤਾਰਾਂ
ਸੂਤਰਾਂ ਅਨੁਸਾਰ, ਇਸ ਤੋਂ ਪਹਿਲਾਂ ਮਈ ਦੇ ਅਖੀਰ ਵਿੱਚ ਪ੍ਰਸ਼ਾਸਨ ਨੇ 'ਪ੍ਰੀਪੇਡ ਕੂਪਨ' ਰਾਹੀਂ ਪ੍ਰਤੀ ਗੱਡੀ ਹਫ਼ਤੇ ਵਿੱਚ ਸਿਰਫ਼ 20 ਲੀਟਰ ਪੈਟਰੋਲ ਦੀ ਸੀਮਾ ਤੈਅ ਕੀਤੀ ਸੀ। ਇਹ ਕੂਪਨ ਜਾਰੀ ਹੁੰਦੇ ਹੀ ਤੁਰੰਤ ਵਿਕ ਗਏ ਅਤੇ ਲੋਕਾਂ ਨੂੰ ਤੇਲ ਪਵਾਉਣ ਲਈ ਘੰਟਿਆਂਬੱਧੀ ਲੰਬੀਆਂ ਕਤਾਰਾਂ ਵਿੱਚ ਖੜ੍ਹਨਾ ਪਿਆ। ਹੁਣ ਨਵੀਂ ਪਾਬੰਦੀ ਨੇ ਆਮ ਜਨਤਾ ਦੀਆਂ ਮੁਸ਼ਕਲਾਂ ਹੋਰ ਵਧਾ ਦਿੱਤੀਆਂ ਹਨ।
ਜ਼ੇਲੈਂਸਕੀ ਦਾ ਬਿਆਨ
ਦੂਜੇ ਪਾਸੇ, ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੈਂਸਕੀ ਨੇ ਇਨ੍ਹਾਂ ਹਮਲਿਆਂ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਯੂਕਰੇਨੀ ਫੌਜ ਨੇ ਕ੍ਰੀਮੀਆ ਦੇ ਇੱਕ ਤੇਲ ਡਿਪੋ ਅਤੇ ਰੂਸ ਦੇ ਦੱਖਣੀ ਕ੍ਰਾਸਨੋਦਰ ਇਲਾਕੇ ਵਿੱਚ ਤੇਲ ਟ੍ਰਾਂਸਪੋਰਟ ਕੇਂਦਰ ਨੂੰ ਸਫਲਤਾਪੂਰਵਕ ਨਿਸ਼ਾਨਾ ਬਣਾਇਆ ਹੈ। ਉਨ੍ਹਾਂ ਕਿਹਾ ਕਿ ਰੂਸ ਸਿਰਫ਼ ਤਾਕਤ ਦੀ ਭਾਸ਼ਾ ਸਮਝਦਾ ਹੈ ਅਤੇ ਇਹ ਕਾਰਵਾਈ ਰੂਸੀ ਊਰਜਾ ਢਾਂਚੇ ਵਿਰੁੱਧ ਯੂਕਰੇਨ ਦੀ "ਦੀਰਘਕਾਲੀ ਰਣਨੀਤੀ" ਦਾ ਹਿੱਸਾ ਹੈ। ਗਵਰਨਰ ਅਕਸਯੋਨੋਵ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਫਵਾਹਾਂ 'ਤੇ ਧਿਆਨ ਨਾ ਦੇਣ ਅਤੇ ਸਿਰਫ਼ ਅਧਿਕਾਰਤ ਸਰੋਤਾਂ 'ਤੇ ਹੀ ਭਰੋਸਾ ਕਰਨ। ਦੱਸਣਯੋਗ ਹੈ ਕਿ ਰੂਸ ਨੇ 2014 ਵਿੱਚ ਕ੍ਰੀਮੀਆ 'ਤੇ ਕਬਜ਼ਾ ਕੀਤਾ ਸੀ ਅਤੇ ਉਦੋਂ ਤੋਂ ਹੀ ਇਹ ਖੇਤਰ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅ ਦਾ ਮੁੱਖ ਕੇਂਦਰ ਬਣਿਆ ਹੋਇਆ ਹੈ।
ਇਹ ਵੀ ਪੜ੍ਹੋ : ਖ਼ਤਮ ਹੋ ਰਹੀ ਡੈੱਡਲਾਈਨ! ਕੱਲ੍ਹ ਤੋਂ ਬੰਦ ਹੋ ਜਾਵੇਗੀ ਇਨ੍ਹਾਂ ਲੋਕਾਂ ਦੀ LPG ਸਿਲੰਡਰ ਸਪਲਾਈ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟਰੰਪ ਦੀ ਧਮਕੀ ਤੋਂ ਬਾਅਦ ਈਰਾਨ ਦਾ ਵੱਡਾ ਧਮਾਕਾ: ਅਮਰੀਕਾ ਨਾਲ ਗੱਲਬਾਤ ਟੁੱਟੀ, ਵਫ਼ਦ ਨੇ ਕੀਤਾ ਵਾਕਆਊਟ
NEXT STORY 
