ਜਕਾਰਤਾ: ਭਾਵੇਂ ਹਨੀਮੂਨ ਕਪਲ ਹੋਣ ਜਾਂ ਫਿਰ ਘੁੰਮਣ-ਫਿਰਨ ਦੇ ਸ਼ੌਕੀਨ ਟ੍ਰੈਵਲਰ, ਸਾਰਿਆਂ ਲਈ ਦੱਖਣੀ ਪੂਰਵ ਏਸ਼ੀਆ ਵਿੱਚ ਸਮੁੰਦਰ ਵਿਚਕਾਰ ਸਥਿਤ ਇੰਡੋਨੇਸ਼ੀਆ ਖੂਬ ਪਸੰਦ ਕੀਤਾ ਜਾਣ ਵਾਲਾ ਟ੍ਰੈਵਲ ਡੇਸਟੀਨੇਸ਼ਨ ਹੈ। ਇੰਡੋਨੇਸ਼ੀਆ ਦਾ ਬਾਲੀ ਟਾਪੂ ਤਾਂ ਭਾਰਤੀਆਂ ਲਈ ਟਾਪ ਟੂਰਿਸਟ ਡੇਸਟੀਨੇਸ਼ਨ ਵਿੱਚੋਂ ਇੱਕ ਹੈ। ਹੁਣ ਇੰਡੋਨੇਸ਼ੀਆ ਘੁੰਮਣ-ਫਿਰਨ ਦੇ ਇਨ੍ਹਾਂ ਪ੍ਰੇਮੀਆਂ ਦੀ ਆਮਦ ਨੂੰ ਹੋਰ ਆਸਾਨ ਬਣਾਉਣ ਵਾਲਾ ਹੈ। ਇੰਡੋਨੇਸ਼ੀਆ ਸਰਕਾਰ ਨੇ ਟੂਰਿਜ਼ਮ ਨੂੰ ਵਧਾਵਾ ਦੇਣ ਅਤੇ ਅਰਥਚਾਰੇ ਨੂੰ ਗਤੀ ਦੇਣ ਲਈ ਭਾਰਤ ਸਮੇਤ 20 ਹੋਰ ਦੇਸ਼ਾਂ ਦੇ ਯਾਤਰੀਆਂ ਨੂੰ ਵੀਜ਼ਾ ਫ੍ਰੀ ਦਾਖਲਾ ਦੇਣ ਦੀ ਯੋਜਨਾ ਦੀ ਘੋਸ਼ਣਾ ਕੀਤੀ ਹੈ। ਇੰਡੋਨੇਸ਼ੀਆ ਦੇ ਟੂਰਿਜ਼ਮ ਮੰਤਰੀ ਸੈਂਡੀਆਗਾ ਊਨੋ ਦੀ ਅਗਵਾਈ ਵਿੱਚ ਸ਼ੁਰੂ ਹੋਈ ਇਸ ਪਹਿਲ ਦੇ ਤਹਿਤ ਅਕਤੂਬਰ 2024 ਤੋਂ ਪਹਿਲੀ ਮੁਫ਼ਤ ਯੋਜਨਾ ਨੂੰ ਅੰਤਮ ਰੂਪ ਦੇਣਾ ਹੈ।
ਕਈ ਵੀਜ਼ਾ ਵਿਕਲਪ ਮੌਜੂਦ
ਇੰਡੋਨੇਸ਼ੀਆ ਨੂੰ ਉਮੀਦ ਹੈ ਕਿ ਯਾਤਰੀਆਂ ਲਈ ਵੀਜ਼ਾ ਸੰਬੰਧੀ ਸਮੱਸਿਆਵਾਂ ਨੂੰ ਦੂਰ ਕਰਨ ਨਾਲ ਦੇਸ਼ ਵਿਚ ਸੈਲਾਨੀਆਂ ਦੀ ਗਿਣਤੀ ਵਧੇਗੀ। ਨਤੀਜੇ ਵਜੋਂ ਇਹ ਘਰੇਲੂ ਖਰਚਿਆਂ ਨੂੰ ਹੁਲਾਰਾ ਦੇਣ, ਵਿਦੇਸ਼ੀ ਨਿਵੇਸ਼ ਨੂੰ ਆਕਰਸ਼ਿਤ ਕਰਨ ਅਤੇ ਡਿਜੀਟਲ ਆਰਥਿਕਤਾ ਦੇ ਵਿਕਾਸ ਨੂੰ ਤੇਜ਼ ਕਰਨ ਦੀ ਉਮੀਦ ਹੈ। ਇੰਡੋਨੇਸ਼ੀਆ ਭਾਰਤ ਸਮੇਤ 20 ਦੇਸ਼ਾਂ ਦੇ ਸੈਲਾਨੀਆਂ ਨੂੰ ਫ੍ਰੀ ਐਂਟਰੀ ਵੀਜ਼ਾ ਦੇਣ ਦੀ ਤਿਆਰੀ ਕਰ ਰਿਹਾ ਹੈ। ਭਾਰਤੀ ਯਾਤਰੀਆਂ ਕੋਲ ਆਪਣੀਆਂ ਖਾਸ ਯਾਤਰਾ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਕਈ ਵੀਜ਼ਾ ਵਿਕਲਪ ਵੀ ਹਨ।
ਟ੍ਰਾਂਜ਼ਿਟ ਵੀਜ਼ਾ: ਇਹ ਉਹਨਾਂ ਯਾਤਰੀਆਂ ਲਈ ਹੈ ਜੋ ਕਿਸੇ ਹੋਰ ਮੰਜ਼ਿਲ ਦੀ ਯਾਤਰਾ ਕਰਦੇ ਸਮੇਂ ਇੰਡੋਨੇਸ਼ੀਆ ਵਿੱਚ ਰੁਕਦੇ ਹਨ। ਇਹ 14 ਦਿਨਾਂ ਤੱਕ ਠਹਿਰਨ ਦੀ ਆਗਿਆ ਦਿੰਦਾ ਹੈ, ਜੋ ਕਿ ਥੋੜ੍ਹੇ ਸਮੇਂ ਲਈ ਬਹੁਤ ਵਧੀਆ ਹੈ।
ਵਿਜ਼ਿਟ ਵੀਜ਼ਾ: ਇੰਡੋਨੇਸ਼ੀਆ ਦਾ ਵਿਜ਼ਿਟ ਵੀਜ਼ਾ ਸੈਰ-ਸਪਾਟਾ, ਵਪਾਰਕ ਜਾਂ ਸਮਾਜਿਕ ਗਤੀਵਿਧੀਆਂ ਲਈ 60 ਦਿਨਾਂ ਤੱਕ ਰੁਕਣ ਦੀ ਇਜਾਜ਼ਤ ਦਿੰਦਾ ਹੈ। ਵੱਖ-ਵੱਖ ਮਾਮਲਿਆਂ 'ਤੇ ਨਿਰਭਰ ਕਰਦਿਆਂ ਇਸ ਨੂੰ ਵਧਾਇਆ ਜਾ ਸਕਦਾ ਹੈ।
ਸੀਮਿਤ ਸਟੇਅ ਵੀਜ਼ਾ: ਨਿਵੇਸ਼, ਪਰਿਵਾਰਕ ਮੁੱਦਿਆਂ ਜਾਂ ਦੇਸ਼ ਵਾਪਸੀ ਲਈ ਲੰਬੇ ਸਮੇਂ ਲਈ ਠਹਿਰਨ ਦਾ ਸਮਰਥਨ ਕਰਦਾ ਹੈ। ਇਸ ਵੀਜ਼ੇ ਲਈ ਡਾਇਰੈਕਟੋਰੇਟ ਜਨਰਲ ਆਫ਼ ਇਮੀਗ੍ਰੇਸ਼ਨ ਤੋਂ ਮਨਜ਼ੂਰੀ ਦੀ ਲੋੜ ਹੁੰਦੀ ਹੈ।
ਆਗਮਨ 'ਤੇ ਵੀਜ਼ਾ: ਆਗਮਨ 'ਤੇ ਵੀਜ਼ਾ ਵਿਦੇਸ਼ੀ ਯਾਤਰੀਆਂ ਨੂੰ ਇੱਕ ਮਹੀਨੇ ਤੱਕ ਰੁਕਣ ਦੀ ਆਗਿਆ ਦਿੰਦਾ ਹੈ, ਜਿਸ ਨੂੰ ਕੁਝ ਸ਼ਰਤਾਂ ਅਧੀਨ ਵਧਾਇਆ ਜਾ ਸਕਦਾ ਹੈ। ਇਹ ਸੈਰ-ਸਪਾਟਾ, ਪਰਿਵਾਰਕ ਯਾਤਰਾਵਾਂ, ਸੱਭਿਆਚਾਰਕ ਅਦਾਨ-ਪ੍ਰਦਾਨ ਅਤੇ ਥੋੜ੍ਹੇ ਸਮੇਂ ਦੇ ਕਾਰੋਬਾਰ ਲਈ ਢੁਕਵਾਂ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਮੀਨੂ 'ਚ ਗੁਜਰਾਤੀ ਭੋਜਨ, ਕਮਿਊਨਿਟੀ ਈਵੈਂਟ 'ਚ ਰੂਸੀ ਕਥਕ ਡਾਂਸਰ; PM ਮੋਦੀ ਦੇ ਸਵਾਗਤ ਲਈ ਮਾਸਕੋ ਤਿਆਰ
ਇੰਡੋਨੇਸ਼ੀਆ ਵਿੱਚ ਵੀਜ਼ਾ ਫ੍ਰੀ ਐਂਟਰੀ ਲੈਣ ਲਈ 20 ਦੇਸ਼ਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ, ਜੋ ਕਿ ਇਸ ਪ੍ਰਕਾਰ ਹੈ।
ਭਾਰਤ
ਚੀਨ
ਆਸਟ੍ਰੇਲੀਆ
ਦੱਖਣ ਕੋਰੀਆ
ਅਮਰੀਕਾ
ਬਰਤਾਨੀਆ
ਫਰਾਂਸ
ਜਰਮਨੀ
ਕਤਾਰ
ਸੰਯੁਕਤ ਅਰਬ ਅਮੀਰਾਤ
ਸਾਊਦੀ ਅਰਬ
ਨੀਦਰਲੈਂਡਜ਼
ਜਪਾਨ
ਰੂਸ
ਤਾਈਵਾਨ
ਨਿਊਜ਼ੀਲੈਂਡ
ਇਟਲੀ
ਸਪੇਨ
ਮੱਧ ਪੂਰਬ ਦੇ ਦੋ ਦੇਸ਼, ਜਿਨ੍ਹਾਂ ਦੇ ਨਾਂ ਸਪੱਸ਼ਟ ਨਹੀਂ ਹਨ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਉੱਘੇ ਭਾਰਤੀ ਵਪਾਰੀ ਰਾਮ ਬਕਸਾਨੀ ਦਾ UAE 'ਚ ਹੋਇਆ ਦਿਹਾਂਤ
NEXT STORY 
