ਬੀਜਿੰਗ: ਚੀਨ ਵਿੱਚ ਕੋਰੋਨਾ ਨਾਲ ਹੋਈਆਂ ਮੌਤਾਂ ਨੂੰ ਲੈ ਕੇ ਇੱਕ ਖੌਫਨਾਕ ਖੁਲਾਸਾ ਹੋਇਆ ਹੈ। ਦਰਅਸਲ, ਕੋਰੋਨਾ ਵਾਇਰਸ ਦੀ ਲਾਗ ਅਤੇ ਇਸ ਨਾਲ ਹੋਣ ਵਾਲੀਆਂ ਮੌਤਾਂ ਨੂੰ ਲੈ ਕੇ ਚੀਨ ਦੇ ਅੰਕੜੇ ਸ਼ੁਰੂ ਤੋਂ ਹੀ ਸ਼ੱਕ ਦੇ ਘੇਰੇ ਵਿਚ ਰਹੇ ਹਨ। ਮੌਜੂਦਾ ਅੰਕੜਿਆਂ ਦੇ ਅਨੁਸਾਰ, ਚੀਨ ਦੁਨੀਆ ਵਿੱਚ ਸਭ ਤੋਂ ਘੱਟ ਕੋਰੋਨਾ ਮੌਤਾਂ ਵਾਲੇ ਦੇਸ਼ਾਂ ਵਿੱਚ ਗਿਣਿਆ ਜਾਂਦਾ ਹੈ।
ਪਰ ਹੁਣ ਇੱਕ ਵਿਸ਼ਲੇਸ਼ਕ ਨੇ ਦਾਅਵਾ ਕੀਤਾ ਹੈ ਕਿ ਚੀਨ ਵਿੱਚ ਕੋਰੋਨਾ ਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਜਾਰੀ ਕੀਤੇ ਗਏ ਅੰਕੜਿਆਂ ਤੋਂ 17000 ਫੀਸਦੀ ਵੱਧ ਹੋ ਸਕਦੀ ਹੈ। ਇਹ ਖਦਸ਼ਾ ਹੈ ਕਿ ਦੁਨੀਆ ਦੇ ਸਭ ਤੋਂ ਸਖਤ ਤਾਲਾਬੰਦੀ ਦੇ ਬਾਵਜੂਦ, ਚੀਨ ਵਿੱਚ ਸੰਕਰਮਣ ਨਾਲ ਮਰਨ ਵਾਲਿਆਂ ਦੀ ਅਸਲ ਗਿਣਤੀ ਲਗਭਗ 1.7 ਮਿਲੀਅਨ ਹੋ ਸਕਦੀ ਹੈ, ਜੋ ਕਿ ਚੀਨੀ ਅਧਿਕਾਰੀਆਂ ਦੁਆਰਾ ਦੱਸੀਆਂ ਗਈਆਂ 4,636 ਮੌਤਾਂ ਦੇ ਬਿਲਕੁਲ ਉਲਟ ਹੈ।
ਇਹ ਵੀ ਪੜ੍ਹੋ : ਕੋਰੋਨਾ ਕਾਲ ਦੇ 2 ਸਾਲਾਂ 'ਚ 16 ਕਰੋੜ ਹੋਰ ਲੋਕ ਹੋਏ ‘ਗ਼ਰੀਬ’, ਅਮੀਰਾਂ ਨੇ ਜੰਮ ਕੇ ਕੀਤੀ ‘ਕਮਾਈ’
ਚੀਨ 'ਚ ਕੋਰੋਨਾ ਦੇ ਵਧਦੇ ਮਾਮਲਿਆਂ ਨੂੰ ਦੇਖਦੇ ਹੋਏ ਚੀਨ ਦੇ ਟੀਕੇ ਦੇ ਪ੍ਰਭਾਵ 'ਤੇ ਵੀ ਲੋਕਾਂ ਦੇ ਸ਼ੰਕੇ ਡੂੰਘੇ ਹੋਣ ਲੱਗੇ ਹਨ। ਸਿਰਫ ਚੀਨ ਹੀ ਨਹੀਂ, ਬਲਕਿ ਹਰ ਦੇਸ਼ ਜਿੱਥੇ ਇਹ ਵੈਕਸੀਨ ਲਾਗੂ ਕੀਤੀ ਗਈ ਸੀ, ਉੱਥੇ ਕੋਰੋਨਾ ਦੇ ਮਾਮਲੇ ਤੇਜ਼ੀ ਨਾਲ ਵਧੇ ਹਨ। ਮੰਗੋਲੀਆ, ਬਹਿਰੀਨ, ਸੇਸ਼ੇਲਸ, ਚਿਲੀ ਅਤੇ ਤੁਰਕੀ ਸਮੇਤ ਕਈ ਦੇਸ਼ਾਂ ਨੇ ਚੀਨ ਦੀ ਵੈਕਸੀਨ ਦੀ ਵਰਤੋਂ ਕੀਤੀ, ਜਿਸ ਦਾ ਖਾਮਿਆਜ਼ਾ ਉਨ੍ਹਾਂ ਨੂੰ ਤੁਰੰਤ ਝੱਲਣਾ ਪਿਆ।
ਸਟੀਵਨਜ਼ ਇੰਸਟੀਚਿਊਟ ਆਫ ਟੈਕਨਾਲੋਜੀ ਦੇ ਕੁਆਂਟੀਟੇਟਿਵ ਫਾਈਨੈਂਸ ਪ੍ਰੋਗਰਾਮ ਦੇ ਨਿਰਦੇਸ਼ਕ ਜਾਰਜ ਕੈਲਹੌਨ ਨੇ ਦੋਸ਼ ਲਾਇਆ ਹੈ ਕਿ ਚੀਨੀ ਸ਼ਾਸਨ ਨੇ ਆਪਣੀ ਛਵੀ ਨੂੰ ਬਚਾਉਣ ਲਈ ਘੱਟ ਮੌਤਾਂ ਦੇ ਅੰਕੜੇ ਜਾਰੀ ਕੀਤੇ ਹਨ। ਦ ਇਕਨਾਮਿਸਟ ਦੇ ਮਾਡਲ ਦਾ ਅਧਿਐਨ ਕਰਨ ਵਾਲੇ ਇਕ ਮਾਹਰ ਨੇ ਦ ਈਪੋਕ ਟਾਈਮਜ਼ ਨੂੰ ਦਾਅਵਾ ਕੀਤਾ ਕਿ ਚੀਨ ਦੇ ਅਧਿਕਾਰਤ ਅੰਕੜੇ 'ਸੰਖਿਆਤਮਕ ਤੌਰ 'ਤੇ ਅਸੰਭਵ' ਹਨ। ਅਪ੍ਰੈਲ 2020 ਤੋਂ ਬਾਅਦ, ਜਦੋਂ ਜ਼ਿਆਦਾਤਰ ਮੌਤਾਂ ਵੁਹਾਨ ਵਿੱਚ ਹੋਈਆਂ, ਉਸ ਸਮੇਂ ਬੀਜਿੰਗ ਵਿੱਚ ਅਧਿਕਾਰੀਆਂ ਨੇ ਅਧਿਕਾਰਤ ਤੌਰ 'ਤੇ ਸਿਰਫ ਦੋ ਮੌਤਾਂ ਦਰਜ ਕੀਤੀਆਂ।
ਇਹ ਵੀ ਪੜ੍ਹੋ : ਹਰਿਆਣਾ 'ਚ ਆਮਦਨ ਕਰ ਵਿਭਾਗ ਦੇ ਛਾਪੇ, ਕਰੋੜਾਂ ਰੁਪਏ ਦੀ ਨਕਦੀ ਤੇ ਗਹਿਣੇ ਕੀਤੇ ਬਰਾਮਦ
ਕੈਲਹੌਨ ਨੇ ਕਿਹਾ ਕਿ ਇਹ ਅਸੰਭਵ ਸੀ। ਇਹ ਡਾਕਟਰੀ ਤੌਰ 'ਤੇ ਵੀ ਅਸੰਭਵ ਹੈ ਅਤੇ ਇਹ ਅੰਕੜਿਆਂ ਪੱਖੋਂ ਵੀ ਅਸੰਭਵ ਹੈ। ਉਨ੍ਹਾਂ ਕਿਹਾ ਕਿ ਯਾਦ ਰੱਖੋ ਕਿ 2020 ਵਿੱਚ ਨਾ ਤਾਂ ਕੋਈ ਟੀਕਾ ਸੀ ਅਤੇ ਨਾ ਹੀ ਕੋਈ ਇਲਾਜ। ਇਸਦਾ ਮਤਲਬ ਹੈ ਕਿ ਤੁਹਾਡੇ ਕੋਲ ਇੱਕ ਅਸੁਰੱਖਇਅਤ ਆਬਾਦੀ ਸੀ ਜਿਸ ਵਿੱਚ ਜ਼ੀਰੋ ਕੋਵਿਡ ਮੌਤਾਂ ਦੀ ਰਿਪੋਰਟ ਕੀਤੀ ਗਈ ਸੀ, ਜਦੋਂਕਿ ਉਸ ਸਮੇਂ ਹਜ਼ਾਰਾਂ ਕੇਸ ਸਾਹਮਣੇ ਆ ਰਹੇ ਸਨ। ਜੌਨਸ ਹੌਪਕਿੰਸ ਕੋਰੋਨਾ ਵਾਇਰਸ ਰਿਸੋਰਸ ਸੈਂਟਰ ਦੇ ਅੰਕੜਿਆਂ ਅਨੁਸਾਰ, ਉਸ ਸਮੇਂ ਦੌਰਾਨ ਮੇਨਲੈਂਡ ਚੀਨ ਵਿੱਚ ਕੋਵਿਡ ਦੇ 22,000 ਤੋਂ ਵੱਧ ਮਾਮਲੇ ਸਨ।
ਪਰ ਦ ਇਕਨਾਮਿਸਟ ਦੇ ਮਾਡਲ ਦੇ ਅਧਾਰ 'ਤੇ, ਕੈਲਹੌਨ ਦਾ ਦਾਅਵਾ ਹੈ ਕਿ ਚੀਨ ਦੀ ਅਧਿਕਾਰਤ ਮੌਤ ਦਰ ਅਸਲੀਅਤ ਨਾਲੋਂ ਲਗਭਗ 17,000 ਪ੍ਰਤੀਸ਼ਤ ਘੱਟ ਹੈ। ਕੋਰੋਨਾ ਵਾਇਰਸ ਦੇ ਪ੍ਰਕੋਪ ਨੂੰ ਰੋਕਣ ਲਈ ਚੀਨ 'ਜ਼ੀਰੋ ਕੋਵਿਡ ਪਾਲਿਸੀ' 'ਤੇ ਜ਼ੋਰ ਦੇ ਰਿਹਾ ਹੈ। ਇਸ ਦੇ ਲਈ ਚੀਨ ਦੀ ਸਰਕਾਰ ਵੀ ਹਰ ਹੱਦ ਪਾਰ ਕਰਨ ਲਈ ਤਿਆਰ ਹੈ। ਭਾਵੇਂ ਲੋਕਾਂ ਨੂੰ ਘਰਾਂ ਵਿੱਚ ਕੈਦ ਹੋਣਾ ਪਵੇ ਜਾਂ ਸਟੀਲ ਦੇ ਡੱਬਿਆਂ ਵਿੱਚ। ਚੀਨ ਸਰਕਾਰ ਵੱਲੋਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸ਼ਿਆਨ ਵਿੱਚ ਕੋਰੋਨਾ ਦਾ ਪ੍ਰਕੋਪ ਹੁਣ 5 ਜਨਵਰੀ ਤੋਂ ਕਾਬੂ ਵਿੱਚ ਹੈ, ਹਾਲਾਂਕਿ ਸਰਕਾਰ ਵੱਲੋਂ ਨਿਯਮਾਂ ਨੂੰ ਹੋਰ ਸਖ਼ਤ ਕਰ ਦਿੱਤਾ ਗਿਆ ਹੈ ਅਤੇ ਲੋਕ ਅਜੇ ਵੀ ਆਪਣੇ ਘਰਾਂ ਤੋਂ ਬਾਹਰ ਨਹੀਂ ਨਿਕਲ ਸਕਦੇ।
ਇਹ ਵੀ ਪੜ੍ਹੋ : Bitcoin ਨਿਵੇਸ਼ਕਾਂ ਦਾ ਪਸੰਦੀਦਾ ਸਥਾਨ ਬਣਿਆ Puerto Rico, ਇਸ ਕਾਰਨ ਦੇ ਰਹੇ ਤਰਜੀਹ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਹਾਂਗਕਾਂਗ ’ਚ ਕੋਰੋਨਾ ਵਾਇਰਸ ਦੀ ਲਾਗ ਕਾਰਨ ਮਾਰੇ ਜਾਣਗੇ 2000 ਪਾਲਤੂ ‘ਚੂਹੇ’
NEXT STORY 
