ਬਿਜ਼ਨੈੱਸ ਡੈਸਕ : ਡੋਨਾਲਡ ਟਰੰਪ ਨੇ ਆਟੋ ਸੈਕਟਰ 'ਤੇ 25 ਫੀਸਦੀ ਟੈਰਿਫ ਲਗਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੌਰਾਨ ਟਾਟਾ ਕੰਪਨੀ ਨੇ ਆਪਣੀ ਕਾਰ ਅਮਰੀਕਾ ਨਾ ਭੇਜਣ ਦਾ ਫੈਸਲਾ ਕੀਤਾ ਹੈ। ਟਾਟਾ ਮੋਟਰਸ ਦੀ ਸਹਾਇਕ ਕੰਪਨੀ ਜੈਗੁਆਰ ਲੈਂਡ ਰੋਵਰ ਨੇ ਅਜਿਹਾ ਫੈਸਲਾ ਲਿਆ ਹੈ। ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਜੈਗੁਆਰ ਲੈਂਡ ਰੋਵਰ ਨੇ ਬ੍ਰਿਟੇਨ 'ਚ ਬਣੇ ਵਾਹਨਾਂ ਦੀ ਅਮਰੀਕਾ ਨੂੰ ਬਰਾਮਦ 'ਤੇ ਰੋਕ ਲਗਾ ਦਿੱਤੀ ਹੈ।
ਬ੍ਰਿਟੇਨ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਦਾ ਇਹ ਫੈਸਲਾ ਸੋਮਵਾਰ ਤੋਂ ਲਾਗੂ ਹੋਵੇਗਾ। ਅਮਰੀਕੀ ਸਰਕਾਰ ਵੱਲੋਂ ਆਟੋ ਸੈਕਟਰ 'ਤੇ ਲਗਾਇਆ ਗਿਆ 25 ਫੀਸਦੀ ਟੈਰਿਫ ਵੀਰਵਾਰ ਤੋਂ ਲਾਗੂ ਹੋ ਜਾਵੇਗਾ। ਟਾਟਾ ਮੋਟਰਜ਼ ਦੀ ਮਾਲਕੀ ਵਾਲੀ ਇਸ ਕੰਪਨੀ ਦੇ ਇਸ ਫੈਸਲੇ ਨੂੰ ਟਰੰਪ ਦੇ ਟੈਰਿਫ ਤੋਂ ਬਚਣ ਦੇ ਤਰੀਕੇ ਵਜੋਂ ਦੇਖਿਆ ਜਾ ਰਿਹਾ ਹੈ। ਜੈਗੁਆਰ ਲੈਂਡ ਰੋਵਰ ਇੱਕ ਕੰਪਨੀ ਹੈ, ਜੋ ਬ੍ਰਿਟੇਨ ਵਿੱਚ 38,000 ਲੋਕਾਂ ਨੂੰ ਰੁਜ਼ਗਾਰ ਦਿੰਦੀ ਹੈ।
ਇਹ ਵੀ ਪੜ੍ਹੋ : Trump Tariff ਦੇ ਖ਼ੌਫ ਵਿਚਾਲੇ ਐਪਲ ਦਾ ਤੋਹਫ਼ਾ, ਹਾਲੇ ਨਹੀਂ ਵਧਣਗੀਆਂ iPhone ਦੀਆਂ ਕੀਮਤਾਂ
ਕਿਉਂ ਹਾਲੇ ਐਕਸਪੋਰਟ ਨਹੀਂ ਕਰਨਾ ਚਾਹੁੰਦੀ ਕੰਪਨੀ?
ਈਟੀ ਦੀ ਰਿਪੋਰਟ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇਐੱਲਆਰ ਕੋਲ ਪਹਿਲਾਂ ਹੀ ਅਮਰੀਕਾ ਵਿੱਚ ਕਾਰਾਂ ਦੀ ਦੋ ਮਹੀਨਿਆਂ ਦੀ ਸਪਲਾਈ ਹੈ, ਜਿਸ ਉੱਤੇ ਨਵੇਂ ਟੈਰਿਫ ਲਾਗੂ ਨਹੀਂ ਕੀਤੇ ਗਏ ਹਨ। ਅਜਿਹੇ 'ਚ ਕੰਪਨੀ ਨੇ ਇਹ ਫੈਸਲਾ ਕਾਫੀ ਸੋਚ-ਵਿਚਾਰ ਤੋਂ ਬਾਅਦ ਲਿਆ ਹੈ। ਐਟਲਾਂਟਿਕ ਤੋਂ ਅਮਰੀਕਾ ਤੱਕ ਵਾਹਨਾਂ ਨੂੰ ਭੇਜਣ ਲਈ 21 ਦਿਨ ਲੱਗਦੇ ਹਨ। ਅਜਿਹੇ 'ਚ ਹੁਣ ਨਿਰਯਾਤ ਨਾ ਕਰਨ ਦਾ ਫੈਸਲਾ ਵੀ ਸਾਨੂੰ ਕੰਪਨੀ ਦੀ ਰਣਨੀਤੀ 'ਤੇ ਸੋਚਣ ਲਈ ਮਜਬੂਰ ਕਰਦਾ ਹੈ।
ਕੰਪਨੀ ਨੇ ਆਪਣੇ ਇਸ ਫ਼ੈਸਲੇ ਬਾਰੇ ਕੀ ਕਿਹਾ?
ਕੰਪਨੀ ਨੇ ਆਪਣੀ ਵੈੱਬਸਾਈਟ 'ਤੇ ਇਕ ਬਿਆਨ ਵੀ ਜਾਰੀ ਕੀਤਾ ਹੈ। ਕੰਪਨੀ ਨੇ ਗਲੋਬਲ ਅਪੀਲ ਕਰਦੇ ਹੋਏ ਕਿਹਾ ਹੈ ਕਿ ਸਾਡਾ ਕਾਰੋਬਾਰ ਕਿਸੇ ਇਕ ਵਿਅਕਤੀ 'ਤੇ ਨਿਰਭਰ ਨਹੀਂ ਹੈ। ਅਸੀਂ ਅਜਿਹੇ ਬਦਲਦੇ ਬਾਜ਼ਾਰ ਦੇ ਹਾਲਾਤਾਂ ਦੇ ਆਦੀ ਹਾਂ। ਜੈਗੁਆਰ ਲੈਂਡ ਰੋਵਰ ਨੇ ਅੱਗੇ ਕਿਹਾ ਕਿ ਸਾਡੀ ਤਰਜੀਹ ਦੁਨੀਆ ਭਰ ਵਿੱਚ ਫੈਲੇ ਆਪਣੇ ਗਾਹਕਾਂ ਤੱਕ ਵਾਹਨ ਪਹੁੰਚਾਉਣਾ ਹੈ। ਮਾਰਚ 2024 ਤੋਂ ਪਿਛਲੇ 12 ਮਹੀਨਿਆਂ ਵਿੱਚ, ਜੈਗੁਆਰ ਲੈਂਡ ਰੋਵਰ ਨੇ 4,30,000 ਵਾਹਨ ਵੇਚੇ ਹਨ। ਇਸ ਦਾ ਚੌਥਾਈ ਹਿੱਸਾ ਉੱਤਰੀ ਅਮਰੀਕਾ ਵਿੱਚ ਵੇਚਿਆ ਗਿਆ ਹੈ। ਕੰਪਨੀ ਨੇ ਕਿਹਾ ਕਿ ਦਸੰਬਰ 'ਚ ਉਨ੍ਹਾਂ ਦੇ ਮੁਨਾਫੇ 'ਚ 17 ਫੀਸਦੀ ਦੀ ਗਿਰਾਵਟ ਆਈ ਹੈ। ਇਸ ਨੂੰ 2008 ਵਿੱਚ ਟਾਟਾ ਤੋਂ ਖਰੀਦਿਆ ਗਿਆ ਸੀ।
ਇਹ ਵੀ ਪੜ੍ਹੋ : SBI ਦੇ ਗਾਹਕਾਂ ਨੂੰ ਲੱਗਾ ਵੱਡਾ ਝਟਕਾ, ਬੈਂਕ ਨੇ ਬੰਦ ਕੀਤੀ ਇਹ ਯੋਜਨਾ
ਸ਼ੇਅਰਾਂ 'ਤੇ ਦਿਸ ਸਕਦਾ ਹੈ ਅਸਰ
ਸੋਮਵਾਰ ਨੂੰ ਟਾਟਾ ਮੋਟਰਜ਼ ਦੇ ਸ਼ੇਅਰਾਂ 'ਤੇ ਅਸਰ ਦਿਖਾਈ ਦੇ ਸਕਦਾ ਹੈ। ਸ਼ੁੱਕਰਵਾਰ ਨੂੰ ਟਾਟਾ ਮੋਟਰਜ਼ ਦੇ ਸ਼ੇਅਰ 6 ਫੀਸਦੀ ਡਿੱਗ ਕੇ 615.10 ਰੁਪਏ 'ਤੇ ਆ ਗਏ। ਇਸ ਦਾ 52-ਹਫਤੇ ਦਾ ਉੱਚ ਪੱਧਰ 1,179 ਰੁਪਏ ਅਤੇ 52-ਹਫਤੇ ਦਾ ਹੇਠਲਾ ਪੱਧਰ 606 ਰੁਪਏ ਹੈ।
ਇਹ ਵੀ ਪੜ੍ਹੋ : CNG Price Hike:ਦਿੱਲੀ 'ਚ CNG ਦੀਆਂ ਕੀਮਤਾਂ ਵਧੀਆਂ, ਹੁਣ ਗੱਡੀ ਚਲਾਉਣੀ ਹੋਵੇਗੀ ਮਹਿੰਗੀ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਾਰੀਅਲ ਪਾਣੀ ਪੀਣ ਵਾਲੇ ਹੋ ਜਾਣ ਸਾਵਧਾਨ! ਛੋਟੀ ਜਿਹੀ ਗ਼ਲਤੀ ਲੈ ਸਕਦੀ ਹੈ ਤੁਹਾਡੀ ਜਾਨ
NEXT STORY 
