ਇਸਲਾਮਾਬਾਦ (ਇੰਟ.)- ਪਾਕਿਸਤਾਨ ’ਚ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੇ 3 ਫੋਨ ਸੈਕਸ ਆਡੀਓ ਲੀਕ ਹੋਣ ਨਾਲ ਭੂਚਾਲ ਆਇਆ ਹੋਇਆ ਹੈ। ਸਾਬਕਾ ਫੌਜ ਮੁਖੀ ਜਨਰਲ ਬਾਜਵਾ ਅਤੇ ਆਈ. ਐੱਸ. ਆਈ. ਚੀਫ ਨਾਲ ਪੰਗਾ ਲੈਣ ਵਾਲੇ ਇਮਰਾਨ ਖਾਨ ਦੇ ਇਨ੍ਹਾਂ ਆਡੀਓ ਨੂੰ ਸੋਸ਼ਲ ਮੀਡੀਆ ’ਚ ਜਾਣਬੁੱਝ ਕੇ ਜਾਰੀ ਕੀਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਆਡੀਓ ਨੂੰ ਆਈ. ਐੱਸ. ਆਈ. ਨੇ ਉਨ੍ਹਾਂ ਦੇ ਫੋਨ ਨੂੰ ਚੁੱਪਚਪੀਤਿਆਂ ਰਿਕਾਰਡ ਕਰ ਕੇ ਹਾਸਲ ਕੀਤਾ ਸੀ। ਹਾਲਾਂਕਿ ਇਮਰਾਨ ਖਾਨ ਦੀ ਪਾਰਟੀ ਇਨ੍ਹਾਂ ਆਡੀਓ ਨੂੰ ਫਰਜ਼ੀ ਦੱਸ ਰਹੀ ਹੈ। ਇਮਰਾਨ ਖਾਨ ਦੇ ਇਕ ਆਡੀਓ ਵਿਚ ਆ ਰਹੀ ਮਹਿਲਾ ਦੀ ਆਵਾਜ਼ ਆਇਲਾ ਮਲਿਕ ਦੀ ਦੱਸੀ ਜਾ ਰਹੀ ਹੈ। ਆਇਲਾ ਮਲਿਕ ਪਾਕਿਸਤਾਨ ਦੇ ਇਕ ਚੋਟੀ ਦੇ ਸਿਆਸੀ ਘਰਾਣੇ ਨਾਲ ਸਬੰਧ ਰੱਖਦੀ ਹੈ। ਆਇਲਾ ਮਲਿਕ ਪਾਕਿਸਤਾਨੀ ਸੰਸਦ ਮੈਂਬਰ ਵੀ ਰਹਿ ਚੁੱਕੀ ਹੈ। ਇਸ ਦਰਮਿਆਨ ਪਾਕਿਸਤਾਨੀ ਮੀਡੀਆ ਨੇ ਖੁਲਾਸਾ ਕੀਤਾ ਹੈ ਕਿ ਇਮਰਾਨ ਖਾਨ ਨੇ ਆਇਲਾ ਮਲਿਕ ਨੂੰ 70 ਲੱਖ ਰੁਪਏ ਦਿੱਤੇ ਸਨ।
ਇਹ ਵੀ ਪੜ੍ਹੋ: ਚੀਨ 'ਚ ਕੋਰੋਨਾ ਦੀ ਨਵੀਂ ਲਹਿਰ ਨੇ WHO ਦੀ ਵਧਾਈ ਚਿੰਤਾ, ਮੰਗੀ ਹੋਰ ਜਾਣਕਾਰੀ
ਆਇਲਾ ਮਲਿਕ ਇਮਰਾਨ ਖਾਨ ਦੀ ਪਾਰਟੀ ਪੀ. ਟੀ. ਆਈ. ਨਾਲ ਪ੍ਰਮੁੱਖਤਾ ਨਾਲ ਜੁੜੀ ਹੋਈ ਹੈ ਅਤੇ ਉਹ ਪਾਕਿਸਤਾਨੀ ਸੰਸਦ ਨੈਸ਼ਨਲ ਅਸੈਂਬਲੀ ਦੀ ਮੈਂਬਰ ਰਹਿ ਚੁੱਕੀ ਹੈ। ਆਇਲਾ ਮਲਿਕ ਨੇ ਮਿਆਂਵਾਲੀ ਇਲਾਕੇ ਵਿਚ ਇਮਰਾਨ ਖਾਨ ਦਾ ਚੋਣ ਪ੍ਰਚਾਰ ਸੰਭਾਲਿਆ ਸੀ। ਆਇਲਾ ਮਲਿਕ ਪਾਕਿਸਤਾਨ ਦੀ ਸਭ ਤੋਂ ਖੂਬਸੂਰਤ ਮਹਿਲਾ ਨੇਤਾਵਾਂ ਵਿਚ ਸ਼ਾਮਲ ਕੀਤੀ ਜਾਂਦੀ ਹੈ। ਆਇਲਾ ਪਾਕਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਸਰਦਾਰ ਫਾਰੁਖ ਅਹਿਮਦ ਖਾਨ ਲੇਖਾਰੀ ਦੀ ਭਤੀਜੀ ਹੈ ਅਤੇ ਸਾਬਕਾ ਮੰਤਰੀ ਸੁਮੈਰੀ ਮਲਿਕ ਦੀ ਭੈਣ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਮਰਾਨ ਖਾਨ ਅਤੇ ਆਇਲਾ ਦਰਮਿਆਨ ਲੰਬੇ ਸਮੇਂ ਤੋਂ ਬੇਹੱਦ ਨੇੜਲੇ ਪ੍ਰੇਮ ਸਬੰਧ ਰਹੇ ਹਨ। ਇਹੋ ਨਹੀਂ ਇਮਰਾਨ ਖਾਨ 2009 ਵਿਚ ਆਇਲਾ ਮਲਿਕ ਦੇ ਟੀ. ਵੀ. ਸ਼ੋਅ ਵਿਚ ਆਏ ਸਨ। ਉਸ ਸਮੇਂ ਆਇਲਾ ਮਲਿਕ ਇਕ ਟੀ. ਵੀ. ਚੈਨਲ ਵਿਚ ਐਂਕਰ ਸੀ। ਨਵਾਬ ਆਫ ਕਾਲਾਬਾਗ ਦੀ ਬੇਟੀ ਆਇਲਾ ਮਲਿਕ ਇਮਰਾਨ ਖਾਨ ਦੀ ਦੀਵਾਨੀ ਰਹੀ ਹੈ ਅਤੇ ਉਹ ਆਪਣੇ ਟੀ. ਵੀ. ਸ਼ੋਅ ਵਿਚ ਉਨ੍ਹਾਂ ਨੂੰ ਨੈਸ਼ਨਲ ਹੀਰੋ ਤੱਕ ਦੱਸ ਚੁੱਕੀ ਹੈ। ਪਾਕਿਸਤਾਨੀ ਸੋਸ਼ਲ ਮੀਡੀਆ ਵਿਚ ਅਜਿਹੀਆਂ ਕਈ ਪੁਰਾਣੀਆਂ ਵੀਡੀਓ ਵਾਇਰਲ ਹੋ ਰਹੀਆਂ ਹਨਸ ਜਿਨ੍ਹਾਂ ਵਿਚ ਉਹ ਦੋਵੇਂ ਇਕੱਠੇ ਨਜ਼ਰ ਆ ਰਹੇ ਹਨ। ਆਇਲਾ 2002 ਤੋਂ 2007 ਤੱਕ ਪਾਕਿਸਤਾਨ ਦੀ ਸੰਸਦ ਮੈਂਬਰ ਰਹੀ ਹੈ। ਇਸ ਤੋਂ ਬਾਅਦ ਉਸਨੇ ਇਮਰਾਨ ਖਾਨ ਦੀ ਪਾਰਟੀ ਜੁਆਇਨ ਕਰ ਲਈ। ਇਸ ਤੋਂ ਬਾਅਦ 2 ਸੀਟਾਂ ’ਤੇ ਜਿੱਤੇ ਇਮਰਾਨ ਖਾਨ ਨੇ ਉਸਨੂੰ 2013 ਵਿਚ ਆਪਣੀ ਮਿਆਂਵਾਲੀ ਸੀਟ ਤੋਂ ਟਿਕਟ ਦਿੱਤੀ। ਹਾਲਾਂਕਿ ਫਰਜ਼ੀ ਡਿਗਰੀ ਦੇਣ ਕਾਰਨ ਆਇਲਾ ਮਲਿਕ ਨੂੰ ਚੋਣਾਂ ਨਹੀਂ ਲੜਨ ਦਿੱਤੀਆਂ ਗਈਆਂ। ਉਨ੍ਹਾਂ ਦੀ ਇੰਟਰਮੀਡੀਏਟ ਦੀ ਡਿਗਰੀ ਨੂੰ ਫਰਜ਼ੀ ਪਾਇਆ ਗਿਆ ਸੀ। ਉਸ ਸਮੇਂ ਆਇਲਾ ਦੀ ਭੈਣ ਸੁਮੈਰਾ ਨਵਾਜ਼ ਸ਼ਰੀਫ ਦੀ ਪਾਰਟੀ ਨਾਲ ਜੁੜੀ ਹੋਈ ਸੀ।
ਇਹ ਵੀ ਪੜ੍ਹੋ: OMG! ਬੱਚੇ ਦੇ ਢਿੱਡ 'ਚ ਹੋ ਰਿਹਾ ਸੀ ਦਰਦ, ਐਕਸਰੇ ਕਰਦਿਆਂ ਹੀ ਡਾਕਟਰਾਂ ਦੇ ਉੱਡੇ ਹੋਸ਼
ਇਮਰਾਨ ਦੇ ਲੀਕ ਸੈਕਸ ਆਡੀਓ ’ਚ ਕੀ ਹੈ?
ਪਾਕਿਸਤਾਨ ’ਚ ਪਿਛਲੇ 3 ਦਿਨਾਂ ਵਿਚ ਇਮਰਾਨ ਖਾਨ ਦੇ 3 ਆਡੀਓ ਲੀਕ ਹੋਏ ਹਨ। ਸੋਸ਼ਲ ਮੀਡੀਆ ਵਿਚ ਵਾਇਰਲ ਹੋ ਰਹੇ ਇਕ ਵੀਡੀਓ ਵਿਚ ਆਇਲਾ ਮਲਿਕ ਅਤੇ ਇਮਰਾਨ ਖਾਨ ਵਿਚਾਲੇ ਬਹੁਤ ਹੀ ਅਸ਼ਲੀਲ ਗੱਲਬਾਤ ਹੋ ਰਹੀ ਹੈ। ਇਮਰਾਨ ਖਾਨ ਆਪਣੇ ਜਿਸਮਾਨੀ ਰਿਸ਼ਤੇ ਬਣਾਉਣ ਦੀ ‘ਕਲਾ’ ਦੀ ਤਰੀਫ ਕਰ ਰਹੇ ਹਨ। ਆਇਲਾ ਆਡੀਓ ਵਿਚ ਕਹਿੰਦੀ ਹੈ ਕਿ ਮੈਂ ਤੁਹਾਨੂੰ ਮਿਲਣ ਨਹੀਂ ਆ ਸਕਦੀ ਹਾਂ। ਮੇਰੇ... ਵਿਚ ਬਹੁਤ ਦਰਦ ਹੋ ਰਿਹਾ ਹੈ। ਮੈਂ ਡਾਕਟਰ ਨੂੰ ਇਥੋਂ ਤੱਕ ਨਹੀਂ ਦੱਸ ਸਕ ਰਹੀ ਹਾਂ ਕਿ ਤੁਸੀਂ ਮੇਰੇ ਨਾਲ ਕੀ ਕੀਤਾ ਹੈ...ਸ਼ੈਤਾਨ। ਇਸ ਤੋਂ ਬਾਅਦ ਇਮਰਾਨ ਖਾਨ ਕਹਿੰਦੇ ਹਨ ਕਿ ਕੀ ਅਸੀਂ ਕੱਲ ਮਿਲ ਸਕਦੇ ਹਾਂ। ਮੇਰਾ ਪਰਿਵਾਰ ਅਤੇ ਬੱਚੇ ਆ ਰਹੇ ਹਨ। ਮੈਨੂੰ ਇਨ੍ਹਾਂ ਸਾਰਿਆਂ ਨੂੰ ਟਾਲਣ ਦਿਓ। ਇਮਰਾਨ ਖਾਨ ਦੇ 2 ਹੋਰ ਅਜਿਹੇ ਵੀਡੀਓ ਵਾਇਰਲ ਹੋ ਰਹੇ ਹਨ ਜਿਨ੍ਹਾਂ ਵਿਚ ਉਹ ਬਹੁਤ ਹੀ ਅਸ਼ਲੀਲ ਗੱਲਾਂ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਹੁਣ ਬੈੱਡ ’ਤੇ ਲੇਟ ਕੇ ਲਓ ਫ਼ਿਲਮ ਦਾ ਮਜ਼ਾ, 3700 ਰੁਪਏ ਹੈ ਟਿਕਟ, ਡਬਲ ਸੋਫੇ ਦਾ ਵੀ ਹੈ ਪ੍ਰਬੰਧ
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਟਿਊਨੀਸ਼ੀਅਨ ਗਾਰਡਾਂ ਨੇ ਬਚਾਈ 1,200 ਪ੍ਰਵਾਸੀਆਂ ਦੀ ਜਾਨ
NEXT STORY 
