ਵਾਸ਼ਿੰਗਟਨ (ਭਾਸ਼ਾ): ਭਾਰਤੀ-ਅਮਰੀਕੀ ਸਿਹਤ ਨੀਤੀ ਮਾਹਰ ਡਾਕਟਰ ਮੀਨਾ ਸ਼ੇਸ਼ਮਣੀ ਨੂੰ 'ਯੂਐੱਸ. ਸੈਂਟਰ ਫੌਰ ਮੈਡੀਕੇਅਰ' ਦੀ ਨਿਰਦੇਸ਼ਕ ਨਿਯੁਕਤ ਕੀਤਾ ਗਿਆ ਹੈ। ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦੀ ਅਗਵਾਈ ਵਿਚ ਉਹਨਾਂ ਨੇ ਸੱਤਾ ਟਰਾਂਸਫਰ ਦੌਰਾਨ ਸਿਹਤ ਅਤੇ ਮਨੁੱਖੀ ਸੇਵਾ ਏਜੰਸੀ ਸਮੀਖਿਆ ਦਲ ਨਾਲ ਵੀ ਕੰਮ ਕੀਤਾ ਸੀ।
ਸ਼ੇਸ਼ਮਣੀ 65 ਸਾਲ ਜਾਂ ਉਸ ਨਾਲੋਂ ਵੱਧ ਉਮਰ ਦੇ ਲੋਕਾਂ, ਅਪਾਹਜ਼ਾਂ ਅਤੇ ਗੁਰਦੇ ਦੀ ਬੀਮਾਰੀ ਨਾਲ ਪੀੜਤ ਲੋਕ, ਜੋ ਮੈਡੀਕੇਅਰ ਕਵਰੇਜ਼ 'ਤੇ ਨਿਰਭਰ ਹਨ, ਦੀ ਸੇਵਾ ਕਰਨ ਵਿਚ ਸੰਸਥਾ ਦੀਆਂ ਕੋਸ਼ਿਸ਼ਾਂ ਦੀ ਅਗਵਾਈ ਕਰੇਗੀ। 'ਸੈਂਟਰ ਫੋਰ ਮੈਡੀਕੇਅਰ' ਦੇ ਉਪ ਪ੍ਰਸ਼ਾਸਕ ਅਤੇ ਨਿਰਦੇਸ਼ਕ ਦੇ ਰੂਪ ਵਿਚ ਡਾਕਟਰ ਸ਼ੇਸ਼ਮਣੀ ਦਾ ਕਾਰਜਕਾਲ 6 ਜੁਲਾਈ ਤੋਂ ਸ਼ੁਰੂ ਹੋਇਆ। ਸੀ.ਐੱਮ.ਐੱਸ. (ਮੈਡੀਕੇਅਰ ਅਤੇ ਮੈਡੀਕੇਡ ਸੇਵਾਵਾਂ ਦੇ ਕੇਂਦਰਾਂ) ਪ੍ਰਸ਼ਾਸਕ ਚਿਕਿਵਟਾ ਬਰੂਕਸ-ਲਾਸੁਰ ਨੇ ਕਿਹਾ,''ਇਕ ਸਿਹਤ ਦੇਖਭਾਲ ਕਾਰਜਕਾਰੀ, ਸਿਹਤ ਅਰਥਸ਼ਾਸਤਰੀ, ਡਾਕਟਰ ਅਤੇ ਸਿਹਤ ਨੀਤੀ ਮਾਹਰ ਦੇ ਰੂਪ ਵਿਚ ਮੀਨਾ ਸੀ.ਐੱਮ.ਐੱਸ. ਲਈ ਕੰਮ ਕਰੇਗੀ।''
ਪੜ੍ਹੋ ਇਹ ਅਹਿਮ ਖਬਰ- ਅਮਰੀਕਾ: 30 ਵਿਦਿਆਰਥੀਆਂ ਦੇ ਮਾਸਕ ਨਾ ਪਹਿਨਣ 'ਤੇ ਅਮੈਰੀਕਨ ਏਅਰਲਾਈਨ ਦੀ ਫਲਾਈਟ ਰੱਦ
ਉਹਨਾਂ ਨੇ ਕਿਹਾ,''ਮੈਡੀਕੇਅਰ 'ਤੇ ਭਰੋਸਾ ਕਰਨ ਵਾਲੇ ਲੋਕਾਂ ਨੂੰ ਗੁਣਵੱਤਾ ਭਰਪੂਰ ਸਿਹਤ ਦੇਖਭਾਲ ਪ੍ਰਦਾਨ ਕਰੇਗਾ ਜਿਵੇਂ ਕਿ ਅਸੀਂ ਕਰਦੇ ਆਏ ਹਾਂ ਅਤੇ ਇਸ ਨੂੰ ਅੱਗੇ ਵਧਾਉਣਾ ਸੀ.ਐੱਮ.ਐੱਸ. ਦੀ ਤਰਜੀਹ ਹੈ। ਮੈਂ ਖੁਸ਼ ਹਾਂ ਕਿ ਡਾਕਟਰ ਸ਼ੇਸ਼ਮਣੀ ਉਪ ਪ੍ਰਸ਼ਾਸਕ ਅਤੇ ਸੈਂਟਰ ਫੋਰ ਮੈਡੀਕੇਅਰ ਦੀ ਨਿਰਦੇਸ਼ਕ ਦੇ ਰੂਪ ਵਿਚ ਇਸ ਸੰਬੰਧ ਵਿਚ ਇਕ ਨਵਾਂ ਦ੍ਰਿਸ਼ਟੀਕੌਣ ਪੇਸ਼ ਕਰੇਗੀ ਕਿ ਸਿਹਤ ਨੀਤੀ ਦਾ ਮਰੀਜ਼ਾਂ ਦੇ ਵਾਸਤਵਿਕ ਜੀਵਨ 'ਤੇ ਕੀ ਅਸਰ ਪੈਂਦਾ ਹੈ।'' ਸ਼ੇਸ਼ਮਣੀ ਨੇ ਬ੍ਰਾਊਨ ਯੂਨੀਵਰਸਿਟੀ ਤੋਂ ਬਿਜ਼ਨੈੱਸ ਇਕਨੌਮਿਕਸ ਵਿਚ ਬੀ.ਏ. ਆਨਰਸ ਕੀਤਾ ਹੈ। ਯੂਨੀਵਰਸਿਟੀ ਆਫ ਪੈਨਸਿਲਵੇਨੀਆ ਸਕੂਲ ਆਫ ਮੈਡੀਸਨ ਤੋਂ ਐੱਮ.ਡੀ. ਅਤੇ ਆਕਸਫੋਰਡ ਯੂਨੀਵਰਸਿਟੀ ਤੋਂ ਸਹਤ ਅਰਥਸ਼ਾਸਤਰ ਵਿਚ ਪੀ.ਐੱਚ.ਡੀ ਕੀਤੀ ਹੈ।
ਨੋਟ- ਭਾਰਤੀ ਮੂਲ ਦੀ ਮੀਨਾ ਸ਼ੇਸ਼ਮਣੀ 'ਯੂਐੱਸ ਸੈਂਟਰ ਫੌਰ ਮੈਡੀਕੇਅਰ' ਦੀ ਨਿਰਦੇਸ਼ਕ ਨਿਯੁਕਤ, ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕਾ: 30 ਵਿਦਿਆਰਥੀਆਂ ਦੇ ਮਾਸਕ ਨਾ ਪਹਿਨਣ 'ਤੇ ਅਮੈਰੀਕਨ ਏਅਰਲਾਈਨ ਦੀ ਫਲਾਈਟ ਰੱਦ
NEXT STORY 
