ਮੈਲਬੌਰਨ (ਆਈ.ਏ.ਐੱਨ.ਐੱਸ.) ਆਸਟ੍ਰੇਲੀਆ ਤੋਂ ਇਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਭਾਰਤੀ ਮੂਲ ਦੇ ਇੱਕ ਵਿਅਕਤੀ ਨੇ ਹਸਪਤਾਲ ਖ਼ਿਲਾਫ਼ ਮੁਕੱਦਮਾ ਦਰਜ ਕਰਕੇ 5,000 ਕਰੋੜ ਰੁਪਏ (643 ਮਿਲੀਅਨ ਡਾਲਰ) ਹਰਜਾਨਾ ਅਦਾ ਕਰਨ ਦੀ ਮੰਗ ਕੀਤੀ ਹੈ। ਦਰਅਸਲ ਵਿਅਕਤੀ ਦਾ ਕਹਿਣਾ ਹੈ ਕਿ ਆਪਣੀ ਪਤਨੀ ਨੂੰ ਸਿਜੇਰੀਅਨ ਸੈਕਸ਼ਨ (ਸੀ-ਸੈਕਸ਼ਨ) ਦੁਆਰਾ ਬੱਚੇ ਨੂੰ ਜਨਮ ਦਿੰਦੇ ਦੇਖ ਕੇ ਉਸਦੀ ਮਾਨਸਿਕ ਸਿਹਤ ਵਿਗੜ ਗਈ। ਭਾਰਤੀ ਮੂਲ ਦੇ ਇਸ ਵਿਅਕਤੀ ਨੇ 2018 ਵਿਚ ਆਪਣੀ ਪਤਨੀ ਨੂੰ ਸਿਜੇਰੀਅਨ ਸੈਕਸ਼ਨ ਰਾਹੀਂ ਬੱਚੇ ਨੂੰ ਜਨਮ ਦਿੰਦੇ ਦੇਖਿਆ ਸੀ। ਭਾਰਤੀ ਵਿਅਕਤੀ ਦੇ ਇਸ ਦਾਅਵੇ ਨੂੰ ਅਦਾਲਤ ਨੇ ਖਾਰਜ ਕਰ ਦਿੱਤਾ ਹੈ।
ਆਸਟ੍ਰੇਲੀਆ ਦੇ 7 ਨਿਊਜ਼ ਚੈਨਲ ਨੇ ਦੱਸਿਆ ਕਿ ਅਨਿਲ ਕੋਪੁਲਾ ਨੇ ਕਿਹਾ ਕਿ ਮੈਲਬੌਰਨ ਦੇ ਰਾਇਲ ਵੂਮੈਨਜ਼ ਹਸਪਤਾਲ ਨੇ ਉਸ ਨੂੰ ਡਿਲੀਵਰੀ ਦੇਖਣ ਲਈ "ਉਤਸਾਹਿਤ" ਕੀਤਾ ਜਾਂ "ਇਜਾਜ਼ਤ" ਦਿੱਤੀ, ਜਿਸ ਮਗਰੋਂ ਆਪਣੀ ਪਤਨੀ ਨੂੰ ਇਸ ਹਾਲਤ ਵਿਚ ਦੇਖਣ ਤੋਂ ਬਾਅਦ ਉਹ "ਮਨੋਵਿਗਿਆਨਕ ਬਿਮਾਰੀ" ਦਾ ਸ਼ਿਕਾਰ ਹੋ ਗਿਆ। ਪਤਨੀ ਦੁਆਰਾ ਇੱਕ ਸਿਹਤਮੰਦ ਬੱਚੇ ਨੂੰ ਜਨਮ ਦੇਣ ਦੇ ਕਈ ਸਾਲਾਂ ਬਾਅਦ ਕੋਪੁਲਾ ਨੇ ਪਿਛਲੇ ਸਾਲ ਅਕਤੂਬਰ ਵਿੱਚ ਵਿਕਟੋਰੀਆ ਦੀ ਸੁਪਰੀਮ ਕੋਰਟ ਵਿੱਚ ਦਾਅਵਾ ਦਾਇਰ ਕੀਤਾ, ਜਿਸ ਵਿਚ ਦੋਸ਼ ਲਗਾਇਆ ਗਿਆ ਕਿ ਹਸਪਤਾਲ ਨੇ ਉਸ ਦੀ ਦੇਖਭਾਲ ਦੇ ਆਪਣੇ ਫਰਜ਼ ਦੀ ਉਲੰਘਣਾ ਕੀਤੀ ਹੈ ਅਤੇ ਉਹ ਉਸਨੂੰ ਹਰਜਾਨੇ ਦਾ ਭੁਗਤਾਨ ਕਰਨ ਲਈ ਜਵਾਬਦੇਹ ਸੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਟਰੂਡੋ ਦੇ ਬਿਆਨ ਮਗਰੋਂ PM ਮੋਦੀ ਬਾਰੇ ਪੁੱਛੇ ਜਾਣ 'ਤੇ ਪ੍ਰਧਾਨ ਮੰਤਰੀ ਅਲਬਾਨੀਜ਼ ਨੇ ਦਿੱਤੀ ਇਹ ਪ੍ਰਤੀਕਿਰਿਆ
ਕਾਰਵਾਈ ਦੌਰਾਨ ਆਪਣੀ ਨੁਮਾਇੰਦਗੀ ਕਰਦੇ ਹੋਏ ਮਨੋਵਿਗਿਆਨਕ ਸੱਟ ਲਈ ਉਸਨੇ 643 ਮਿਲੀਅਨ ਡਾਲਰ ਹਰਜਾਨੇ ਦੀ ਮੰਗ ਕੀਤੀ ਅਤੇ ਅਦਾਲਤ ਨੂੰ ਦੱਸਿਆ ਕਿ ਬਿਮਾਰੀ ਕਾਰਨ "ਉਸਦਾ ਵਿਆਹ ਵੀ ਟੁੱਟ" ਗਿਆ। ਸੋਮਵਾਰ ਨੂੰ ਦਿੱਤੇ ਗਏ ਇੱਕ ਫ਼ੈਸਲੇ ਵਿੱਚ ਜਸਟਿਸ ਜੇਮਜ਼ ਗੋਰਟਨ ਨੇ ਇਸ ਦਾਅਵੇ ਨੂੰ "ਪ੍ਰਕਿਰਿਆ ਦੀ ਦੁਰਵਰਤੋਂ" ਕਰਾਰ ਦਿੰਦੇ ਹੋਏ ਖਾਰਜ ਕਰ ਦਿੱਤਾ। ਫ਼ੈਸਲੇ ਵਿੱਚ ਕਿਹਾ ਗਿਆ ਕਿ ਕਾਨੂੰਨ ਕਿਸੇ ਵਿਅਕਤੀ ਨੂੰ ਗੈਰ-ਆਰਥਿਕ ਨੁਕਸਾਨ ਲਈ ਹਰਜਾਨੇ ਦੀ ਵਸੂਲੀ ਕਰਨ ਦੀ ਇਜਾਜ਼ਤ ਉਦੋਂ ਤੱਕ ਨਹੀਂ ਦਿੰਦਾ ਜਦੋਂ ਤੱਕ ਉਸਦੀ ਸੱਟ "ਮਹੱਤਵਪੂਰਨ" ਨਾ ਹੋਵੇ। ਉੱਧਰ ਇੱਕ ਪੈਨਲ ਜਿਸ ਨੇ ਡਾਕਟਰੀ ਤੌਰ 'ਤੇ ਕੋਪੁਲਾ ਦੀ ਜਾਂਚ ਕੀਤੀ ਸੀ, ਨੇ ਕਿਹਾ ਕਿ "ਦਾਅਵੇ ਵਿੱਚ ਕਥਿਤ ਦਾਅਵੇਦਾਰ ਨੂੰ ਸੱਟ ਲੱਗਣ ਦੇ ਨਤੀਜੇ ਵਜੋਂ ਮਨੋਵਿਗਿਆਨਕ ਕਮਜ਼ੋਰੀ ਦੀ ਡਿਗਰੀ ਥ੍ਰੈਸ਼ਹੋਲਡ ਪੱਧਰ ਨੂੰ ਸੰਤੁਸ਼ਟ ਨਹੀਂ ਕਰਦੀ"। ਨਿਊਜ਼ ਚੈਨਲ ਨੇ ਰਿਪੋਰਟ ਦਿੱਤੀ ਕਿ ਕੋਪੁਲਾ ਨਤੀਜਿਆਂ ਨਾਲ ਅਸਹਿਮਤ ਸੀ, ਪਰ ਉਸ ਨੇ ਅੱਗੇ ਸਮੀਖਿਆ ਲਈ ਅਰਜ਼ੀ ਨਹੀਂ ਦਿੱਤੀ। ਰਾਇਲ ਵੂਮੈਨਜ਼ ਹਸਪਤਾਲ ਨੇ ਮੰਨਿਆ ਕਿ ਉਸ 'ਤੇ ਕੋਪੁਲਾ ਦੀ ਦੇਖਭਾਲ ਦਾ ਫਰਜ਼ ਬਣਦਾ ਸੀ ਪਰ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਇਸ ਨੇ ਇਸਦੀ ਉਲੰਘਣਾ ਕੀਤੀ ਹੈ।
ਦਾਅਵਿਆਂ ਨੂੰ ਰੱਦ ਕਰਦੇ ਹੋਏ ਹਸਪਤਾਲ ਨੇ ਕਾਰਵਾਈ ਨੂੰ ਖਾਰਜ ਕਰਨ ਲਈ ਅਰਜ਼ੀ ਦਿੱਤੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਟਰੂਡੋ ਦੇ ਬਿਆਨ ਮਗਰੋਂ PM ਮੋਦੀ ਬਾਰੇ ਪੁੱਛੇ ਜਾਣ 'ਤੇ ਪ੍ਰਧਾਨ ਮੰਤਰੀ ਅਲਬਾਨੀਜ਼ ਨੇ ਦਿੱਤੀ ਇਹ ਪ੍ਰਤੀਕਿਰਿਆ
NEXT STORY 
