ਕਲਾਬਰੀਆ (ਦਲਵੀਰ ਸਿੰਘ ਕੈਂਥ) : ਇਟਲੀ ਦੇ ਪੁਲਸ ਪ੍ਰਸ਼ਾਸ਼ਨ ਨੂੰ ਉਨ੍ਹਾਂ ਲੋਕਾਂ ਨੇ ਚੱਕਰਾਂ ਵਿੱਚ ਪਾ ਛੱਡਿਆ ਹੈ ਜਿਹੜੇ ਕਿ ਨਸ਼ਿਆਂ ਦੇ ਕਾਰੋਬਾਰ ਨਾਲ ਰਾਤੋ-ਰਾਤ ਕਰੋੜਪਤੀ ਬਣਨ ਲਈ ਕਦੇ ਪੋਸਤ, ਡੋਤੇ ਅਤੇ ਕਦੇ ਅਫ਼ੀਮ ਤੇ ਹੋਰ ਕਈ ਤਰ੍ਹਾਂ ਦੇ ਸਿੰਥੈਟਿਕ ਨਸ਼ਿਆਂ ਨੂੰ ਇਟਲੀ ਭਰ ਵਿੱਚ ਇੰਝ ਵੇਚਣ ਲਈ ਕਮਰਕੱਸੀ ਬੈਠੇ ਹਨ, ਜਿਵੇਂ ਕਿ ਇਹ ਲੋਕ ਨਸ਼ਾ ਨਹੀਂ ਸਗੋਂ ਸਬਜ਼ੀਆਂ ਵੇਚਦੇ ਹਨ। ਪਰ ਇਟਲੀ ਪੁਲਸ ਵੀ ਇਨ੍ਹਾਂ ਭੁੱਖ ਦੇ ਮਾਰੇ ਨਸ਼ਾ ਸੌਦਾਗਰਾਂ ਨੂੰ ਦੇਸ਼ ਵਿਚੋਂ ਜੜ੍ਹੋਂ ਖਤਮ ਕਰਨ ਲਈ ਦਿਨ-ਰਾਤ ਬਾਜ਼ ਅੱਖ ਨਾਲ ਸ਼ਿਕਾਰ ਫੁੰਡਦੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ : 'ਸਮਝੌਤਾ ਕਰੋ ਜਾਂ ਪੂਰੀ ਤਰ੍ਹਾਂ ਸਰੰਡਰ': ਟਰੰਪ ਦੀ ਈਰਾਨ ਨੂੰ ਸਖ਼ਤ ਚੇਤਾਵਨੀ
ਕਦੀਂ ਸੂਬਾ ਲੰਬਾਰਦੀਆ, ਕਦੀ ਕੰਪਾਨੀਆ ਅਤੇ ਕਦੀ ਲਾਸੀਓ ਸੂਬੇ ਵਿੱਚੋਂ ਪੁਲਸ ਵੱਲੋਂ ਵਿੱਢੇ ਮਿਸ਼ਨ ਨੂੰ ਵੱਡੀ ਸਫ਼ਲਤਾ ਮਿਲਣ ਕਾਰਨ ਕੁਇੰਟਲਾਂ ਵਿੱਚ ਨਸ਼ੀਲੇ ਪਦਾਰਥ ਪੁਲਸ ਵੱਲੋਂ ਕਾਬੂ ਕੀਤੇ ਜਾ ਰਹੇ ਹਨ ਅਤੇ ਇਸੇ ਮਿਸ਼ਨ ਤਹਿਤ ਸੂਬਾ ਕਲਾਬਰੀਆ ਵਿੱਚ ਹੀ ਕੁਝ ਦਿਨ ਪਹਿਲਾਂ ਪੁਲਸ ਨੂੰ ਇੱਕ ਵੱਡਾ ਭੰਗ ਦਾ 1200 ਬੂਟਿਆਂ ਵਾਲਾ ਬਾਗ ਮਿਲਿਆ ਸੀ। ਹੁਣ ਫਿਰ ਇਸ ਸੂਬੇ ਦੇ ਕੋਸੇਂਜ਼ਾ ਦੀ ਵਿੱਤੀ ਪੁਲਸ (ਗੁਆਦੀਆ ਦੀ ਫਿਨੈਂਸ਼ਾ) ਵਲੋਂ ਵਿਬੋ ਵੈਲੇਨਟੀਆ ਨੇਵਲ ਆਪ੍ਰੇਸ਼ਨ ਯੂਨਿਟ ਦੇ ਲੈਮੇਜ਼ੀਆ ਟਰਮੇ ਏਅਰ ਸੈਕਸ਼ਨ ਦੀ ਇੱਕ ਰਿਪੋਰਟ ਤੋਂ ਬਾਅਦ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਨੂੰ ਰੋਕਣ ਖਾਸ ਖੇਤਰੀ ਗਤੀਵਿਧੀਆਂ ਦੇ ਦੌਰਾਨ ਇੱਕ ਗ੍ਰਿਸੋਲੀਆ ਪਿੰਡ ਦੇ ਬਾਹਰ ਪੈਂਦੇ ਜੰਗਲ (ਨੈਸ਼ਨਲ ਪਾਰਕ ਪੋਲੀਨੋ) ਵਿੱਚ ਨਿਰੀਖਣ ਕੀਤਾ ਗਿਆ, ਜਿਸ ਦੌਰਾਨ ਉਸ ਸਮੇਂ ਪੁਲਸ ਨੂੰ ਵੱਡੀ ਸਫਲਤਾ ਮਿਲੀ, ਜਦੋਂ 53 ਭਾਰਤੀ ਭੰਗ (ਇੰਡੀਅਨ ਹੈਮਪ) ਦੇ ਚੋਰੀ ਉਗਾਏ ਹੋਏ ਬੂਟੇ ਪ੍ਰਾਪਤ ਕੀਤੇ।
ਇਹ ਵੀ ਪੜ੍ਹੋ : Bankipur by-election: ਬਾਂਕੀਪੁਰ 'ਚ ਚੱਲਿਆ ਪ੍ਰਸ਼ਾਂਤ ਕਿਸ਼ੋਰ ਦਾ ਜਾਦੂ, ਭਾਜਪਾ ਨੂੰ 18,953 ਵੋਟਾਂ ਨਾਲ ਦਿੱਤੀ ਮਾਤ
ਪੁਲਸ ਨੂੰ ਹੈਲੀਕੈਪਟਰ ਰਾਹੀਂ ਕੀਤੀ ਜਾਂਚ ਦੌਰਾਨ ਇਨ੍ਹਾਂ ਬੂਟਿਆਂ ਦਾ ਪਤਾ ਲੱਗਾ। ਨੈਸ਼ਨਲ ਮੀਡੀਆ ਰਿਪੋਰਟਾਂ ਮੁਤਾਬਕ ਇਹਨਾਂ ਬੂਟਿਆਂ ਦੀ 30 ਸੈਂਟੀਮੀਟਰ ਤੋਂ ਲੈ ਕੇ 3 ਮੀਟਰ ਤੱਕ ਉਚਾਈ ਦੱਸੀ ਗਈ। ਪੁਲਸ ਅਨੁਸਾਰ ਇਨ੍ਹਾਂ ਬੂਟਿਆਂ ਦੀ ਬਿਜਾਈ ਵੱਖ-ਵੱਖ ਸਮੇਂ ਦੌਰਾਨ ਕੀਤੀ ਗਈ ਹੈ ਤਾਂ ਕਿ ਗਾਹਕਾਂ ਨੂੰ ਲਗਾਤਾਰ ਸਪਲਾਈ ਹੋ ਸਕੇ। ਜੇਕਰ ਕਾਲੇ ਬਾਜ਼ਾਰ ਅਨੁਸਾਰ (ਬਲੈਕ) ਵਿੱਚ ਇਨ੍ਹਾਂ ਬੂਟਿਆਂ ਤੋਂ 2 ਲੱਖ ਯੂਰੋ ਕਮਾਈ ਦਾ ਅਨੁਮਾਨ ਲਗਾਇਆ ਜਾ ਸਕਦਾ ਹੈ। ਪੁਲਸ ਵਲੋਂ ਅਣਪਛਾਤੇ ਲੋਕਾਂ 'ਤੇ ਕੇਸ ਦਰਜ ਕਰਕੇ ਬਾਰੀਕੀ ਨਾਲ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਟਰੰਪ ਦਾ ਧਮਾਕਾ: ਗੈਰ-ਕਾਨੂੰਨੀ ਪ੍ਰਵਾਸੀ ਟਰੱਕ ਡਰਾਈਵਰਾਂ ਦੀ ਹੋਵੇਗੀ ਛੁੱਟੀ, ਸਾਬਕਾ ਫ਼ੌਜੀਆਂ ਲਈ ਨੌਕਰੀਆਂ ਦਾ ਐਲਾਨ
NEXT STORY 
