ਵੈਲਿੰਗਟਨ (ਭਾਸ਼ਾ)- ਜੈਸਿੰਡਾ ਅਰਡਰਨ ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਵਜੋਂ ਮੰਗਲਵਾਰ ਨੂੰ ਆਖਰੀ ਵਾਰ ਜਨਤਕ ਤੌਰ 'ਤੇ ਸਾਹਮਣੇ ਆਈ। ਇਸ ਦੌਰਾਨ ਜੈਸਿੰਡਾ ਨੇ ਕਿਹਾ ਕਿ ਉਹ ਸਭ ਤੋਂ ਵੱਧ ਲੋਕਾਂ ਨੂੰ ਯਾਦ ਕਰੇਗੀ, ਕਿਉਂਕਿ ਉਹ ਉਸ ਲਈ 'ਨੌਕਰੀ ਵਿਚ ਖੁਸ਼ ਰਹਿਣ' ਦਾ ਕਾਰਨ ਸਨ। ਜੈਸਿੰਡਾ ਨੇ ਵੀਰਵਾਰ ਨੂੰ ਇਹ ਐਲਾਨ ਕਰਕੇ ਦੇਸ਼ ਨੂੰ ਹੈਰਾਨ ਕਰ ਦਿੱਤਾ ਕਿ ਉਹ ਅਹੁਦਾ ਛੱਡ ਰਹੀ ਹੈ। ਲੇਬਰ ਸੰਸਦ ਮੈਂਬਰਾਂ ਨੇ ਐਤਵਾਰ ਨੂੰ ਸਰਬਸੰਮਤੀ ਨਾਲ ਕ੍ਰਿਸ ਹਿਪਕਿਨਜ਼ ਨੂੰ ਪ੍ਰਧਾਨ ਮੰਤਰੀ ਵਜੋਂ ਅਹੁਦਾ ਸੰਭਾਲਣ ਲਈ ਵੋਟ ਦਿੱਤੀ ਅਤੇ ਉਹ ਬੁੱਧਵਾਰ ਨੂੰ ਸਹੁੰ ਚੁੱਕਣਗੇ।
ਪ੍ਰਧਾਨ ਮੰਤਰੀ ਦੇ ਤੌਰ 'ਤੇ ਆਪਣੇ ਆਖਰੀ ਕਾਰਜ ਵਜੋਂ ਜੈਸਿੰਡਾ ਰਤਨਾ ਮੈਦਾਨ ਵਿਖੇ ਆਯੋਜਿਤ ਇੱਕ ਸਮਾਰੋਹ ਵਿਚ ਹਿਪਕਿਨਜ਼ ਅਤੇ ਹੋਰ ਸੰਸਦ ਮੈਂਬਰਾਂ ਨਾਲ ਸ਼ਾਮਲ ਹੋਈ। ਜੈਸਿੰਡਾ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਹਿਪਕਿਨਜ਼ ਨਾਲ ਉਸਦੀ ਦੋਸਤੀ ਲਗਭਗ 20 ਸਾਲ ਪੁਰਾਣੀ ਹੈ ਅਤੇ ਉਹ ਰਤਨਾ ਮੈਦਾਨ ਤੱਕ ਆਉਣ ਦੌਰਾਨ ਲਗਭਗ ਦੋ ਘੰਟੇ ਉਸਦੇ ਨਾਲ ਰਹੀ। ਉਸਨੇ ਅੱਗੇ ਕਿਹਾ ਕਿ ਉਹ ਇੱਕੋ ਇੱਕ ਸੱਚੀ ਸਲਾਹ ਦੇ ਸਕਦੀ ਹੈ ਕਿ "ਤੁਸੀਂ ਜੋ ਚਾਹੁੰਦੇ ਹੋ ਉਹ ਕਰੋ।" ਉਸਨੇ ਆਪਣੇ ਘੋਸ਼ਣਾ ਤੋਂ ਬਾਅਦ ਤੋਂ ਸੋਸ਼ਲ ਮੀਡੀਆ 'ਤੇ ਹੋ ਰਹੇ ਹਿੰਸਕ ਅਤੇ ਨਾਰੀਵਾਦ ਵਿਰੋਧੀ ਹਮਲਿਆਂ ਬਾਰੇ ਵੀ ਗੱਲ ਕੀਤੀ ਅਤੇ ਕਿਹਾ ਕਿ ਉਸ ਵੱਲੋਂ ਅਸਤੀਫਾ ਦੇਣਾ ਇਸ ਦਾ ਕਾਰਨ ਨਹੀਂ ਹੈ। .
ਪੜ੍ਹੋ ਇਹ ਅਹਿਮ ਖ਼ਬਰ-US: PM ਮੋਦੀ 'ਤੇ BBC ਦੀ ਦਸਤਾਵੇਜ਼ੀ ਨੂੰ ਲੈ ਕੇ ਪਾਕਿ ਪੱਤਰਕਾਰ ਨੇ ਕੀਤਾ ਸਵਾਲ, ਮਿਲਿਆ ਕਰਾਰਾ ਜਵਾਬ
ਉੱਧਰ ਹਿਪਕਿਨਜ਼ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਲੀਡਰਸ਼ਿਪ ਵਿਚ ਤਬਦੀਲੀ ਹੋਣਾ "ਖੱਟਾ-ਮਿੱਠਾ" ਅਨੁਭਵ ਹੈ। ਉਸ ਨੇ ਕਿਹਾ ਕਿ ''ਮੈਂ ਨਿਸ਼ਚਿਤ ਤੌਰ 'ਤੇ ਇਸ ਭੂਮਿਕਾ ਨੂੰ ਨਿਭਾਉਣ ਲਈ ਮਾਣ ਮਹਿਸੂਸ ਕਰ ਰਿਹਾ ਹਾਂ, ਪਰ ਇਹ ਚੰਗੀ ਤਰ੍ਹਾਂ ਜਾਣਦੇ ਹੋਏ ਕਿ ਜੈਸਿੰਡਾ ਮੇਰੀ ਬਹੁਤ ਚੰਗੀ ਦੋਸਤ ਹੈ।'' ਜੈਸਿੰਡਾ ਦਾ ਇਕ ਗੀਤ ਨਾਲ ਸਵਾਗਤ ਕੀਤਾ ਗਿਆ। ਉਸਨੇ ਮੌਕੇ 'ਤੇ ਮੌਜੂਦ ਲੋਕਾਂ ਨੂੰ ਕਿਹਾ ਕਿ ਉਹ ਨਿਊਜ਼ੀਲੈਂਡ ਅਤੇ ਇਸ ਦੇ ਲੋਕਾਂ ਲਈ ਹੋਰ ਪਿਆਰ ਨਾਲ ਇਸ ਜ਼ਿੰਮੇਵਾਰੀ ਨੂੰ ਛੱਡ ਦੇਵੇਗੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਸਾਥੀ ਅਸਾਧਾਰਨ ਲੋਕ ਹਨ। ਉਸ ਨੇ ਕਿਹਾ ਕਿ ''ਮੈਂ ਇਹ ਕੰਮ ਕਦੇ ਇਕੱਲੇ ਨਹੀਂ ਕੀਤਾ। ਮੈਂ ਇਹ ਨਿਊਜ਼ੀਲੈਂਡ ਦੇ ਸ਼ਾਨਦਾਰ ਸੇਵਕਾਂ ਦੇ ਨਾਲ ਕੀਤਾ ਅਤੇ ਮੈਂ ਇਹ ਜਾਣਦੇ ਹੋਏ ਅਹੁਦਾ ਛੱਡ ਰਹੀ ਹਾਂ ਕਿ ਤੁਹਾਡਾ ਭਵਿੱਖ ਸੁਰੱਖਿਅਤ ਹੱਥਾਂ ਵਿੱਚ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਮੋਹਸਿਨ ਖ਼ਾਨ ਬਣੇ ਪੰਜਾਬ ਦੇ ਕਾਰਜਵਾਹਕ ਮੁੱਖ ਮੰਤਰੀ, ਇਮਰਾਨ ਬੋਲੇ-ਉਹ ਸਾਡੇ ‘ਦੁਸ਼ਮਣ’
NEXT STORY 
