ਇੰਟਰਨੈਸ਼ਨਲ ਡੈਸਕ: ਡੋਨਾਲਡ ਟਰੰਪ ਦੇ ਭਾਰਤੀ ਮੂਲ ਦੇ ਦੋਸਤ ਕਸ਼ਯਪ ਪ੍ਰਮੋਦ ਵਿਨੋਦ, ਕਾਸ਼ ਪਟੇਲ ਨੇ ਸ਼ੁੱਕਰਵਾਰ ਨੂੰ ਅਮਰੀਕਾ ਦੀ ਸਭ ਤੋਂ ਵੱਡੀ ਜਾਂਚ ਏਜੰਸੀ ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (FBI) ਦੇ ਡਾਇਰੈਕਟਰ ਵਜੋਂ ਸਹੁੰ ਚੁੱਕ ਲਈ ਹੈ। ਕਾਸ਼ ਪਟੇਲ ਨੇ ਭਗਵਦ ਗੀਤਾ 'ਤੇ ਹੱਥ ਰੱਖ ਕੇ ਸਹੁੰ ਚੁੱਕੀ। ਉਹ ਏਜੰਸੀ ਦੀ ਅਗਵਾਈ ਕਰਨ ਵਾਲੇ 9ਵੇਂ ਵਿਅਕਤੀ ਬਣ ਗਏ ਹਨ। ਕਾਸ਼ ਪਟੇਲ ਦਾ ਜਨਮ 1980 ਵਿੱਚ ਨਿਊਯਾਰਕ ਵਿੱਚ ਇੱਕ ਗੁਜਰਾਤੀ ਪਰਿਵਾਰ ਵਿੱਚ ਹੋਇਆ ਸੀ। ਸਹੁੰ ਚੁੱਕ ਸਮਾਗਮ ਦੌਰਾਨ ਇੱਕ ਕੁੜੀ ਕਾਸ਼ ਪਟੇਲ ਦੇ ਨਾਲ ਖੜ੍ਹੀ ਦਿਖਾਈ ਦਿੱਤੀ। ਉਸਨੂੰ ਦੇਖ ਕੇ ਹਰ ਕੋਈ ਸੋਚ ਰਿਹਾ ਹੋਵੇਗਾ ਕਿ ਉਹ ਕੌਣ ਹੈ? ਦਰਅਸਲ, ਇਹ ਕਾਸ਼ ਪਟੇਲ ਦੀ ਪ੍ਰੇਮਿਕਾ ਅਲੈਕਸਿਸ ਵਿਲਕਿੰਸ ਹੈ।'
ਇਹ ਵੀ ਪੜ੍ਹੋ: ਕਾਸ਼ ਪਟੇਲ ਨੇ ਭਗਵਦ ਗੀਤਾ 'ਤੇ ਹੱਥ ਰੱਖ ਕੇ ਚੁੱਕੀ FBI ਡਾਇਰੈਕਟਰ ਵਜੋਂ ਸਹੁੰ
ਕੌਣ ਹੈ ਅਲੈਕਸਿਸ ਵਿਲਕਿੰਸ ?
ਅਲੈਕਸਿਸ ਵਿਲਕਿੰਸ ਇੱਕ ਮਸ਼ਹੂਰ ਕੰਟਰੀ ਗਾਇਕ, ਲੇਖਕ ਅਤੇ ਕਮੈਂਟੇਟਰ ਹੈ। ਉਹ ਰਿਪਬਲਿਕਨ ਪ੍ਰਤੀਨਿਧੀ ਅਬ੍ਰਾਹਮ ਹਮਾਦੇ ਲਈ ਪ੍ਰੈਸ ਸਕੱਤਰ ਵਜੋਂ ਵੀ ਕੰਮ ਕਰਦੀ ਹੈ। ਉਹ 'ਪ੍ਰੇਗਰਯੂ', ਜੋ ਕਿ ਅਮਰੀਕੀ ਕਦਰਾਂ-ਕੀਮਤਾਂ ਨੂੰ ਉਤਸ਼ਾਹਿਤ ਕਰਨ ਵਾਲਾ ਇਕ ਪਲੇਟਫਾਰਮ ਹੈ, ਉਹ ਉਸ ਵਿਚ ਵੀ ਅਹਿਮ ਭੂਮਿਕਾ ਨਿਭਾਉਂਦੀ ਹੈ। ਵਿਲਕਿੰਸ ਦਾ ਪਾਲਣ-ਪੋਸ਼ਣ ਅਮਰੀਕਾ ਦੇ ਅਰਕੰਸਾਸ ਵਿੱਚ ਹੋਇਆ ਹੈ। ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਦਾ ਸ਼ੁਰੂਆਤੀ ਸਮਾਂ ਇੰਗਲੈਂਡ ਅਤੇ ਸਵਿਟਜ਼ਰਲੈਂਡ ਵਿੱਚ ਬਿਤਾਇਆ। ਅਲੈਕਸਿਸ ਦਾ ਸੰਗੀਤ ਕਰੀਅਰ ਵੀ ਸ਼ਾਨਦਾਰ ਰਿਹਾ ਹੈ, ਉਨ੍ਹਾਂ ਨੇ ਸਾਰਾ ਇਵਾਨਸ ਅਤੇ ਲੀ ਗ੍ਰੀਨਵੁੱਡ ਵਰਗੇ ਮਸ਼ਹੂਰ ਕੰਟਰੀ ਕਲਾਕਾਰਾਂ ਨਾਲ ਸਟੇਜ ਸਾਂਝੀ ਕੀਤੀ ਹੈ। ਉਹ ਕੈਪੀਟਲ ਹਿੱਲ ਵਿਚ ਰਿਪਬਲਿਕਨ ਪ੍ਰਤੀਨਿਧੀ ਅਤੇ ਕੰਜ਼ਰਵੇਟਿਵ ਰਾਜਨੀਤਿਕ ਸਰਕਟ ਵਿੱਚ ਆਪਣੇ ਯੋਗਦਾਨ ਲਈ ਵੀ ਜਾਣੀ ਜਾਂਦੀ ਹੈ। ਅਲੈਕਸਿਸ ਵਿਲਕਿੰਸ ਸੋਸ਼ਲ ਮੀਡੀਆ ਪਲੇਟਫਾਰਮ ਰੰਬਲ 'ਤੇ 'ਬਿਟਵੀਨ ਦਿ ਹੈੱਡਲਾਈਨਜ਼' ਨਾਮਕ ਇੱਕ ਪੋਡਕਾਸਟ ਵੀ ਹੋਸਟ ਕਰਦੀ ਹੈ।
ਇਹ ਵੀ ਪੜ੍ਹੋ: ਕੈਨੇਡਾ ਦੇ PM ਅਹੁਦੇ ਦੀ ਦੌੜ 'ਚੋਂ ਬਾਹਰ ਹੋਈ ਭਾਰਤੀ ਮੂਲ ਦੀ ਰੂਬੀ ਢੱਲਾ
ਕਾਸ਼ ਪਟੇਲ ਅਤੇ ਵਿਲਕਿੰਸ ਦੀ ਪ੍ਰੇਮ ਕਹਾਣੀ
ਜਿਸ ਜੋੜੇ ਨੂੰ ਅਸੀਂ ਇਸ ਸਮੇਂ ਇਕੱਠੇ ਇੱਕ ਦੂਜੇ ਦੀ ਸਫਲਤਾ 'ਤੇ ਮਾਣ ਕਰਦੇ ਹੋਏ ਦੇਖ ਰਹੇ ਹਾਂ, ਉਨ੍ਹਾਂ ਦਾ ਰਿਸ਼ਤਾ 2023 ਵਿੱਚ ਸ਼ੁਰੂ ਹੋਇਆ ਸੀ। ਰਿਪੋਰਟ ਦੇ ਅਨੁਸਾਰ, ਕਾਸ਼ ਪਟੇਲ ਅਤੇ ਵਿਲਕਿੰਸ ਪਹਿਲੀ ਵਾਰ ਸਾਲ 2022 ਵਿੱਚ ਮਿਲੇ ਸਨ। ਇਸ ਮੁਲਾਕਾਤ ਤੋਂ ਬਾਅਦ, ਦੋਵਾਂ ਵਿਚਕਾਰ ਹੌਲੀ-ਹੌਲੀ ਪਿਆਰ ਵਧਣ ਲੱਗਾ। ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਪਹਿਲੀ ਵਾਰ ਅਕਤੂਬਰ 2022 ਵਿੱਚ ਇੱਕ ਕੰਜ਼ਰਵੇਟਿਵ ਰੀਅਵੇਕਨ ਅਮਰੀਕਨ ਇਵੈਂਟ ਵਿੱਚ ਮਿਲੇ ਸਨ। ਇਸ ਤੋਂ ਬਾਅਦ ਦੋਵਾਂ ਨੇ ਸਾਲ 2023 ਵਿੱਚ ਇੱਕ-ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕਰ ਦਿੱਤਾ। ਪਟੇਲ ਅਤੇ ਵਿਲਕਿੰਸ 2 ਸਾਲਾਂ ਤੋਂ ਵੱਧ ਸਮੇਂ ਤੋਂ ਰਿਸ਼ਤੇ ਵਿੱਚ ਹਨ।
ਇਹ ਵੀ ਪੜ੍ਹੋ: ਹਾਕੀ ਟੂਰਨਾਮੈਂਟ 'ਚ ਕੈਨੇਡਾ ਤੋਂ ਹਾਰਿਆ US, ਟਰੂਡੋ ਬੋਲੇ- ਟਰੰਪ ਨਾ ਸਾਡਾ ਦੇਸ਼ ਲੈ ਸਕਦੇ ਹਨ, ਨਾ ਸਾਡੀ ਖੇਡ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹੁਣ ਟਾਇਲਟ ’ਚ ਬਿਤਾਇਆ ਜ਼ਿਆਦਾ ਸਮਾਂ ਤਾਂ ਦੇਣੇ ਪੈ ਸਕਦੈ 1200 ਰੁਪਏ ਜੁਰਮਾਨਾ
NEXT STORY 
