ਇੰਟਰਨੈਸ਼ਨਲ ਡੈਸਕ : ਉੱਤਰ-ਪੱਛਮੀ ਤੁਰਕੀ ਦੇ ਬੋਲੂ ਸੂਬੇ ਵਿੱਚ ਇੱਕ ਸਕੀ ਰਿਜਾਰਟ (ਹੋਟਲ) ਵਿੱਚ ਅੱਗ ਲੱਗਣ ਕਾਰਨ 10 ਲੋਕਾਂ ਦੀ ਮੌਤ ਹੋ ਗਈ ਅਤੇ 32 ਲੋਕ ਜ਼ਖਮੀ ਹੋ ਗਏ। ਇਕ ਖ਼ਬਰ ਏਜੰਸੀ ਮੁਤਾਬਕ ਬੋਲੂ ਦੇ ਕਾਰਤਲਕਾਇਆ ਰਿਜ਼ਾਰਟ ਵਿੱਚ ਅੱਗ ਲੱਗ ਗਈ, ਜਿਸ ਕਾਰਨ ਭਾਜੜ ਮੱਚ ਗਈ। ਘਬਰਾਹਟ ਕਾਰਨ 2 ਲੋਕਾਂ ਨੇ ਇਮਾਰਤ ਤੋਂ ਛਾਲ ਮਾਰ ਦਿੱਤੀ, ਜਿਸ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ।
ਅਧਿਕਾਰੀਆਂ ਮੁਤਾਬਕ ਇਹ ਘਟਨਾ ਸਥਾਨਕ ਸਮੇਂ ਅਨੁਸਾਰ ਤੜਕੇ 3:30 ਵਜੇ ਹੋਟਲ 'ਚ ਵਾਪਰੀ। ਅੱਗ ਨੇ 11 ਮੰਜ਼ਿਲਾ ਇਮਾਰਤ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਅਤੇ ਬਚਾਅ ਕਰਮਚਾਰੀਆਂ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ।
ਅੱਗ ਲੱਗਣ ਤੋਂ ਬਾਅਦ ਮੱਚੀ ਭਾਜੜ
ਬੋਲੂ ਦੇ ਗਵਰਨਰ ਅਬਦੁਲਾਜ਼ੀਜ਼ ਅਯਦੀਨ ਨੇ ਦੱਸਿਆ ਕਿ ਇਸ ਹੋਟਲ ਵਿੱਚ 234 ਮਹਿਮਾਨ ਠਹਿਰੇ ਹੋਏ ਸਨ। ਅੱਗ ਲੱਗਣ ਕਾਰਨ ਭਾਜੜ ਮੱਚ ਗਈ। ਕੁਝ ਲੋਕਾਂ ਨੇ ਕਾਹਲੀ ਨਾਲ ਖਿੜਕੀ ਤੋਂ ਚਾਦਰ ਰਾਹੀਂ ਹੇਠਾਂ ਉਤਰਨ ਦੀ ਕੋਸ਼ਿਸ਼ ਕੀਤੀ। ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਮਾਮਲੇ ਦੀ ਜਾਂਚ ਜਾਰੀ ਹੈ।
ਗਵਰਨਰ ਦਫ਼ਤਰ ਦੇ ਅਨੁਸਾਰ 30 ਫਾਇਰ ਇੰਜਨ ਅਤੇ 28 ਐਂਬੂਲੈਂਸਾਂ ਨੂੰ ਮੌਕੇ 'ਤੇ ਭੇਜਿਆ ਗਿਆ ਸੀ। ਅਧਿਕਾਰੀਆਂ ਨੇ ਅੱਗ 'ਤੇ ਕਾਬੂ ਪਾਉਣ ਲਈ 267 ਐਮਰਜੈਂਸੀ ਕਰਮਚਾਰੀ ਵੀ ਤਾਇਨਾਤ ਕੀਤੇ ਹਨ। ਰਿਪੋਰਟ ਮੁਤਾਬਕ ਤੁਰਕੀ ਦੇ ਸੈਰ-ਸਪਾਟਾ ਅਤੇ ਸਿਹਤ ਮੰਤਰੀ ਹਾਦਸੇ ਵਾਲੀ ਥਾਂ ਲਈ ਰਵਾਨਾ ਹੋ ਗਏ ਹਨ। ਗਵਰਨਰ ਦਫ਼ਤਰ ਦੇ ਅਨੁਸਾਰ 30 ਫਾਇਰ ਇੰਜਨ ਅਤੇ 28 ਐਂਬੂਲੈਂਸਾਂ ਨੂੰ ਮੌਕੇ 'ਤੇ ਭੇਜਿਆ ਗਿਆ ਸੀ। ਅਧਿਕਾਰੀਆਂ ਨੇ ਅੱਗ 'ਤੇ ਕਾਬੂ ਪਾਉਣ ਲਈ 267 ਐਮਰਜੈਂਸੀ ਕਰਮਚਾਰੀ ਵੀ ਤਾਇਨਾਤ ਕੀਤੇ ਹਨ। ਰਿਪੋਰਟ ਮੁਤਾਬਕ ਤੁਰਕੀ ਦੇ ਸੈਰ-ਸਪਾਟਾ ਅਤੇ ਸਿਹਤ ਮੰਤਰੀ ਹਾਦਸੇ ਵਾਲੀ ਥਾਂ ਲਈ ਰਵਾਨਾ ਹੋ ਗਏ ਹਨ।
ਤੁਰਕੀ ਵਿੱਚ ਸਕੂਲੀ ਛੁੱਟੀਆਂ
ਕਾਰਤਲਕਾਯਾ ਇੱਕ ਪ੍ਰਸਿੱਧ ਸਕੀ ਰਿਜ਼ੋਰਟ ਹੈ, ਜੋ ਇਸਤਾਂਬੁਲ ਤੋਂ ਲਗਭਗ 300 ਕਿਲੋਮੀਟਰ ਪੂਰਬ ਵਿੱਚ ਕੋਰੋਗਲੂ ਪਹਾੜਾਂ ਵਿੱਚ ਸਥਿਤ ਹੈ। ਮੌਜੂਦਾ ਸਮੇਂ ਦੌਰਾਨ, ਤੁਰਕੀ ਵਿੱਚ ਸਕੂਲ ਸਮੈਸਟਰ ਦੀਆਂ ਛੁੱਟੀਆਂ ਚੱਲ ਰਹੀਆਂ ਹਨ। ਇਸ ਕਾਰਨ ਇੱਥੇ ਮੌਜੂਦ ਸਾਰੇ ਹੋਟਲਾਂ ਵਿੱਚ ਕਾਫੀ ਭੀੜ ਹੈ। ਸਾਵਧਾਨੀ ਵਜੋਂ ਇਸ ਇਲਾਕੇ ਦੇ ਹੋਰ ਹੋਟਲਾਂ ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ।
ਤਾਈਵਾਨ 'ਚ ਭੂਚਾਲ ਦੇ ਤੇਜ਼ ਝਟਕੇ, 27 ਲੋਕ ਜ਼ਖਮੀ (ਤਸਵੀਰਾਂ)
NEXT STORY 
