ਲਾਹੌਰ - ਪਾਕਿਸਤਾਨ ਦੀ ਤਬਾਹ ਹੁੰਦੀ ਅਰਥਵਿਵਸਥਾ ਅਤੇ ਉਥੇ ਵੱਧਦੀ ਮਹਿੰਗਾਈ ਦੀ ਚਰਚਾ ਦੁਨੀਆ ਭਰ ਵਿਚ ਹੈ। ਪਰ ਪਾਕਿਸਤਾਨ ਦੀ ਇਕ ਕੇਂ੍ਰਦਰੀ ਮੰਤਰੀ ਇਸ ਨੂੰ ਛੱਡ ਕੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਕਾਤਿਲਾਨਾ ਮੁਸਕਾਨ 'ਤੇ ਫਿਦਾ ਹੈ। ਦਰਅਸਲ, ਪਾਕਿਸਤਾਨ ਦੀ ਜਲਵਾਯੂ ਪਰਿਵਰਤਨ ਰਾਜ ਮੰਤਰੀ ਜ਼ਰਤਾਜ ਗੁਲ ਵਜ਼ੀਰ ਨੇ ਇਕ ਇੰਟਰਵਿਊ ਵਿਚ ਇਹ ਖੁਲਾਸਾ ਕੀਤਾ ਹੈ ਕਿ ਉਹ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਕਾਤਿਲਾਨਾ ਮੁਸਕਾਨ ਅਤੇ ਉਨ੍ਹਾਂ ਦੀ ਬਾਡੀ ਲੈਂਗਵੇਜ਼ ਦੀ ਮੁਰੀਦ ਹੈ। ਵੀਡੀਓ ਵਿਚ ਵਜ਼ੀਰ ਪੀ. ਐਮ. ਇਮਰਾਨ ਖਾਨ ਦੀ ਤਰੀਫ ਕਰਦੀ ਦੇਖੀ ਜਾ ਸਕਦੀ ਹੈ ਅਤੇ ਉਹ ਉਨ੍ਹਾਂ ਨੂੰ ਇਕ ਚਮਤਕਾਰੀ ਨੇਤਾ ਦੱਸ ਰਹੀ ਹੈ।
ਉਨ੍ਹਾਂ ਦੇ ਹੱਸਦੇ ਹੋਏ ਕਮਰੇ ਵਿਚ ਐਂਟਰ ਹੋਣ ਨਾਲ ਗਾਇਬ ਹੋ ਜਾਂਦੀਆਂ ਹਨ ਸਾਡੀਆਂ ਸਮੱਸਿਆਵਾਂ
ਪਾਕਿਸਤਾਨ ਦੀ ਜਲਵਾਯੂ ਪਰਿਵਰਤਨ ਰਾਜ ਮੰਤਰੀ ਜ਼ਰਤਾਜ ਗੁਲ ਵਜ਼ੀਰ ਨੇ ਆਖਿਆ ਕਿ ਜੇਕਰ ਤੁਸੀਂ ਪੀ. ਐਮ. ਇਮਰਾਨ ਖਾਨ ਦੀ ਬਾਡੀ ਲੈਂਗਵੇਜ਼ 'ਤੇ ਗੱਲ ਕਰਨਾ ਚਾਹੁੰਦੇ ਹਨ, ਮੈਂ ਸੋਚਦੀ ਹਾਂ ਕਿ ਉਹ ਬਹਿਤਰੀਨ ਆਦਮੀ ਹਨ। ਉਨ੍ਹਾਂ ਆਖਿਆ ਕਿ ਜਦ ਵੀ ਅਸੀਂ ਕਿਸੇ ਸਮੱਸਿਆ ਵਿਚ ਹੁੰਦੇ ਹਾਂ, ਜਿਸ ਤਰ੍ਹਾਂ ਉਹ ਕਾਤਿਲਾਨਾ ਮੁਸਕਾਨ ਦਿੰਦੇ ਹਨ ਅਤੇ ਜਿਵੇਂ ਹੀ ਕਮਰੇ ਵਿਚ ਦਾਖਲ ਹੁੰਦੇ ਹਨ ਸਾਡੀਆਂ ਸਾਰੀਆਂ ਸਮੱਸਿਆਵਾਂ ਗਾਇਬ ਹੋ ਜਾਂਦੀਆਂ ਹਨ। ਹਾਲ ਹੀ ਵਿਚ ਪਾਕਿਸਤਾਨ ਵਿਚ ਕਣਕ ਦੇ ਆਟੇ ਦਾ ਮੁੱਲ 60 ਰੁਪਏ-ਕਿਲੋ ਤੋਂ ਵੀ ਜ਼ਿਆਦਾ ਹੋ ਜਾਣ ਦੀ ਰਿਪੋਰਟ ਆਈ ਸੀ। ਅਜਿਹੇ ਵਿਚ ਕਈ ਲੋਕਾਂ ਨੇ ਮੰਤਰੀ ਦੇ ਇਸ ਬਿਆਨ ਦੀ ਨਿੰਦਾ ਕੀਤੀ ਹੈ। ਲੋਕਾਂ ਨੇ ਇਸ ਬਿਆਨ ਨੂੰ ਗੈਰ-ਜ਼ਰੂਰੀ ਦੱਸਿਆ ਹੈ।
ਇਸ ਤਰ੍ਹਾਂ ਲੋਕਾਂ ਨੇ ਉਡਾਇਆ ਮੰਤਰੀ ਦੇ ਬਿਆਨ ਦਾ ਮਜ਼ਾਕ
ਇਕ ਯੂਜ਼ਰ ਨੇ ਟਵੀਟ ਕੀਤਾ ਕਿ ਉਹ ਦੁਨੀਆ ਭਰ ਵਿਚ ਸਭ ਤੋਂ ਬਿਨਾਂ ਕੰਮ ਦੀ ਮਹਿਲਾ ਮੰਤਰੀ ਹੈ। ਮਜ਼ਾਰੀ ਉਨ੍ਹਾਂ ਤੋਂ ਥੋਡ਼ੀ ਹੀ ਪਿੱਛੇ ਹੈ। ਦੱਸ ਦਈਏ ਕਿ ਇਹ ਸ਼ਖਸ ਦੂਜੀ ਮਹਿਲਾ ਮੰਤਰੀ ਦੇ ਤੌਰ 'ਤੇ ਪਾਕਿਸਤਾਨ ਦੀ ਕੇ੍ਰਂਦਰੀ ਨਾਗਰਿਕ ਅਧਿਕਾਰ ਮੰਤਰੀ ਸ਼ੀਰੀਨ ਮਜ਼ਾਰੀ ਦੀ ਗੱਲ ਕਰ ਰਿਹਾ ਸੀ। ਉਹ ਪਾਕਿਸਤਾਨ ਦੀ ਮੰਨੀ-ਪ੍ਰਮੰਨੀ ਸਿਆਸੀ ਸ਼ਖਸੀਅਤ ਹੈ। ਇਕ ਦੂਜੇ ਸ਼ਖਸ ਨੇ ਮਜ਼ਾਕ ਉਡਾਉਂਦੇ ਹੋਏ ਟਵੀਟ ਕੀਤਾ ਕਿ ਮੈਂ ਸਮਝਦਾ ਹਾਂ ਕਿ ਇਹੋ ਜਿਹੇ ਕਿਰਦਾਰ ਸਲਮਾਨ ਖਾਨ ਬਾਲੀਵੁੱਡ ਵਿਚ ਨਿਭਾਉਂਦੇ ਹਨ, ਉਸੇ ਤਰ੍ਹਾਂ ਆਪਣੇ ਪ੍ਰਧਾਨ ਮੰਤਰੀ ਨੂੰ ਪੇਸ਼ ਕੀਤਾ ਜਾਣਾ ਖੂਬਸੂਰਤ ਗੱਲ ਹੈ। ਉਹ ਕਾਫੀ ਗਲਤ ਨਹੀਂ ਹੋ ਸਕਦੇ। ਇਕ ਤੀਜੇ ਟਵਿਟਰ ਯੂਜ਼ਰ ਨੇ ਲਿੱਖਿਆ ਕਿ ਹੈਂਡਸਮ ਹਨ, ਅਤੇ ਤੁਹਾਨੂੰ ਆਪਣੇ ਪ੍ਰਧਾਨ ਮੰਤਰੀ ਤੋਂ ਕੀ ਚਾਹੀਦੇ ਹੈ।
ਇਰਾਕ : ਅਮਰੀਕੀ ਦੂਤਘਰ ਨੇਡ਼ੇ ਹਮਲਾ, ਦਾਗੇ ਗਏ 5 ਰਾਕੇਟ
NEXT STORY 
