ਇੰਟਰਨੈਸ਼ਨਲ ਡੈਸਕ- ਇਟਲੀ ਤੋਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਪੋਪ ਫ੍ਰਾਂਸਿਸ ਨੇ ਸੋਮਵਾਰ ਸਵੇਰੇ ਆਖਰੀ ਸਾਹ ਲਿਆ। ਇਸ ਸਬੰਧੀ ਵੈਟੀਕਨ ਕੈਮਰਲੇਂਗੋ ਦੇ ਕਾਰਡੀਨਲ ਕੇਵਿਨ ਫੇਰੇਲ ਨੇ ਐਲਾਨ ਕੀਤਾ। ਕੈਥੋਲਿਕ ਚਰਚ ਦੇ ਆਤਮਕ ਆਗੂ ਪੋਪ ਫ੍ਰਾਂਸਿਸ ਦਾ 88 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ।
ਫੇਰੇਲ ਨੇ ਐਲਾਨ ਕੀਤਾ,“ਅੱਜ ਸਵੇਰੇ 7:35 ਵਜੇ ਰੋਮ ਦੇ ਬਿਸ਼ਪ ਫ੍ਰਾਂਸਿਸ, ਪਿਤਾ ਦੇ ਘਰ ਪਰਤ ਗਏ। ਉਨ੍ਹਾਂ ਦਾ ਪੂਰਾ ਜੀਵਨ ਪ੍ਰਭੂ ਅਤੇ ਉਨ੍ਹਾਂ ਦੇ ਚਰਚ ਦੀ ਸੇਵਾ ਲਈ ਸਮਰਪਿਤ ਸੀ।” ਵੈਟੀਕਨ ਵੱਲੋਂ ਜਾਰੀ ਕੀਤੇ ਗਏ ਸਰਕਾਰੀ ਬਿਆਨ ਵਿੱਚ ਪੁਸ਼ਟੀ ਕੀਤੀ ਗਈ ਕਿ ਪਿਛਲੇ ਕੁਝ ਹਫ਼ਤਿਆਂ ਤੋਂ ਪੋਪ ਫ੍ਰਾਂਸਿਸਡਬਲ ਨਿਮੋਨੀਆ (Double Pneumonia) ਨਾਲ ਜੂਝ ਰਹੇ ਸਨ। ਉਹ ਬੁਝਦੇ ਸਾਸਾਂ ਨਾਲ ਅਖੀਰ ਤਕ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦੇ ਰਹੇ। ਕੈਮਰਲੇਂਗੋ ਦਾ ਖਿਤਾਬ ਉਸ ਕਾਰਡੀਨਲ ਜਾਂ ਉੱਚ-ਦਰਜੇ ਦੇ ਪਾਦਰੀ ਨੂੰ ਦਿੱਤਾ ਜਾਂਦਾ ਹੈ ਜੋ ਪੋਪ ਦੀ ਮੌਤ ਜਾਂ ਅਸਤੀਫ਼ੇ ਦਾ ਐਲਾਨ ਕਰਨ ਲਈ ਅਧਿਕਾਰਤ ਹੁੰਦਾ ਹੈ।ਵੈਟੀਕਨ ਵੱਲੋਂ ਜਾਰੀ ਕੀਤੇ ਗਏ ਸਰਕਾਰੀ ਬਿਆਨ ਵਿੱਚ ਪੁਸ਼ਟੀ ਕੀਤੀ ਗਈ ਕਿ ਪਿਛਲੇ ਕੁਝ ਹਫ਼ਤਿਆਂ ਤੋਂ ਪੋਪ ਫ੍ਰਾਂਸਿਸ ਡਬਲ ਨਿਮੋਨੀਆ (Double Pneumonia) ਨਾਲ ਜੂਝ ਰਹੇ ਸਨ। ਉਹ ਅਖੀਰੀ ਸਾਹਾਂ ਤਕ ਆਪਣੀ ਜ਼ਿੰਮੇਵਾਰੀ ਨਿਭਾਉਂਦੇ ਰਹੇ। ਉਸਨੇ ਕਿਹਾ,"ਉਨ੍ਹਾਂ (ਪੋਪ) ਨੇ ਸਾਨੂੰ ਿਯਸ਼ੂ ਦੀਆਂ ਕਦਰਾਂ-ਕੀਮਤਾਂ ਨੂੰ ਇਮਾਨਦਾਰੀ, ਹਿੰਮਤ ਅਤੇ ਵਿਸ਼ਵਵਿਆਪੀ ਪਿਆਰ ਨਾਲ ਜੀਣਾ ਸਿਖਾਇਆ, ਖਾਸ ਕਰਕੇ ਸਭ ਤੋਂ ਗਰੀਬ ਅਤੇ ਸਭ ਤੋਂ ਹਾਸ਼ੀਏ 'ਤੇ ਪਏ ਲੋਕਾਂ ਲਈ।" ਫੈਰੇਲ ਨੇ ਕਿਹਾ ਕਿ ਪ੍ਰਭੂ ਯਿਸੂ ਦੇ ਇੱਕ ਸੱਚੇ ਚੇਲੇ ਹੋਣ ਦੇ ਨਾਤੇ "ਅਸੀਂ ਪੋਪ ਫ੍ਰਾਂਸਿਸ ਦੀ ਆਤਮਾ ਨੂੰ ਪਰਮਾਤਮਾ ਦੇ ਅਨੰਤ, ਦਿਆਲੂ ਪਿਆਰ ਨੂੰ ਸੌਂਪਦੇ ਹਾਂ।
ਮੌਤ ਦਾ ਕਾਰਨ
ਡਾਕਟਰੀ ਰਿਪੋਰਟਾਂ ਮੁਤਾਬਕ ਉਨ੍ਹਾਂ ਦੀ ਮੌਤ ਸਾਹ ਲੈਣ ਦੀ ਸਮੱਸਿਆ ਅਤੇ ਫੇਫੜਿਆਂ ਦੀ ਸੰਕੁਚਨ ਕਾਰਨ ਹੋਈ। ਉਨ੍ਹਾਂ ਨੂੰ ਕਈ ਦਿਨ ਪਹਿਲਾਂ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਪਰ ਸਿਹਤ ਵਿੱਚ ਸੁਧਾਰ ਨਾ ਆਉਣ ਕਾਰਨ ਉਹ ਸੰਘਰਸ਼ ਕਰਦੇ ਰਹੇ।
ਜੀਵਨ 'ਤੇ ਇਕ ਝਾਤ
ਅਸਲੀ ਨਾਂ: ਜੋਰਜੇ ਮਾਰਿਓ ਬਰਗੋਲਿਓ
ਜਨਮ: 17 ਦਸੰਬਰ 1936, ਬੁਏਨਸ ਆਇਰਸ, ਅਰਜਨਟੀਨਾ
ਪੋਪ ਬਣਨ ਦੀ ਤਾਰੀਖ: 13 ਮਾਰਚ 2013
ਪੜ੍ਹੋ ਇਹ ਅਹਿਮ ਖ਼ਬਰ-Canada 'ਚ ਤੀਜੀ ਵਾਰ ਮੰਦਰ 'ਚ ਭੰਨਤੋੜ, MP ਚੰਦਰ ਆਰੀਆ ਵੱਲੋਂ ਭਾਈਚਾਰੇ ਨੂੰ ਇਕਜੁੱਟ ਹੋਣ ਦੀ ਅਪੀਲ
ਵਿਸ਼ੇਸ਼ਤਾ:
ਪਹਿਲੇ ਲੈਟਿਨ ਅਮਰੀਕਨ ਪੋਪ
ਪਹਿਲੇ ਯਿਸੂਈ (Jesuit) ਪੋਪ
1,300 ਸਾਲਾਂ ਬਾਅਦ ਪਹਿਲੇ ਗੈਰ-ਯੂਰਪੀ ਪੋਪ
ਪੋਪ ਫ੍ਰਾਂਸਿਸ ਦੀ ਵਿਰਾਸਤ
ਗਰੀਬੀ ਦੇ ਖਾਤਮੇ 'ਤੇ ਜ਼ੋਰ: ਉਨ੍ਹਾਂ ਨੇ ਕੈਥੋਲਿਕ ਚਰਚ ਦੀ ਧਾਰਨਾ ਨੂੰ ਰਵਾਇਤੀ ਰੂਪ ਤੋਂ ਹਟਾ ਕੇ ਗਰੀਬਾਂ ਅਤੇ ਪੀੜਤਾਂ ਵੱਲ ਕੇਂਦਰਤ ਕੀਤਾ।
ਵਾਤਾਵਰਣ ਸੰਰਖਣ: "Laudato Si’" ਨਾਂ ਦੀ ਡੌਕਯੂਮੈਂਟ ਰਾਹੀਂ ਉਨ੍ਹਾਂ ਨੇ ਵਾਤਾਵਰਣ ਬਚਾਅ ਲਈ ਗੱਲ ਕੀਤੀ।
ਧਰਮਾਂ ਵਿਚਕਾਰ ਸੰਵਾਦ: ਉਨ੍ਹਾਂ ਨੇ ਮੁਸਲਿਮ, ਯਹੂਦੀ ਅਤੇ ਹੋਰ ਧਰਮਾਂ ਨਾਲ ਸੰਵਾਦ ਰਚ ਕੇ ਇੱਕਤਾ ਦਾ ਸੰਦੇਸ਼ ਦਿੱਤਾ।
ਸਮਲਿੰਗੀ ਸਮਾਜ ਲਈ ਨਰਮ ਰਵੱਈਆ: "ਮੈਂ ਕੌਣ ਹਾਂ ਜੋ ਨਿਆਂ ਕਰਾਂ?" ਵਰਗਾ ਬਿਆਨ ਕੈਥੋਲਿਕ ਚਰਚ ਵਿਚ ਨਵੀਂ ਸੋਚ ਲਿਆਇਆ।
ਅੰਤਿਮ ਸੰਦੇਸ਼
ਇਸ ਈਸਟਰ (ਮਾਰਚ 2025) ਵਿੱਚ ਆਪਣੇ ਅੰਤਿਮ “Urbi et Orbi” ਸੰਦੇਸ਼ ਦੌਰਾਨ, ਉਨ੍ਹਾਂ ਨੇ ਦੁਨੀਆ ਨੂੰ ਸ਼ਾਂਤੀ, ਇਨਸਾਫ਼ ਅਤੇ ਦਿਲੋਂ ਦੀ ਨਰਮੀ ਵੱਲ ਵਧਣ ਦੀ ਅਪੀਲ ਕੀਤੀ ਸੀ।
ਸੰਸਾਰ ਭਰ 'ਚ ਸ਼ੋਕ
ਦੁਨੀਆ ਭਰ ਦੇ ਧਾਰਮਿਕ ਆਗੂ, ਰਾਜਨੀਤਿਕ ਨੇਤਾ ਅਤੇ ਆਮ ਲੋਕ ਉਨ੍ਹਾਂ ਦੀ ਮੌਤ 'ਤੇ ਦੁੱਖ ਜਤਾ ਰਹੇ ਹਨ। ਉਨ੍ਹਾਂ ਦੀ ਸਾਦਗੀ, ਮਾਨਵਤਾ ਅਤੇ ਸਚਚਾਈ ਵਾਲਾ ਜੀਵਨ ਸਦਾ ਯਾਦ ਰੱਖਿਆ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਚੀਨ ਦੀ ਕੀਮਤ 'ਤੇ ਅਮਰੀਕਾ ਨਾਲ ਵਪਾਰ ਸਮਝੌਤੇ ਕਰਨ ਵਾਲੇ ਦੇਸ਼ਾਂ ਨੂੰ ਡ੍ਰੈਗਨ ਦੀ ਖੁੱਲ੍ਹੀ ਧਮਕੀ
NEXT STORY 
