ਲੰਡਨ— ਆਖਰਕਾਰ ਲੰਬੀ ਉਡੀਕ ਤੋਂ ਬਾਅਦ ਪ੍ਰਿੰਸ ਹੈਰੀ ਅਤੇ ਮੇਗਨ ਮਾਰਕਲ ਇਕ-ਦੂਜੇ ਦੇ ਹੋ ਗਏ। ਦੋਹਾਂ ਦਾ ਵਿਆਹ ਵਿੰਡਸਰ ਕੈਸਲ ਮਹਿਲ ਸਥਿਤ ਸੈਂਟ ਜਾਰਜ ਚਰਚ 'ਚ ਹੋਇਆ। ਪ੍ਰਿੰਸ ਹੈਰੀ ਅਤੇ ਮੇਗਨ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 5.30 ਵਜੇ ਦੇ ਕਰੀਬ ਵਿਆਹ ਦੇ ਬੰਧਨ 'ਚ ਬੱਝ ਗਏ। ਚਰਚ ਨੂੰ ਬਹੁਤ ਹੀ ਖੂਬਸੂਰਤ ਢੰਗ ਨਾਲ ਸਜਾਇਆ ਗਿਆ, ਜਿੱਥੇ ਬਹੁਤ ਹੀ ਬਿਹਤਰ ਢੰਗ ਨਾਲ ਵਿਆਹ ਦੀਆਂ ਰਸਮਾਂ ਪੂਰਾ ਕੀਤਾ ਗਿਆ।
ਪ੍ਰਿੰਸ ਹੈਰੀ ਕਾਲੇ ਰੰਗ ਦੇ ਲਿਬਾਸ ਅਤੇ ਮੇਗਨ ਨੇ ਸਫੈਦ ਰੰਗ ਦਾ ਗਾਊਨ ਪਹਿਨਿਆ ਹੋਇਆ ਸੀ। ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 1.30 ਵਜੇ ਵਿਆਹ ਦੀਆਂ ਰਸਮਾਂ ਸ਼ੁਰੂ ਹੋਈਆਂ। ਮੇਗਨ ਸਫੈਦ ਗਾਊਨ 'ਚ ਬਹੁਤ ਖੂਬਸੂਰਤ ਲੱਗ ਰਹੀ ਸੀ।
ਚਰਚ 'ਚ ਸਭ ਤੋਂ ਪਹਿਲਾਂ ਪ੍ਰਿੰਸ ਹੈਰੀ ਆਪਣੇ ਭਰਾ ਪ੍ਰਿੰਸ ਵਿਲੀਅਮ ਨਾਲ ਪੁੱਜੇ ਅਤੇ ਇਸ ਤੋਂ ਬਾਅਦ ਮੇਗਨ ਕਾਰ 'ਚ ਸਵਾਰ ਹੋ ਕੇ ਆਈ। ਅੰਦਰ ਦਾਖਲ ਹੁੰਦੇ ਹੀ ਮੇਗਨ ਦੇ ਪਿੱਛੇ 8 ਬੱਚੇ ਸਨ, ਜਿਨ੍ਹਾਂ ਨੇ ਮੇਗਨ ਦੇ ਗਾਊਨ ਨੂੰ ਫੜਿਆ ਹੋਇਆ ਸੀ। ਇਹ ਨਜ਼ਾਰਾ ਬਹੁਤ ਹੀ ਖੂਬਸੂਰਤ ਸੀ।
ਇਸ ਵਿਆਹ ਨੂੰ ਦੇਖਣ ਲਈ ਬ੍ਰਿਟੇਨ ਦੀਆਂ ਸੜਕਾਂ 'ਤੇ ਲੋਕਾਂ ਦੀ ਵੱਡੀ ਭੀੜ ਇਕੱਠੀ ਹੋਈ। ਮੇਗਨ ਅਤੇ ਹੈਰੀ ਨੇ ਇਕ-ਦੂਜੇ ਨੂੰ ਰਿੰਗ ਪਹਿਨਾਈ।
ਵਿਆਹ ਸਮਾਰਹੋ ਤੋਂ ਬਾਅਦ ਨਵੀਂ ਵਿਆਹੀ ਜੋੜੀ ਖਾਸ ਸ਼ਾਹੀ ਗੱਡੀ 'ਚ ਸਵਾਰ ਹੋ ਕੇ ਵਿੰਡਸਰ ਸ਼ਹਿਰ ਤੋਂ ਨਿਕਲੀ। ਵਿੰਡਸਰ ਕੈਸਲ ਮਹਾਰਾਣੀ ਦੇ ਅਧਿਕਾਰਤ ਆਵਾਸ 'ਚੋਂ ਇਕ ਹੈ।
ਸ਼ਾਹੀ ਘਰਾਣੇ ਵਲੋਂ ਜਾਰੀ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਮਹਾਰਾਣੀ ਪ੍ਰਿੰਸ ਹੈਰੀ ਨੂੰ ਡਿਊਕ ਦਾ ਅਹੁਦਾ ਦੇ ਕੇ ਬੇਹੱਦ ਖੁਸ਼ ਹੈ।
ਬਿਜਲੀ ਮੁਲਾਜ਼ਮਾਂ ਵੱਲੋਂ ਪਾਵਰਕਾਮ ਮੈਨੇਜਮੈਂਟ ਖਿਲਾਫ ਰੋਸ ਪ੍ਰਦਰਸ਼ਨ
NEXT STORY 
