ਰੋਮ, (ਦਲਵੀਰ ਕੈਂਥ)— ਇਟਲੀ ਸਿਰਫ਼ ਬਿਨਾਂ ਪੇਪਰਾਂ ਦੇ ਵਿਦੇਸ਼ੀਆਂ ਨੂੰ ਪਨਾਹ ਦੇਣ ਵਿੱਚ ਹੀ ਸਿਰਮੌਰ ਨਹੀਂ ਸਗੋਂ ਦੁਨੀਆ ਦਾ ਦੂਜਾ ਅਜਿਹਾ ਦੇਸ਼ ਹੈ, ਜਿਹੜਾ ਕਿ ਆਪਣੇ ਨਾਗਰਿਕਾਂ ਨੂੰ ਚੁਸਤ ਤੇ ਦਰੁੱਸਤ ਰੱਖਦਾ ਹੈ ।ਬਲੂਮਬਰਗ ਹੈਲਥਇਸਟ ਕੰਟਰੀ ਇੰਡੈਕਸ ਨੇ ਸੰਨ 2019 ਦੇ ਸਰਵੇ ਅਨੁਸਾਰ ਦੁਨੀਆ ਦੇ ਸਭ ਤੋਂ ਤੰਦਰੁਸਤ ਦੇਸ਼ਾਂ ਵਿੱਚ ਪਹਿਲਾ ਨੰਬਰ ਸਪੇਨ ਨੂੰ ਦਿੱਤਾ ਹੈ ਜਦੋਂ ਕਿ ਦੂਜਾ ਨੰਬਰ ਪੰਜਾਬੀਆਂ ਦੇ ਮਹਿਬੂਬ ਦੇਸ਼ ਇਟਲੀ ਨੂੰ ਦਿੱਤਾ ਗਿਆ ਹੈ। ਦੁਨੀਆ ਦੇ 169 ਦੇਸ਼ਾਂ ਦੇ ਸਰਵੇ ਅਨੁਸਰ ਸਪੇਨ ਨੂੰ 100 ਵਿੱਚੋਂ 92.8 ਨੰਬਰ ਮਿਲੇ ਹਨ ਜਦੋਂ ਕਿ ਇਟਲੀ ਨੂੰ 91.59 ਨੰਬਰ ਮਿਲੇ ਹਨ।
ਇਟਲੀ ਤੋਂ ਬਾਅਦ ਤੀਜੇ ਨੰਬਰ ਤੇ ਆਇਸਲੈਂਡ ਹੈ, ਜਿਸ ਨੂੰ 91.44 ਨੰਬਰ ਮਿਲੇ ਹਨ। ਆਇਸਲੈਂਡ ਤੋਂ ਚੌਥਾ ਸਥਾਨ ਜਪਾਨ, ਪੰਜਵਾਂ ਸਥਾਨ ਸਵਿਜ਼ਰਲੈਂਡ, ਛੇਵਾਂ ਸਥਾਨ ਸਵੀਡਨ, ਸੱਤਵਾਂ ਸਥਾਨ ਆਸਟਰੇਲੀਆ, ਅੱਠਵਾਂ ਸਥਾਨ ਸਿੰਗਾਪੁਰ, ਨੌਵਾਂ ਸਥਾਨ ਨਾਰਵੇ, ਦੱਸਵਾਂ ਸਥਾਨ ਇਜ਼ਰਾਇਲ, ਗਿਆਰਵਾਂ ਸਥਾਨ ਲੈਕਸਮਬੁਰਗ, ਬਾਰਵਾਂ ਸਥਾਨ ਫਰਾਂਸ, ਤੇਰਵਾਂ ਸਥਾਨ ਅਸਟਰੀਆ,ਚੌਦਵਾਂ ਸਥਾਨ ਇੰਨਲੈਂਡ, ਪੰਦਰਵਾਂ ਸਥਾਨ ਨੀਦਰਲੈਂਡ, ਸੋਲਵਾਂ ਸਥਾਨ ਕੈਨੇਡਾ, ਸਤਾਰਵਾਂ ਸਥਾਨ ਐਸ. ਕੋਰੀਆ, ਅਠਾਰਵਾਂ ਸਥਾਨ ਨਿਊਜ਼ੀਲੈਂਡ, ਉਂਨੀਵਾਂ ਸਥਾਨ ਇੰਗਲੈਂਡ ਅਤੇ ਵੀਹਵਾਂ ਸਥਾਨ ਆਇਰਲੈਂਡ ਨੂੰ ਮਿਲਿਆ ਹੈ।
ਇਸ ਸਰਵੇ ਵਿੱਚ ਸਭ ਤੋਂ ਹੈਰਾਨੀ ਦੀ ਗੱਲ ਇਹ ਹੈ ਕਿ ਪੂਰੀ ਦੁਨੀਆਂ ਵਿੱਚ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਕਹਾਉਣ ਵਾਲਾ ਅਮਰੀਕਾ ਤੰਦੁਰਸਤੀ ਵਿੱਚ ਪੱਛੜ ਗਿਆ ਹੈ ਤੇ ਉਸ ਨੂੰ ਇਸ ਸਰਵੇ ਵਿੱਚ 35ਵਾਂ ਸਥਾਨ ਮਿਲਿਆ ਹੈ। ਸਪੇਨ ਅਤੇ ਇਟਲੀ ਜਿੱਥੋਂ ਦੇ ਫ਼ਲ, ਸਬਜ਼ੀਆਂ ,ਪਨੀਰ ਅਤੇ ਜੈਤੂਨ ਦਾ ਤੇਲ ਲੋਕਾਂ ਦੀ ਖੁਰਾਕ ਦਾ ਮੁੱਖ ਹਿੱਸਾ ਹਨ ,ਬਿਮਾਰੀਆਂ ਨੂੰ ਪਛਾੜ ਅੱਗੇ ਆਏ ਹਨ ।ਸਰਵੇ ਅਨੁਸਾਰ ਇੱਥੋਂ ਦੇ ਲੋਕਾਂ ਵਿੱਚ ਦਿਲ ਅਤੇ ਹੋਰ ਗੰਭੀਰ ਰੋਗਾਂ ਦੀਆਂ ਬਿਮਾਰੀਆਂ ਹੋਰ ਦੇਸ਼ਾਂ ਨਾਲੋ ਕਾਫ਼ੀ ਘੱਟ ਹਨ।
ਨੀਦਰਲੈਂਡ ਬੰਦ ਕਰੇਗਾ ਜੇਲਾਂ, ਬਣੇਗਾ ਦੁਨੀਆ ਦਾ ਪਹਿਲਾ ਅਜਿਹਾ ਦੇਸ਼
NEXT STORY 
