ਵਾਸ਼ਿੰਗਟਨ (ਭਾਸ਼ਾ) ਅਮਰੀਕੀ ਸਰਕਾਰੀ ਪ੍ਰਸਾਰਣ ਸੇਵਾ ਵਾਇਸ ਆਫ ਅਮਰੀਕਾ (ਵੀਓਏ) ਨੇ ਬੁੱਧਵਾਰ ਨੂੰ ਕਿਹਾ ਕਿ ਤਾਲਿਬਾਨ ਅਧਿਕਾਰੀਆਂ ਨੇ ਵੀਰਵਾਰ ਤੋਂ ਅਫਗਾਨਿਸਤਾਨ ਵਿੱਚ ਇਸਦੇ ਐਫਐਮ ਰੇਡੀਓ ਅਤੇ ਰੇਡੀਓ ਫ੍ਰੀ ਯੂਰਪ/ਰੇਡੀਓ ਲਿਬਰਟੀ ਦੇ ਪ੍ਰਸਾਰਣ ਨੂੰ ਰੋਕ ਦਿੱਤਾ ਹੈ। VOA ਨੇ ਕਿਹਾ ਕਿ ਤਾਲਿਬਾਨ ਅਧਿਕਾਰੀਆਂ ਨੇ ਬਿਨਾਂ ਕੋਈ ਖਾਸ ਕਾਰਨ ਦੱਸੇ "ਪ੍ਰੋਗਰਾਮ ਦੀ ਸਮੱਗਰੀ ਬਾਰੇ ਪ੍ਰਾਪਤ ਹੋਈਆਂ ਸ਼ਿਕਾਇਤਾਂ" ਦਾ ਹਵਾਲਾ ਦਿੱਤਾ। VOA ਅਤੇ RFE ਨੂੰ ਅਮਰੀਕੀ ਸਰਕਾਰ ਦੁਆਰਾ ਫੰਡ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਉਹ ਸੰਪਾਦਕੀ ਸੁਤੰਤਰਤਾ ਦਾ ਦਾਅਵਾ ਕਰਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਭੈਣ ਨੇ ਭਰਾ ਦੇ 'ਵਿਆਹ' ਲਈ ਖਰਚ ਕੀਤੀ ਜ਼ਿੰਦਗੀ ਭਰ ਦੀ ਧਨ-ਦੌਲਤ, ਜਾਣੋ ਪੂਰਾ ਮਾਮਲਾ
ਜ਼ਿਕਰਯੋਗ ਹੈ ਕਿ ਅਗਸਤ 2021 ਨੂੰ ਤਾਲਿਬਾਨ ਨੇ ਅਫਗਾਨਿਸਤਾਨ ਦੀ ਸੱਤਾ 'ਤੇ ਕਬਜ਼ਾ ਕਰ ਲਿਆ ਸੀ। ਅਫਗਾਨਿਸਤਾਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਬਦੁਲ ਕਹਰ ਬਲਖੀ ਨੇ ਵੀਰਵਾਰ ਨੂੰ ਕਿਹਾ ਕਿ ਦੇਸ਼ ਵਿੱਚ ਪ੍ਰੈਸ ਕਾਨੂੰਨ ਹਨ ਅਤੇ ਜੋ ਵੀ ਨੈਟਵਰਕ ਇਹਨਾਂ ਕਾਨੂੰਨਾਂ ਦੀ "ਵਾਰ-ਵਾਰ ਉਲੰਘਣਾ" ਕਰਦਾ ਪਾਇਆ ਗਿਆ, ਉਸ ਤੋਂ ਦੇਸ਼ ਵਿੱਚ ਕੰਮ ਕਰਨ ਦਾ ਵਿਸ਼ੇਸ਼ ਅਧਿਕਾਰ ਖੋਹ ਲਿਆ ਜਾਵੇਗਾ। ਉਸ ਨੇ ਕਿਹਾ,"ਵੀਓਏ ਅਤੇ ਅਜ਼ਾਦੀ ਰੇਡੀਓ (ਰੇਡੀਓ ਲਿਬਰਟੀ) ਇਹਨਾਂ ਕਾਨੂੰਨਾਂ ਦੀ ਪਾਲਣਾ ਕਰਨ ਵਿੱਚ ਅਸਫਲ ਰਹੇ, ਵਾਰ-ਵਾਰ ਉਲੰਘਣਾ ਕਰਦੇ ਪਾਏ ਗਏ, ਪੇਸ਼ੇਵਰ ਤੌਰ 'ਤੇ ਕੰਮ ਕਰਨ ਵਿੱਚ ਅਸਫਲ ਰਹੇ ਅਤੇ ਇਸ ਲਈ ਬੰਦ ਕਰ ਦਿੱਤੇ ਗਏ।" 'ਵਿਦਾਊਟ ਬਾਰਡਰਜ਼' ਨੇ ਹਾਲ ਹੀ ਵਿੱਚ ਕਿਹਾ ਕਿ ਅਫਗਾਨਿਸਤਾਨ ਨੇ 40 ਫੀਸਦੀ ਮੀਡੀਆ ਸੰਸਥਾਵਾਂ ਅਤੇ 60 ਫੀਸਦੀ ਪੱਤਰਕਾਰਾਂ ਨੂੰ ਗੁਆ ਦਿੱਤਾ ਹੈ।
ਇਟਲੀ : ਭੰਗੜਾ ਮੁਕਾਬਲਿਆਂ 'ਚ ਗੋਰੀਆਂ ਮੁਟਿਆਰਾਂ ਨੇ ਕਰਵਾਈ ਬੱਲੇ-ਬੱਲੇ
NEXT STORY 
