ਲੰਡਨ (ਭਾਸ਼ਾ)- ਬ੍ਰਿਟੇਨ ਦੀ ਸਰਕਾਰੀ ਸਹਾਇਤਾ ਪ੍ਰਾਪਤ ਸਿਹਤ ਸੰਭਾਲ ਸੇਵਾ ਨੂੰ ਹੁਣ ਤੱਕ ਦੀ ਸਭ ਤੋਂ ਲੰਬੀ ਹੜਤਾਲ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਸਲ ਵਿਚ ਇੰਗਲੈਂਡ ਵਿੱਚ ਹਜ਼ਾਰਾਂ ਡਾਕਟਰਾਂ ਨੇ ਵੀਰਵਾਰ ਨੂੰ ਤਨਖਾਹ ਵਿਚ ਵਾਧੇ ਨੂੰ ਲੈ ਕੇ ਪੰਜ ਦਿਨਾਂ ਲਈ ਵਾਕਆਊਟ ਸ਼ੁਰੂ ਕਰ ਦਿੱਤਾ। ਤਥਾਕਥਿਤ ਜੂਨੀਅਰ ਡਾਕਟਰ, ਜਿਹੜੇ ਮੈਡੀਕਲ ਸਕੂਲ ਤੋਂ ਬਾਅਦ ਦੇ ਸਾਲਾਂ ਵਿੱਚ ਆਪਣੇ ਕਰੀਅਰ ਦੇ ਸ਼ੁਰੂਆਤੀ ਪੜਾਅ 'ਤੇ ਹਨ, ਨੇ ਸਵੇਰੇ 7 ਵਜੇ ਆਪਣੀ ਹੜਤਾਲ ਸ਼ੁਰੂ ਕੀਤੀ, ਜਿਨ੍ਹਾਂ ਵਿੱਚੋਂ ਬਹੁਤਿਆਂ ਨੇ ਇੰਗਲੈਂਡ ਭਰ ਦੇ ਹਸਪਤਾਲਾਂ ਦੇ ਬਾਹਰ 35% ਤਨਖਾਹ ਵਾਧੇ ਲਈ ਆਪਣਾ ਪੱਖ ਰੱਖਿਆ।
ਡਾਕਟਰਾਂ ਦੀ ਯੂਨੀਅਨ ਬ੍ਰਿਟਿਸ਼ ਮੈਡੀਕਲ ਐਸੋਸੀਏਸ਼ਨ ਨੇ ਮਹਿੰਗਾਈ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਜੂਨੀਅਰ ਡਾਕਟਰਾਂ ਦੀ ਤਨਖਾਹ ਨੂੰ 2008 ਦੇ ਪੱਧਰ 'ਤੇ ਲਿਆਉਣ ਲਈ 35% ਤਨਖਾਹ ਵਧਾਉਣ ਦੀ ਮੰਗ ਕੀਤੀ ਹੈ। ਇਸ ਦੌਰਾਨ ਇੰਗਲੈਂਡ ਦੇ 75,000 ਜਾਂ ਇਸ ਤੋਂ ਵੱਧ ਜੂਨੀਅਰ ਡਾਕਟਰਾਂ 'ਤੇ ਕੰਮ ਦਾ ਬੋਝ ਵਧ ਗਿਆ ਹੈ ਕਿਉਂਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਇਲਾਜ ਲਈ ਮਰੀਜ਼ਾਂ ਦੀ ਉਡੀਕ ਸੂਚੀ ਰਿਕਾਰਡ ਉੱਚਾਈ 'ਤੇ ਹੈ। BMA ਨੇਤਾਵਾਂ ਡਾ. ਰਾਬਰਟ ਲੌਰੇਨਸਨ ਅਤੇ ਡਾ ਵਿਵੇਕ ਤ੍ਰਿਵੇਦੀ ਨੇ ਕਿਹਾ ਕਿ "ਅੱਜ NHS ਦੇ ਇਤਿਹਾਸ ਵਿੱਚ ਡਾਕਟਰਾਂ ਦੁਆਰਾ ਸਭ ਤੋਂ ਲੰਬੇ ਸਿੰਗਲ ਵਾਕਆਊਟ ਦੀ ਸ਼ੁਰੂਆਤ ਹੈ, ਪਰ ਇਹ ਅਜੇ ਵੀ ਇੱਕ ਅਜਿਹਾ ਰਿਕਾਰਡ ਨਹੀਂ ਹੈ"। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਰਕਾਰ ਨੂੰ ਹੜਤਾਲਾ ਦੌਰਾਨ ਗੱਲ ਨਾ ਕਰਨ ਦੀ ਆਪਣੀ "ਬੇਤੁਕੀ ਪੂਰਵ ਸ਼ਰਤ" ਨੂੰ ਛੱਡ ਦੇਣ ਦੀ ਅਪੀਲ ਕੀਤੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਦੁੱਖਦਾਇਕ ਖ਼ਬਰ : ਰੋਜ਼ੀ ਰੋਟੀ ਲਈ ਸਿੰਗਾਪੁਰ ਗਏ ਭਾਰਤੀ ਨੌਜਵਾਨ ਦੀ ਹਾਦਸੇ 'ਚ ਮੌਤ
ਸਿਹਤ ਸਕੱਤਰ ਸਟੀਵ ਬਾਰਕਲੇ ਨੇ ਕਿਹਾ ਕਿ "ਜੂਨੀਅਰ ਡਾਕਟਰਾਂ ਦੁਆਰਾ ਪੰਜ ਦਿਨਾਂ ਦੇ ਵਾਕਆਊਟ ਦਾ ਹਜ਼ਾਰਾਂ ਮਰੀਜ਼ਾਂ 'ਤੇ ਅਸਰ ਪਵੇਗਾ। ਬ੍ਰਿਟੇਨ ਹੋਰ ਦੇਸ਼ਾਂ ਵਾਂਗ ਸਾਲਾਂ ਵਿੱਚ ਪਹਿਲੀ ਵਾਰ ਉੱਚੀ ਮਹਿੰਗਾਈ ਨਾਲ ਜੂਝ ਰਿਹਾ ਹੈ। ਕੀਮਤਾਂ ਵਿੱਚ ਵਾਧਾ ਮਹਾਮਾਰੀ ਦੇ ਨਤੀਜੇ ਵਜੋਂ ਸਪਲਾਈ ਚੇਨ ਦੇ ਮੁੱਦਿਆਂ ਅਤੇ ਫਿਰ ਯੂਕ੍ਰੇਨ 'ਤੇ ਰੂਸ ਦੇ ਹਮਲੇ ਦੁਆਰਾ ਕੀਤਾ ਗਿਆ ਸੀ, ਜਿਸ ਨਾਲ ਊਰਜਾ ਅਤੇ ਭੋਜਨ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਸੀ। ਹਾਲਾਂਕਿ ਮੁਦਰਾਸਫੀਤੀ ਆਪਣੇ ਸਿਖਰ ਤੋਂ 8.7% ਤੱਕ ਥੋੜ੍ਹੀ ਜਿਹੀ ਹੇਠਾਂ ਆ ਗਈ ਹੈ, ਇਹ ਬੈਂਕ ਆਫ ਇੰਗਲੈਂਡ ਦੁਆਰਾ ਮਿੱਥੇ 2% ਦੇ ਪੱਧਰ ਤੋਂ ਬਹੁਤ ਉੱਪਰ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਔਰਤਾਂ ਖ਼ਿਲਾਫ਼ ਹਿੰਸਾ 'ਚ ਪਾਕਿ ਸਭ ਤੋਂ ਅੱਗੇ, 4 ਮਹੀਨਿਆਂ ’ਚ 10 ਹਜ਼ਾਰ ਤੋਂ ਜ਼ਿਆਦਾ ਕੇਸ ਦਰਜ
NEXT STORY 
