ਵਾਸ਼ਿੰਗਟਨ (ਏਐਨਆਈ): ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਤੁਲਸੀ ਗੈਬਾਰਡ ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਉਹ ਡੈਮੋਕ੍ਰੇਟਿਕ ਪਾਰਟੀ ਛੱਡ ਦੇਵੇਗੀ। ਉਨ੍ਹਾਂ ਨੇ ਪਾਰਟੀ 'ਤੇ ਦੇਸ਼ ਦੇ ਹਰ ਮੁੱਦੇ ਨੂੰ ਨਸਲੀ ਬਣਾਉਣ ਦਾ ਦੋਸ਼ ਲਗਾਇਆ ਹੈ। ਗੈਬਾਰਡ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਪੋਸਟ ਕੀਤੇ ਗਏ ਕਰੀਬ 30 ਮਿੰਟ ਦੇ ਵੀਡੀਓ 'ਚ ਇਹ ਐਲਾਨ ਕੀਤਾ।
ਡੈਮੋਕ੍ਰੇਟਿਕ ਪਾਰਟੀ ਖ਼ਿਲਾਫ਼ ਨਸਲਵਾਦ ਦੇ ਦੋਸ਼
ਤੁਲਸੀ ਗੈਬਾਰਡ ਨੇ ਡੈਮੋਕ੍ਰੇਟਿਕ ਪਾਰਟੀ 'ਤੇ ਨਸਲਵਾਦ ਦਾ ਦੋਸ਼ ਲਗਾਉਂਦੇ ਹੋਏ ਕਿਹਾ ਹੈ ਕਿ ਉਹ ਹੁਣ ਇਸ ਪਾਰਟੀ ਦੀ ਮੈਂਬਰ ਨਹੀਂ ਰਹਿ ਸਕਦੀ। ਸੋਸ਼ਲ ਮੀਡੀਆ 'ਤੇ ਪਾਈ ਵੀਡੀਓ 'ਚ ਉਸ ਨੇ ਕਿਹਾ ਹੈ ਕਿ ਮੈਂ ਡੈਮੋਕ੍ਰੇਟਿਕ ਪਾਰਟੀ 'ਚ ਨਹੀਂ ਰਹਿ ਸਕਦੀ, ਇਹ ਪਾਰਟੀ ਹੁਣ ਕਾਇਰਤਾ ਤੋਂ ਪ੍ਰੇਰਿਤ ਹੈ। ਉਹ ਹਰ ਮੁੱਦੇ ਨੂੰ ਨਸਲੀ ਬਿਆਨ ਕਰਕੇ ਅਤੇ ਗੋਰੇ ਵਿਰੋਧੀ ਨਸਲਵਾਦ ਨੂੰ ਭੜਕਾਉਂਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਈਰਾਨ 'ਚ ਹਿਜਾਬ ਵਿਰੋਧੀ ਅੰਦੋਲਨ ਨੂੰ ਲੈ ਕੇ ਸਕੂਲ ਤੋਂ ਬੱਚੇ ਗ੍ਰਿਫ਼ਤਾਰ, ਨਿਊਜ਼ ਚੈਨਲ ਵੀ ਹੈਕ
ਹੋਰ ਡੈਮੋਕ੍ਰੇਟਸ ਨੂੰ ਸਮਰਥਨ ਕਰਨ ਦੀ ਅਪੀਲ
ਗੈਬਾਰਡ ਨੇ ਅੱਗੇ ਆਪਣੇ ਸਾਥੀ ਡੈਮੋਕ੍ਰੇਟਸ ਨੂੰ ਵੀ ਉਸ ਦਾ ਸਾਥ ਦੇਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਆਪਣੇ ਸਾਥੀਆਂ ਨੂੰ ਵੀ ਪਾਰਟੀ ਛੱਡਣ ਦੀ ਗੱਲ ਕਹੀ ਹੈ। ਹਾਲਾਂਕਿ ਉਨ੍ਹਾਂ ਨੇ ਅਜੇ ਤੱਕ ਆਪਣੀ ਨਵੀਂ ਸਿਆਸੀ ਯੋਜਨਾ ਜਾਂ ਰਿਪਬਲਿਕਨ ਪਾਰਟੀ 'ਚ ਸ਼ਾਮਲ ਹੋਣ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਹੈ। ਤੁਲਸੀ ਗੈਬਾਰਡ ਦਾ ਜਨਮ ਹਵਾਈ ਵਿੱਚ ਹੋਇਆ ਸੀ, ਜਿੱਥੇ ਉਹ 21 ਸਾਲ ਦੀ ਉਮਰ ਵਿੱਚ ਹਵਾਈ ਸਟੇਟ ਹਾਊਸ ਲਈ ਦੌੜੀ ਸੀ। ਇਸ ਤੋਂ ਪਹਿਲਾਂ ਉਹ ਕਿਸੇ ਵੀ ਤਰ੍ਹਾਂ ਦੀ ਰਾਜਨੀਤੀ ਨਾਲ ਜੁੜੀ ਨਹੀਂ ਸੀ। ਉਹ ਪਿਛਲੇ 20 ਸਾਲਾਂ ਤੋਂ ਡੈਮੋਕ੍ਰੇਟਿਕ ਪਾਰਟੀ ਨਾਲ ਜੁੜੀ ਹੋਈ ਸੀ।
ਅਜਿਹੀ ਸਰਕਾਰ 'ਤੇ ਭਰੋਸਾ ਕਰੋ ਜੋ ਲੋਕਾਂ ਲਈ ਕੰਮ ਕਰੇ
ਡੈਮੋਕ੍ਰੇਟਿਕ ਪਾਰਟੀ ਦੀ ਦੇਸ਼ ਵਿਚ ਲੋਕਾਂ ਦੀਆਂ ਬੁਨਿਆਦੀ ਆਜ਼ਾਦੀਆਂ ਨੂੰ ਕਮਜ਼ੋਰ ਕਰਨ ਦੀ ਆਲੋਚਨਾ ਕਰਦੇ ਹੋਏ, ਗੈਬਾਰਡ ਨੇ ਕਿਹਾ ਕਿ ਉਹ ਅਜਿਹੀ ਸਰਕਾਰ ਵਿਚ ਵਿਸ਼ਵਾਸ ਰੱਖਦੀ ਹੈ ਜੋ ਲੋਕਾਂ ਲਈ ਹੈ। ਹਾਲਾਂਕਿ, ਅੱਜ ਦੀ ਡੈਮੋਕ੍ਰੇਟਿਕ ਪਾਰਟੀ ਇਨ੍ਹਾਂ ਕਦਰਾਂ-ਕੀਮਤਾਂ 'ਤੇ ਖੜ੍ਹੀ ਨਹੀਂ ਹੈ। ਤੁਲਸੀ ਗੈਬਾਰਡ ਅਮਰੀਕੀ ਕਾਂਗਰਸ ਵਿੱਚ ਰਾਸ਼ਟਰਪਤੀ ਦੇ ਅਹੁਦੇ ਲਈ ਚੋਣ ਲੜਨ ਵਾਲੀ ਪਹਿਲੀ ਹਿੰਦੂ ਸਾਂਸਦ ਸੀ। ਗੈਬਾਰਡ ਨੇ 2004 ਤੋਂ 2005 ਤੱਕ ਇਰਾਕ ਵਿੱਚ ਜੰਗ ਦੌਰਾਨ ਹਵਾਈ ਫੌਜ ਨੈਸ਼ਨਲ ਗਾਰਡ ਦੀ ਫੀਲਡ ਮੈਡੀਕਲ ਯੂਨਿਟ ਵਿੱਚ ਵੀ ਸੇਵਾ ਕੀਤੀ ਅਤੇ 2008 ਤੋਂ 2009 ਤੱਕ ਕੁਵੈਤ ਵਿੱਚ ਤਾਇਨਾਤ ਰਹੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਈਰਾਨ 'ਚ ਹਿਜਾਬ ਵਿਰੋਧੀ ਅੰਦੋਲਨ ਨੂੰ ਲੈ ਕੇ ਸਕੂਲ ਤੋਂ ਬੱਚੇ ਗ੍ਰਿਫ਼ਤਾਰ, ਨਿਊਜ਼ ਚੈਨਲ ਵੀ ਹੈਕ
NEXT STORY 
