ਵਾਸ਼ਿੰਗਟਨ (ਭਾਸ਼ਾ)— ਭਾਰਤੀ ਮੂਲ ਦੀ 51 ਸਾਲਾ ਮਹਿਲਾ ਨੂੰ ਬਿਨਾਂ ਦਸਤਾਵੇਜ਼ ਦੇ ਸੈਂਕੜੇ ਲੋਕਾਂ ਨੂੰ ਮਨੁੱਖੀ ਤਸਕਰੀ ਜ਼ਰੀਏ ਅਮਰੀਕਾ ਵਿਚ ਲਿਆਉਣ ਦੇ ਦੋਸ਼ ਵਿਚ 3 ਸਾਲ ਜੇਲ ਦੀ ਸਜ਼ਾ ਸੁਣਾਈ ਗਈ। ਇਸ ਦੇ ਨਾਲ ਹੀ 70 ਲੱਖ ਡਾਲਰ ਤੋਂ ਵੱਧ ਦਾ ਜੁਰਮਾਨਾ ਵੀ ਲਗਾਇਆ ਗਿਆ। ਜਿਹੜੇ ਲੋਕਾਂ ਨੂੰ ਇਸ ਤਰ੍ਹਾਂ ਅਮਰੀਕਾ ਲਿਆਇਆ ਜਾਂਦਾ ਸੀ ਉਨ੍ਹਾਂ ਵਿਚ ਜ਼ਿਆਦਾਤਰ ਭਾਰਤੀ ਸਨ। ਇੱਥੇ ਲਿਆਉਣ ਦੇ ਬਦਲੇ ਉਨ੍ਹਾਂ ਕੋਲੋਂ ਪ੍ਰਤੀ ਵਿਅਕਤੀ 28,000 ਡਾਲਰ ਤੋਂ 60,000 ਡਾਲਰ ਲਏ ਜਾਂਦੇ ਸਨ।
ਪਿਛਲੇ ਸਾਲ ਜੂਨ ਵਿਚ ਹੇਮਾ ਪਟੇਲ ਨੇ ਵਿੱਤੀ ਲਾਭ ਲਈ ਧੋਖਾਧੜੀ ਕਰ ਕੇ ਲੋਕਾਂ ਨੂੰ ਅਮਰੀਕਾ ਵਿਚ ਦਾਖਲ ਕਰਵਾਉਣ ਦਾ ਦੋਸ਼ ਸਵੀਕਾਰ ਕਰ ਲਿਆ ਸੀ। ਪਟੇਲ ਨੂੰ ਸੈਂਕੜੇ ਗੈਰ ਕਾਨੂੰਨੀ ਲੋਕਾਂ ਦੀ ਅਮਰੀਕਾ ਵਿਚ ਤਸਕਰੀ ਵਿਚ ਉਸ ਦੀ ਭੂਮਿਕਾ ਲਈ ਸਜ਼ਾ ਸੁਣਾਈ ਗਈ। ਹੋਮਲੈਂਡ ਸੁਰੱਖਿਆ ਜਾਂਚ (ਐੱਚ.ਐੱਸ.ਆਈ.) ਨਿਊਯਾਰਕ ਦੀ ਵਿਸ਼ੇਸ਼ ਇੰਚਾਰਜ ਏਜੰਟ ਐਂਜੇਲ ਮੇਲੇਨਦੇਜ਼ ਨੇ ਕਿਹਾ,''ਇਹ ਸਹੀ ਉਦਾਹਰਣ ਹੈ ਕਿ ਕਿਵੇਂ ਅਪਰਾਧਿਕ ਨੈੱਟਵਰਕ ਅਮਰੀਕਾ ਦੀ ਰਾਸ਼ਟਰੀ ਸੁਰੱਖਿਆ ਨੂੰ ਖਤਰਾ ਪਹੁੰਚਾ ਕੇ ਲਾਭ ਕਮਾਉਣ ਲਈ ਸਾਡੇ ਦੇਸ਼ ਦੀ ਇਮੀਗ੍ਰੇਸ਼ਨ ਵਿਵਸਥਾ ਵਿਚ ਕਮੀਆਂ ਦੀ ਵਰਤੋਂ ਕਰਦੇ ਹਨ। ਹੇਮਾ ਪਟੇਲ ਅਤੇ ਉਸ ਦੇ ਸਾਥੀ ਬਿਨਾਂ ਉਚਿਤ ਦਸਤਾਵੇਜ਼ ਵਾਲੇ ਵਿਦੇਸ਼ੀਆਂ ਦੀ ਰਿਹਾਈ ਲਈ ਫਰਜ਼ੀ ਬ੍ਰਾਂਡ ਦਸਤਾਵੇਜ਼ ਬਣਾਉਂਦੇ ਸਨ। ਇਸ ਤੋਂ ਪਹਿਲਾਂ ਇਨਾਂ ਲੋਕਾਂ ਨੂੰ ਇਕ ਅੰਤਰਰਾਸ਼ਟਰੀ ਅਪਰਾਧਿਕ ਨੈੱਟਵਰਕ ਮਨੁੱਖੀ ਤਸਕਰੀ ਜ਼ਰੀਏ ਦੱਖਣੀ ਪੱਛਮੀ ਸੀਮਾ ਤੋਂ ਅਮਰੀਕਾ ਵਿਚ ਦਾਖਲ ਕਰਵਾਉਂਦਾ ਸੀ।''
ਬੁਢਾਪੇ ਦੀ ਇਮੇਜ ਦਿਖਾਉਣ ਵਾਲੇ 'ਫੇਸਐਪ' ਦੀ ਅਮਰੀਕਾ ਵੱਲੋਂ ਜਾਂਚ ਦੀ ਮੰਗ
NEXT STORY