ਦਮਿਸ਼ਕ (ਯੂ. ਐਨ. ਆਈ.)- ਪੂਰਬੀ ਸੀਰੀਆ ਵਿਚ ਮੰਗਲਵਾਰ ਨੂੰ ਅਮਰੀਕੀ ਹਵਾਈ ਹਮਲਿਆਂ ਵਿਚ ਈਰਾਨ ਸਮਰਥਿਤ ਮਿਲੀਸ਼ੀਆ ਦੇ ਪੰਜ ਮੈਂਬਰ ਮਾਰੇ ਗਏ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਸੀਰੀਅਨ ਹਿਊਮਨ ਰਾਈਟਸ ਆਬਜ਼ਰਵੇਟਰੀ ਨੇ ਇਹ ਜਾਣਕਾਰੀ ਦਿੱਤੀ। ਬ੍ਰਿਟੇਨ ਸਥਿਤ ਨਿਗਰਾਨੀ ਸਮੂਹ ਨੇ ਕਿਹਾ ਕਿ ਅਮਰੀਕੀ ਲੜਾਕੂ ਜਹਾਜ਼ਾਂ ਨੇ ਦੀਰ ਏਜ਼-ਜ਼ੋਰ ਸੂਬੇ ਦੇ ਅਲ-ਕੁਰੀਆਹ ਮਾਰੂਥਲ 'ਚ ਫੌਜੀ ਕੇਂਦਰਾਂ ਨੂੰ ਨਿਸ਼ਾਨਾ ਬਣਾਇਆ।
ਪੜ੍ਹੋ ਇਹ ਅਹਿਮ ਖ਼ਬਰ- ਅਲਬਾਨੀਜ਼ ਨੇ ਭਾਰਤੀ ਵਿਦਿਆਰਥੀਆਂ ਦੇ ਹਿੱਤਾਂ ਪ੍ਰਤੀ ਜਤਾਈ ਵਚਨਬੱਧਤਾ
ਉਸ ਨੇ ਕਿਹਾ ਕਿ ਹਮਲੇ ਉਦੋਂ ਹੋਏ ਜਦੋਂ ਇਰਾਨ ਪੱਖੀ ਮਿਲੀਸ਼ੀਆ ਦੁਆਰਾ ਦਾਗਿਆ ਗਿਆ ਇੱਕ ਰਾਕੇਟ ਉੱਤਰ-ਪੂਰਬੀ ਸੀਰੀਆ ਦੇ ਅਲ-ਹਸਾਕਾਹ ਸੂਬੇ ਦੇ ਪੇਂਡੂ ਖੇਤਰਾਂ ਵਿੱਚ ਇੱਕ ਅਮਰੀਕੀ ਬੇਸ ਨੇੜੇ ਡਿੱਗਿਆ। ਇਸ ਦੌਰਾਨ ਆਬਜ਼ਰਵੇਟਰੀ ਨੇ ਕਿਹਾ ਕਿ ਦੀਰ ਏਜ਼-ਜ਼ੋਰ ਵਿੱਚ ਅਲ-ਓਮਰ ਤੇਲ ਖੇਤਰ ਦੇ ਬੇਸ ਅੰਦਰ ਇੱਕ ਅਮਰੀਕੀ ਫੌਜੀ ਅੱਡੇ 'ਤੇ ਅਣਪਛਾਤੇ ਸਰੋਤ ਦੇ ਰੁਕ-ਰੁਕ ਕੇ ਧਮਾਕੇ ਸੁਣੇ ਗਏ। ਆਬਜ਼ਰਵੇਟਰੀ ਅਨੁਸਾਰ ਅਮਰੀਕੀ ਲੜਾਕੂ ਜਹਾਜ਼ਾਂ ਨੂੰ ਕਈ ਪਿੰਡਾਂ 'ਤੇ ਉੱਡਦੇ ਹੋਏ ਦੇਖਿਆ ਗਿਆ, ਜੋ ਇਰਾਕੀ ਸਰਹੱਦ ਨੇੜੇ ਦੇਰ ਏਜ਼-ਜ਼ੋਰ ਦੇ ਪੇਂਡੂ ਖੇਤਰਾਂ ਵਿੱਚ ਮਯਾਦੀਨ ਕਸਬੇ ਤੱਕ ਪਹੁੰਚਦਾ ਹੈ। ਕਿਸੇ ਵਾਧੂ ਜਾਨੀ ਨੁਕਸਾਨ ਦੀ ਤੁਰੰਤ ਕੋਈ ਰਿਪੋਰਟ ਨਹੀਂ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਵੈਸਟ ਬੈਂਕ 'ਚ ਇਜ਼ਰਾਈਲੀ ਫੌਜ ਨਾਲ ਝੜਪ 'ਚ ਮਾਰੇ ਗਏ 3 ਫਲਸਤੀਨੀ
NEXT STORY 
