100 ਸਾਲ ਤੋਂ ਨਾ ਕੋਈ ਲੜਾਈ-ਝਗੜਾ, ਨਾ ਕੋਈ FIR ! ਪੂਰੀ ਦੁਨੀਆ ਲਈ ਮਿਸਾਲ ਬਣ ਰਿਹਾ ਇਹ ਪਿੰਡ

Edited By Harpreet Singh,
Updated: 26 Jun, 2026 11:02 AM

ਗੁਰਦਾਸਪੁਰ/ਰਸੂਲਪੁਰ (ਵਿਨੋਦ) : ਪਾਕਿਸਤਾਨ, ਜੋ ਕਿ ਅਕਸਰ ਅੱਤਵਾਦ ਤੇ ਹੋਰ ਕਈ ਗਲਤ ਕਾਰਨਾਂ ਕਰ ਕੇ ਸੁਰਖੀਆਂ 'ਚ ਬਣਿਆ ਰਹਿੰਦਾ ਹੈ, ਉੱਥੇ ਹੀ ਪਾਕਿਸਤਾਨ ਦਾ ਇਕ ਪਿੰਡ ਸੋਸ਼ਲ ਮੀਡੀਆ ’ਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇੱਕ ਅਜਿਹਾ ਦੇਸ਼, ਜੋ ਆਪਣਾ ਜ਼ਿਆਦਾਤਰ ਪੈਸਾ ਅੱਤਵਾਦ ਨੂੰ ਪ੍ਰਮੋਟ ਕਰਨ ਲਈ ਖਰਚ ਕਰਦਾ ਹੈ, ਉੱਥੇ ਹੀ ਇਹ ਪਿੰਡ ਲੋਕਾਂ ਲਈ ਇੱਕ ਉਦਾਹਰਣ ਵਜੋਂ ਉੱਭਰ ਰਿਹਾ ਹੈ। ਅਸੀਂ ਗੱਲ ਕਰ ਰਹੇ ਹਾਂ ਲਹਿੰਦੇ ਪੰਜਾਬ ਦੇ ਰਾਜਨਪੁਰ ਜ਼ਿਲ੍ਹੇ 'ਚ ਪੈਂਦੇ ਰਸੂਲਪੁਰ ਪਿੰਡ ਬਾਰੇ।

ਇਸ ਪਿੰਡ 'ਚ ਪਿਛਲੇ 100 ਸਾਲਾਂ ਤੋਂ ਇੱਕ ਵੀ ਅਪਰਾਧ ਨਹੀਂ ਹੋਇਆ ਹੈ ਤੇ ਨਾ ਹੀ ਕੋਈ ਐੱਫ.ਆਈ.ਆਰ. ਦਰਜ ਕੀਤੀ ਗਈ ਹੈ। ਲੋਕ ਬਿਨਾਂ ਕਿਸੇ ਲੜਾਈ-ਝਗੜੇ ਸ਼ਾਂਤੀਪੂਰਨ ਜੀਵਨ ਬਤੀਤ ਕਰਦੇ ਹਨ। ਰਸੂਲਪੁਰ ਪਿੰਡ ਦੀ ਸਾਖਰਤਾ ਦਰ 100 ਪ੍ਰਤੀਸ਼ਤ ਹੈ, ਕੋਈ ਅਪਰਾਧ ਨਹੀਂ ਹੈ ਅਤੇ ਲੋਕ ਖੁਦ ਪਿੰਡ ਨੂੰ ਬਿਹਤਰ ਬਣਾਉਣ ਲਈ ਸਖ਼ਤ ਮਿਹਨਤ ਕਰਦੇ ਹਨ। ਇਹ ਪਿੰਡ ਦੁਨੀਆ ਲਈ ਇੱਕ ਉਦਾਹਰਣ ਬਣ ਰਿਹਾ ਹੈ।

ਕੀ ਹੈ ਪਿੰਡ ਦਾ ਇਤਿਹਾਸ ?
ਰਸੂਲਪੁਰ ਪਿੰਡ 1933 'ਚ ਵਸਾਇਆ ਗਿਆ ਸੀ। ਅੱਜ ਇਸ ਦੀ ਆਬਾਦੀ ਲਗਭਗ 2,000 ਹੈ। ਇਸ ਛੋਟੇ ਜਿਹੇ ਪਿੰਡ ਦੀਆਂ ਪ੍ਰਾਪਤੀਆਂ ਵੱਡੇ ਸ਼ਹਿਰਾਂ ਲਈ ਵੀ ਇੱਕ ਉਦਾਹਰਣ ਹਨ। ਪਿਛਲੀ ਸਦੀ ਤੋਂ, ਇੱਥੇ ਇੱਕ ਵੀ ਐੱਫ.ਆਈ.ਆਰ. ਦਰਜ ਨਹੀਂ ਕੀਤੀ ਗਈ ਹੈ। ਕੋਈ ਚੋਰੀ, ਡਕੈਤੀ, ਲੜਾਈ-ਝਗੜੇ ਜਾਂ ਕੋਈ ਹੋਰ ਅਪਰਾਧ ਨਹੀਂ ਹੋਇਆ ਹੈ। ਪਿੰਡ ਵਿੱਚ ਮੁੰਡਿਆਂ ਅਤੇ ਕੁੜੀਆਂ ਦੋਵਾਂ ਲਈ ਵੱਖਰੇ ਹਾਈ ਸਕੂਲ ਹਨ। ਹਰ ਬੱਚਾ ਸਕੂਲ ਜਾਂਦਾ ਹੈ।

ਪਿੰਡ ਵਾਸੀ ਮੰਨਦੇ ਹਨ ਕਿ ਸਿੱਖਿਆ ਤਰੱਕੀ ਦੀ ਕੁੰਜੀ ਹੈ। ਇਹੀ ਕਾਰਨ ਹੈ ਕਿ ਅੱਜ ਪੂਰਾ ਪਿੰਡ ਪੜ੍ਹਿਆ-ਲਿਖਿਆ ਹੈ। ਔਰਤਾਂ ਵੀ ਸਿੱਖਿਅਤ ਹਨ ਅਤੇ ਆਪਣੇ ਘਰਾਂ ਅਤੇ ਪਰਿਵਾਰਾਂ ਨੂੰ ਸੰਭਾਲਣ ਦੇ ਨਾਲ-ਨਾਲ ਸਮਾਜਿਕ ਜ਼ਿੰਮੇਵਾਰੀਆਂ ਵੀ ਨਿਭਾਉਂਦੀਆਂ ਹਨ। ਰਸੂਲਪੁਰ ਦੇ ਲੋਕ ਸਰਕਾਰੀ ਮਦਦ ਦੀ ਉਡੀਕ ਨਹੀਂ ਕਰਦੇ, ਸਗੋਂ ਪਿੰਡ ਦੇ ਕੰਮ ਉਹ ਕਰਦੇ ਹਨ। ਪਿੰਡ ਨੂੰ ਸਾਫ਼ ਰੱਖਣਾ, ਸੜਕਾਂ ਬਣਾਉਣਾ, ਸਕੂਲ ਚਲਾਉਣਾ ਆਦਿ, ਸਭ ਕੁਝ ਸਮੂਹਿਕ ਯਤਨਾਂ ਨਾਲ ਕੀਤਾ ਜਾਂਦਾ ਹੈ।

PunjabKesari

ਇਹ ਵੀ ਪੜ੍ਹੋ- ਲੱਗ ਗਈ ਐਮਰਜੈਂਸੀ ! ਸਕੂਲ-ਕਾਲਜ ਸਭ ਬੰਦ, ਭੂਚਾਲ ਦੀ ਤਬਾਹੀ ਮਗਰੋਂ ਰਾਸ਼ਟਰਪਤੀ ਡੈਲਸੀ ਨੇ ਕਰ'ਤਾ ਐਲਾਨ

ਇੱਥੇ ਕੋਈ ਵੀ ਆਲਸੀ ਨਹੀਂ ਹੈ; ਹਰ ਕੋਈ ਕਰਦੈ ਸਖ਼ਤ ਮਿਹਨਤ
ਪਿੰਡ ਵਾਸੀ ਖੇਤੀ, ਪਸ਼ੂ ਪਾਲਣ ਅਤੇ ਛੋਟੇ ਕਾਰੋਬਾਰਾਂ ਰਾਹੀਂ ਆਪਣਾ ਗੁਜ਼ਾਰਾ ਕਰਦੇ ਹਨ। ਇਸ ਤੋਂ ਇਲਾਵਾ ਪੂਰੇ ਪਿੰਡ ਵਿੱਚ ਸਿਗਰਟ ਅਤੇ ਤੰਬਾਕੂ ਉਤਪਾਦਾਂ ਦੀ ਵਿਕਰੀ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਹੈ। ਪਿੰਡ ਵਿੱਚ ਕੋਈ ਵੀ ਸਿਗਰਟ ਨਹੀਂ ਪੀਂਦਾ। ਇਹ ਨਿਯਮ ਇੰਨਾ ਸਖ਼ਤੀ ਨਾਲ ਲਾਗੂ ਕੀਤਾ ਗਿਆ ਹੈ ਕਿ ਬਾਹਰੋਂ ਆਉਣ ਵਾਲੇ ਸੈਲਾਨੀਆਂ ਨੂੰ ਵੀ ਇਸ ਦੀ ਪਾਲਣਾ ਕਰਨੀ ਪੈਂਦੀ ਹੈ। ਇੱਥੇ ਲੋਕਾਂ ਵਿੱਚ ਸਫਾਈ ਅਤੇ ਸਿਹਤ ਪ੍ਰਤੀ ਜਾਗਰੂਕਤਾ ਬਹੁਤ ਜ਼ਿਆਦਾ ਹੈ।

ਪਿੰਡ ਦੇ ਲੋਕ ਸਦਭਾਵਨਾ ਨਾਲ ਰਹਿੰਦੇ ਹਨ। ਮਾਮੂਲੀ ਗੱਲਾਂ ’ਤੇ ਕੋਈ ਲੜਾਈ ਨਹੀਂ ਹੁੰਦੀ। ਬਜ਼ੁਰਗਾਂ ਦਾ ਸਤਿਕਾਰ ਕੀਤਾ ਜਾਂਦਾ ਹੈ ਅਤੇ ਉਨ੍ਹਾਂ ਦੀ ਸਲਾਹ ਦੇ ਆਧਾਰ ’ਤੇ ਫੈਸਲੇ ਲਏ ਜਾਂਦੇ ਹਨ। ਇਸ ਲਈ ਪੁਲਸ ਨੂੰ ਕਦੇ ਵੀ ਇੱਥੇ ਆਉਣ ਦੀ ਲੋੜ ਨਹੀਂ ਪੈਂਦੀ।

PunjabKesari