ਨਵੀਂ ਦਿੱਲੀ: ਗਣਤੰਤਰ ਦਿਵਸ ਦੇ ਮੌਕੇ ’ਤੇ ਤੁਸੀਂ ਤਿਰੰਗਾ ਝੰਡੇ ਦੇ ਰੰਗਾਂ ਦੀ ਤਰ੍ਹਾਂ ਤਿਆਰ ਕੀਤੇ ਪੁਲਾਓ ਬਣਾ ਸਕਦੇ ਹੋ। ਖਾਣ ’ਚ ਸੁਆਦ ਹੋਣ ਦੇ ਨਾਲ-ਨਾਲ ਇਹ ਸਿਹਤ ਲਈ ਵੀ ਪੌਸ਼ਟਿਕ ਹੁੰਦੇ ਹਨ। ਚੱਲੋ ਤੁਹਾਨੂੰ ਦੱਸਦੇ ਹਾਂ ਤਿਰੰਗਾ ਪੁਲਾਓ ਬਣਾਉਣ ਦੀ ਰੈਸਿਪੀ...
ਸਮੱਗਰੀ
ਚੌਲ-1, 1/2 ਕੱਪ
ਘਿਓ-4 ਟੇਬਲ ਸਪੂਨ
ਮਟਰ-1 ਕੱਪ
ਪਿਆਜ਼-1 (ਕੱਟਿਆ ਹੋਇਆ)
ਕੜੀ ਪਾਊਡਰ-1/2 ਟੀਸਪੂਨ
ਜੀਰਾ-1 ਟੀਸਪੂਨ
ਪਾਲਕ-3 ਕੱਪ
ਹਰੀ ਮਿਰਚ-3 (ਕੱਟੀ ਹੋਈ)
ਕੇਸਰ-1/4 ਟੀਸਪੂਨ
ਲੂਣ ਲੋੜ ਅਨੁਸਾਰ
ਬਣਾਉਣ ਦੀ ਵਿਧੀ
1. ਸਭ ਤੋਂ ਪਹਿਲਾਂ ਕੁੱਕਰ ’ਚ ਪਾਣੀ ਅਤੇ ਚੌਲ ਹੌਲੀ ਅੱਗ ’ਤੇ ਪਕਾ ਲਓ।
2. ਪੈਨ ’ਚ ਘਿਓ ਗਰਮ ਕਰਕੇ ਜੀਰਾ ਭੁੰਨੋ ਲਓ। ਇਸ ਦੇ ਬਾਅਦ ਇਸ ’ਚ ਚੌਲ, ਲੂਣ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ।
3. ਦੂਜੇ ਪੈਨ ’ਚ ਪਾਣੀ ਅਤੇ ਪਾਲਕ ਪਾ ਕੇ ਉਬਾਲੋ। ਹੁਣ ਇਸ ’ਚ ਪੱਕੇ ਹੋਏ ਚੌਲਾਂ ਨੂੰ 1/3 ਹਿੱਸਾ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਪੈਨ ’ਚ 1 ਚਮਚਾ ਘਿਓ ਗਰਮ ਕਰਕੇ ਪਿਆਜ਼ ਨੂੰ ਭੂਰੇ ਫਰਾਈ ਕਰੋ ਅਤੇ ਉਸ ’ਚ ਪਾਲਕ ਵਾਲੇ ਚੌਲ, ਮਟਰ, ਹਰੀ ਮਿਰਚ ਅਤੇ ਲੂਣ ਪਾ ਕੇ ਪਕਾਓ।
4. ਇਕ ਭਾਂਡੇ ’ਚ ਬਚੇ ਹੋਏ ਘਿਓ ਨੂੰ ਗਰਮ ਕਰਕੇ ਜੀਰਾ ਭੁੰਨੋ। ਹੁਣ ਇਸ ’ਚ ਪਾਣੀ ਪਾ ਕੇ ਕੇਸਰ ਮਿਲਾਓ। ਜਦੋਂ ਪਾਣੀ ਹਲਕਾ ਪੀਲਾ ਹੋ ਜਾਵੇ ਤਾਂ ਇਸ ’ਚ ਤੀਜਾ ਹਿੱਸਾ ਚੌਲ ਮਿਲਾ ਲਓ। ਇਸ ਦੇ ਉਪਰ ਕੜ੍ਹੀ ਪਾਊਡਰ ਅਤੇ ਲੂਣ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਨੂੰ ਕਵਰ ਕਰਕੇ ਕੁਝ ਮਿੰਟ ਤੱਕ ਉਬਾਲੋ।
5. ਇਕ ਪਲੇਟ ਨੂੰ ਗਰੀਸਿੰਗ ਕਰਕੇ ਸੰਤਰੀ, ਸਫੈਦ ਅਤੇ ਹਰੇ ਰੰਗ ਦੇ ਚੌਲਾਂ ਦੀ ਲਾਈਨ ਰੱਖੋ।
6. ਲਓ ਜੀ ਤੁਹਾਡਾ ਪੁਲਾਓ ਬਣ ਕੇ ਤਿਆਰ ਹੈ। ਹੁਣ ਇਸ ਨੂੰ ਦਹੀਂ ਜਾਂ ਆਪਣੀ ਪਸੰਦੀਦਾ ਦਾਲ ਜਾਂ ਸਬਜ਼ੀ ਨਾਲ ਗਰਮ-ਗਰਮ ਖਾਓ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
ਸਰਦੀ ਦੇ ਮੌਸਮ ’ਚ ਰੋਜ਼ਾਨਾ ਪੀਓ ‘ਸੰਤਰੇ ਦਾ ਜੂਸ’,ਚਿਹਰੇ ’ਤੇ ਨਿਖ਼ਾਰ ਆਉਣ ਦੇ ਨਾਲ-ਨਾਲ ਹੋਣਗੇ ਹੋਰ ਵੀ ਫ਼ਾਇਦੇ
NEXT STORY 
