ਵੈੱਬ ਡੈਸਕ- ਔਰਤਾਂ ਅਤੇ ਮੁਟਿਆਰਾਂ ਆਪਣੀ ਲੁੱਕ ਨੂੰ ਸੁੰਦਰ ਅਤੇ ਸਟਾਈਲਿਸ਼ ਬਣਾਉਣ ਲਈ ਡਿਜ਼ਾਈਨਰ ਡਰੈੱਸ, ਹੇਅਰ ਸਟਾਈਲ, ਮੇਕਅੱਪ ਅਤੇ ਅਸੈਸਰੀਜ਼ ਦੇ ਨਾਲ-ਨਾਲ ਫੁੱਟਵੀਅਰ ’ਤੇ ਵੀ ਖਾਸ ਧਿਆਨ ਦਿੰਦੀਆਂ ਹਨ। ਸੁੰਦਰ ਫੁੱਟਵੀਅਰ ਨਾ ਸਿਰਫ ਡਰੈੱਸ ਦੀ ਲੁੱਕ ਨੂੰ ਕੰਪਲੀਟ ਕਰਦੇ ਹਨ, ਸਗੋਂ ਆਤਮਵਿਸ਼ਵਾਸ ਵੀ ਵਧਾਉਂਦੇ ਹਨ। ਫੁੱਟਵੀਅਰ ’ਚ ਕੁਝ ਸ਼ੂਜ਼ ਅਜਿਹੇ ਹੁੰਦੇ ਹਨ, ਜੋ ਸਿਰਫ ਇੰਡੀਅਨ ਡਰੈੱਸ ਦੇ ਨਾਲ ਸਟਾਈਲ ਕੀਤੇ ਜਾ ਸਕਦੇ ਹਨ ਤਾਂ ਕੁਝ ਵੈਸਟਰਨ ਵੀਅਰ ਦੇ ਨਾਲ। ਜਿਵੇਂ ਲੌਂਗ ਸ਼ੂਜ਼ ਵੈਸਟਰਨ ਵੀਅਰ ਦੇ ਨਾਲ ਸੁੰਦਰ ਲੱਗਦੇ ਹਨ, ਉੱਥੇ ਹੀ ਇੰਡੀਅਨ ਵੀਅਰ ’ਚ ਮੁਟਿਆਰਾਂ ਕੋਲ ਕਈ ਆਪਸ਼ਨਜ਼ ਹਨ। ਇਸ ’ਚ ਪੰਜਾਬੀ ਜੁੱਤੀ ਹਮੇਸ਼ਾ ਤੋਂ ਹੀ ਔਰਤਾਂ ਅਤੇ ਮੁਟਿਆਰਾਂ ਦੀ ਪਹਿਲੀ ਪਸੰਦ ਰਹੀ ਹੈ।
ਖਾਸ ਕਰ ਕੇ ਸੂਟ ਦੇ ਨਾਲ ਪੰਜਾਬੀ ਜੁੱਤੀ ਦਾ ਟ੍ਰੈਂਡ ਸਭ ਤੋਂ ਜ਼ਿਆਦਾ ਹੈ। ਪੰਜਾਬੀ ਜੁੱਤੀ ਨੂੰ ਮੋਜੜੀ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਬਾਜ਼ਾਰ ’ਚ ਪੰਜਾਬੀ ਜੁੱਤੀਆਂ ਦੇ ਕਈ ਤਰ੍ਹਾਂ ਦੇ ਡਿਜ਼ਾਈਨ ਉਪਲਬਧ ਹਨ, ਜਿਵੇਂ ਫੁੱਲਕਾਰੀ ਵਾਲੀ ਜੁੱਤੀ, ਕਢਾਈ ਵਾਲੀ ਜੁੱਤੀ, ਮਿਰਰ ਵਰਕ ਵਾਲੀ ਜੁੱਤੀ, ਗੋਟਾ ਪੱਟੀ ਵਾਲੀ ਜੁੱਤੀ, ਸਟੋਨ ਵਰਕ ਵਾਲੀ ਜੁੱਤੀ, ਨਾਗਰਾ ਸਟਾਈਲ ਜੁੱਤੀ ਅਤੇ ਮਲਟੀ ਕਲਰ ਐਂਬ੍ਰਾਇਡਰੀ ਵਾਲੀ ਜੁੱਤੀ। ਇਨ੍ਹਾਂ ’ਚ ਵ੍ਹਾਈਟ, ਪਿੰਕ, ਬਲੈਕ, ਗੋਲਡਨ, ਸਿਲਵਰ ਅਤੇ ਮਲਟੀਕਲਰ ਵਰਗੇ ਕਈ ਕਲਰ ਆਪਸ਼ਨਜ਼ ਮਿਲ ਜਾਂਦੇ ਹਨ।
ਆਪਣੇ ਕਲਰ ਆਪਸ਼ਨ ਕਾਰਨ ਔਰਤਾਂ ਆਸਾਨੀ ਨਾਲ ਆਪਣੇ ਸੂਟ, ਲਹਿੰਗਾ-ਚੋਲੀ, ਸ਼ਰਾਰਾ ਤੇ ਗਰਾਰਾ ਦੇ ਨਾਲ ਮੈਚ ਕਰ ਕੇ ਜੁੱਤੀ ਸਟਾਈਲ ਕਰਦੀਆਂ ਹਨ। ਹੁਣ ਸਿਰਫ ਸੂਟ ਹੀ ਨਹੀਂ, ਸਗੋਂ ਲਹਿੰਗਾ-ਚੋਲੀ ਅਤੇ ਲਹਿੰਗੇ ਦੇ ਨਾਲ ਵੀ ਪੰਜਾਬੀ ਜੁੱਤੀ ਨੂੰ ਬੜੇ ਸ਼ੌਕ ਨਾਲ ਪਹਿਨਿਆ ਜਾ ਰਿਹਾ ਹੈ। ਪਿੰਡ ਤੋਂ ਲੈ ਕੇ ਵੱਡੇ ਸ਼ਹਿਰਾਂ ਤੱਕ ਇਸ ਨੂੰ ਸੂਟ ਦੇ ਨਾਲ ਹੀ ਨਹੀਂ, ਸਗੋਂ ਲੌਂਗ ਸ਼ਰਟ ਅਤੇ ਜੀਨਸ ਦੇ ਨਾਲ ਵੀ ਸਟਾਈਲ ਕੀਤਾ ਜਾ ਰਿਹਾ ਹੈ। ਪੰਜਾਬੀ ਜੁੱਤੀ ਪਹਿਨਣ ’ਚ ਕਾਫੀ ਕੰਫਰਟੇਬਲ ਰਹਿੰਦੀ ਹੈ। ਇਹ ਪੈਰਾਂ ਨੂੰ ਕਵਰ ਕਰਦੀ ਹੈ, ਧੁੱਪ ਤੋਂ ਬਚਾਉਂਦੀ ਹੈ ਅਤੇ ਚੱਲਣ ’ਚ ਵੀ ਆਰਾਮਦਾਇਕ ਹੈ, ਨਾਲ ਹੀ ਇਸ ਦਾ ਫੈਸ਼ਨ ਕਦੇ ਵੀ ਆਊਟਡੇਟਿਡ ਨਹੀਂ ਹੁੰਦਾ, ਇਸ ਲਈ ਮੁਟਿਆਰਾਂ ਇਸ ਨੂੰ ਕਿਸੇ ਵੀ ਮੌਕੇ ’ਤੇ ਸਟਾਈਲ ਕਰ ਸਕਦੀਆਂ ਹਨ।
ਫੈਸ਼ਨ ਡਿਜ਼ਾਈਨਰ ਦੇ ਅਨੁਸਾਰ ਪੰਜਾਬੀ ਜੁੱਤੀ ਟਰੈਡੀਸ਼ਨਲ ਲੁੱਕ ਨੂੰ ਪੂਰਾ ਕਰਦੀ ਹੈ। ਸੂਟ ਹੋਵੇ ਜਾਂ ਲਹਿੰਗਾ-ਚੋਲੀ, ਪੰਜਾਬੀ ਜੁੱਤੀ ਪਹਿਨਣ ਨਾਲ ਪੂਰੀ ਲੁੱਕ ’ਚ ਦੇਸੀ ਅਤੇ ਰਾਇਲ ਟੱਚ ਆ ਜਾਂਦਾ ਹੈ। ਹੀਲਜ਼ ਦੇ ਮੁਕਾਬਲੇ ਪੰਜਾਬੀ ਜੁੱਤੀ ਪਹਿਨ ਕੇ ਮੁਟਿਆਰਾਂ ਮੰਗਣੀ, ਸੰਗੀਤ ਅਤੇ ਮਹਿੰਦੀ ਵਰਗੇ ਫੰਕਸ਼ਨਾਂ ’ਚ ਪੰਜਾਬੀ ਅਤੇ ਬਾਲੀਵੁੱਡ ਗਾਣਿਆਂ ’ਤੇ ਆਸਾਨੀ ਨਾਲ ਡਾਂਸ ਵੀ ਕਰ ਲੈਂਦੀਆਂ ਹਨ, ਇਸ ਲਈ ਇਸ ਦੀ ਡਿਮਾਂਡ ਹਮੇਸ਼ਾ ਬਣੀ ਰਹਿੰਦੀ ਹੈ। ਉੱਥੇ ਹੀ ਪੰਜਾਬੀ ਜੁੱਤੀ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਹ ਛੇਤੀ ਖਰਾਬ ਨਹੀਂ ਹੁੰਦੀ ਅਤੇ ਲੰਬੇ ਸਮੇਂ ਤੱਕ ਚੱਲਦੀ ਹੈ। ਇਹੋ ਕਾਰਨ ਹੈ ਕਿ ਅੱਜ ਹਰ ਔਰਤ ਦੀ ਵਾਰਡਰੋਬ ’ਚ 2 ਤੋਂ 3 ਪੰਜਾਬੀ ਜੁੱਤੀਆਂ ਦੇ ਜੋੜੇ ਜ਼ਰੂਰ ਦੇਖੇ ਜਾ ਸਕਦੇ ਹਨ। ਪੰਜਾਬੀ ਜੁੱਤੀ ਨੂੰ ਸਭ ਤੋਂ ਜ਼ਿਆਦਾ ਹੰਢਣਸਾਰ ਅਤੇ ਸਟਾਈਲਿਸ਼ ਮੰਨਿਆ ਜਾਂਦਾ ਹੈ।
ਹਾਰਟ ਅਟੈਕ ਤੋਂ ਪਹਿਲਾਂ ਸਰੀਰ ਦਿੰਦੈ ਇਹ ਸੰਕੇਤ ! ਮਾਮੂਲੀ 'Acidity' ਨੂੰ ਵੀ ਨਾ ਕਰੋ ਇਗਨੋਰ
NEXT STORY 
