ਵੈੱਬ ਡੈਸਕ- ਜੇਕਰ ਤੁਸੀਂ ਕੁਝ ਸਵਾਦਿਸ਼ਟ, ਹੈਲਦੀ ਤੇ ਕ੍ਰਿਸਪੀ ਸਨੈਕਸ ਦੀ ਤਲਾਸ਼ 'ਚ ਹੋ ਤਾਂ ਇਹ ਕ੍ਰਿਸਪੀ ਰੋਟੀ ਸੈਂਡਵਿਚ ਤੁਹਾਡੇ ਲਈ ਪਰਫੈਕਟ ਹੈ। ਇਸ 'ਚ ਉਬਲੇ ਹੋਏ ਰਾਜਮਾ ਅਤੇ ਲੋਅ ਫੈਟ ਪਨੀਰ ਦੀ ਟਿੱਕੀ ਨਾਲ ਤਾਜ਼ਾ ਟਮਾਟਰ, ਮਾਈਕ੍ਰੋਗ੍ਰੀਨ ਅਤੇ ਮੋਜ਼ੇਰੇਲਾ ਚੀਜ਼ ਦਾ ਕਾਮਬਿਨੇਸ਼ਨ ਇਸ ਨੂੰ ਸਵਾਦ ਅਤੇ ਖਾਣੇ 'ਚ ਹਲਕਾ ਬਣਾਉਂਦਾ ਹੈ। ਇਹ ਨਾ ਸਿਰਫ਼ ਟੇਸਟੀ ਸਗੋਂ ਸਾਤਵਿਕ ਅਤੇ ਹੈਲਦੀ ਵੀ ਹੈ।
Servings - 5
ਸਮੱਗਰੀ
- ਉਬਲੇ ਹੋਏ ਲਾਲ ਰਾਜਮਾ - 400 ਗ੍ਰਾਮ
- ਲੋਅ ਫੈਟ ਪਨੀਰ - 120 ਗ੍ਰਾਮ
- ਲਸਣ - 1 ਚਮਚ
- ਅਦਰਕ - 1 ਚਮਚ
- ਹਰੀ ਮਿਰਚ - 1 ਚਮਚ
- ਪਿਆਜ਼ - 50 ਗ੍ਰਾਮ
- ਲੂਣ - 1/4 ਚਮਚ
- ਲਾਲ ਮਿਰਚ ਪਾਊਡਰ - 1 ਚਮਚ
- ਜੀਰਾ ਪਾਊਡਰ - 1 ਚਮਚ
- ਚਾਟ ਮਸਾਲਾ - 1 ਚਮਚ
- ਹਰਾ ਧਨੀਆ - 2 ਚਮਚ
- ਤੇਲ - 1 ਚਮਚ
- ਰੋਟੀ - 5
- ਹਰੀ ਚਟਣੀ - 50 ਗ੍ਰਾਮ
- ਟਮਾਟਰ ਦੇ ਟੁਕੜੇ - 70 ਗ੍ਰਾਮ
- ਮਾਈਕ੍ਰੋਗ੍ਰੀਨਜ - 2 ਚਮਚ
- ਮੋਜ਼ੇਰੇਲਾ ਚੀਜ਼- 40 ਗ੍ਰਾਮ
- ਪੈਨ ਨੂੰ ਗਰੀਸ ਕਰਨ ਲਈ ਤੇਲ
ਵਿਧੀ
1- ਇਕ ਭਾਂਡੇ 'ਚ 400 ਗ੍ਰਾਮ ਉਬਲੇ ਹੋਏ ਰਾਜਮਾ ਪਾਓ ਅਤੇ ਮੈਸ਼ ਕਰੋ।
2- ਇਸ 'ਚ 120 ਗ੍ਰਾਮ ਲੋਅ ਫੈਟ ਪਨੀਰ, 1 ਚਮਚ ਲਸਣ, 1 ਚਮਚ ਅਦਰਕ, 1 ਚਮਚ ਹਰੀ ਮਿਰਚ, 50 ਗ੍ਰਾਮ ਪਿਆਜ਼, 1/4 ਚਮਚ ਲੂਣ, 1 ਚਮਚ ਲਾਲ ਮਿਰਚ ਪਾਊਡਰ, 1 ਚਮਚ ਜੀਰਾ ਪਾਊਡਰ, 1 ਚਮਚ ਚਾਟ ਮਸਾਲਾ ਅਤੇ 2 ਵੱਡੇ ਚਮਚ ਹਰਾ ਧਨੀਆ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।
3- ਮਿਸ਼ਰਨ ਦਾ ਇਕ ਹਿੱਸਾ ਲੈ ਕੇ ਟਿੱਕੀ (ਪੈਟੀ) ਦਾ ਆਕਾਰ ਦਿਓ।
4- ਮੱਧਮ ਸੇਕ 'ਤੇ ਗ੍ਰੀਸ ਕੀਤਾ ਹੋਇਆ ਪੈਨ ਗਰਮ ਕਰੋ। ਟਿੱਕੀ ਨੂੰ ਪੈਨ 'ਚ ਰੱਖੋ ਅਤੇ 3-4 ਮਿੰਟ ਪਕਾਓ। ਫਿਰ ਪਲਟੋ ਅਤੇ ਦੋਵੇਂ ਪਾਸੇ ਸੁਨਹਿਰਾ ਅਤੇ ਕ੍ਰਿਸਪੀ ਹੋਣ ਤੱਕ ਪਕਾਓ। ਪਕਾਉਣ ਤੋਂ ਬਾਅਦ ਇਸ ਨੂੰ ਕਾਗਜ਼ 'ਤੇ ਕੱਢੋ।
5- ਇਕ ਰੋਟੀ ਲਵੋ ਅਤੇ ਉਸ 'ਤੇ ਹਰੀ ਚਟਨੀ ਸਮਾਨ ਰੂਪ ਨਾਲ ਫੈਲਾਓ। ਵਿਚ ਟਿੱਕੀ ਰੱਖੋ। ਉੱਪਰੋਂ ਟਮਾਟਰ ਸਲਾਈਸ, ਮਾਈਕ੍ਰੋਗ੍ਰੀਨ ਅਤੇ ਮੋਜ਼ੇਰੇਲਾ ਚੀਜ਼ ਪਾਓ।
6- ਰੋਟੀ ਨੂੰ ਹੌਲੀ-ਹੌਲੀ ਮੋੜ ਕੇ ਸੈਂਡਵਿਚ ਦਾ ਆਕਾਰ ਦਿਓ।
7- ਗ੍ਰੀਸ ਕੀਤੇ ਹੋਏ ਪੈਨ 'ਚ ਸੈਂਡਵਿਚ ਰੱਖਓ ਅਤੇ ਹਰ ਪਾਸੇ 2-3 ਮਿੰਟ ਜਾਂ ਸੁਨਹਿਰਾ ਅਤੇ ਕ੍ਰਿਸਪੀ ਹੋਣ ਤੱਕ ਪਕਾਓ।
8- ਪੈਨ ਤੋਂ ਕੱਢ ਕੇ ਕੱਟ ਕੇ ਸਰਵ ਕਰੋ।
9- ਗਰਮਾ-ਗਰਮ ਕ੍ਰਿਸਪੀ ਰੋਟੀ ਸੈਂਡਵਿਚ ਤਿਆਰ ਹੈ।
ਨੋਟ: ਅਜਿਹੀਆਂ ਹੀ ਨਵੀਆਂ-ਨਵੀਆਂ ਅਤੇ ਟੇਸਟੀ ਰੈਸਿਪੀ ਲਈ ਸਾਡੇ Yum Recipes APP ਨੂੰ ਡਾਊਨਲੋਡ ਕਰੋ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮਾਨਸੂਨ 'ਚ ਪੈਰਾਂ ਦਾ ਰੱਖੋ ਖ਼ਾਸ ਧਿਆਨ, ਫੰਗਲ ਇਨਫੈਕਸ਼ਨ ਤੋਂ ਬਚਣ ਲਈ ਅਪਣਾਓ ਇਹ ਨੁਸਖੇ
NEXT STORY 
