ਵੈੱਬ ਡੈਸਕ- ਗਰਮੀ ਹੋਵੇ ਜਾਂ ਹਲਕੀ ਭੁੱਖ, ਹਲਕਾ ਅਤੇ ਹੈਲਦੀ ਸਨੈਕ ਹਮੇਸ਼ਾ ਚੰਗਾ ਲੱਗਦਾ ਹੈ। ਕੁਕੰਬਰ ਬੋਟ ਸਲਾਦ ਸਵਾਦ ਅਤੇ ਪੌਸ਼ਣ ਦਾ ਵੀ ਭਰਪੂਰ ਖਜ਼ਾਨਾ ਹੈ। ਇਸ 'ਚ ਖੀਰਾ, ਸਬਜ਼ੀਆਂ, ਸਵੀਟ ਕੋਰਨ ਅਤੇ ਮੂੰਗਫਲੀ ਮਿਲਾ ਕੇ ਤਿਆਰ ਕੀਤਾ ਜਾਂਦਾ ਹੈ, ਜੋ ਇਸ ਨੂੰ ਕਰੰਚੀ, ਟੇਸਟੀ ਅਤੇ ਭਰਪੂਰ ਵਿਟਾਮਿਨਜ਼ ਨਾਲ ਭਰਪੂਰ ਬਣਾਉਂਦਾ ਹੈ। ਨਿੰਬੂ ਅਤੇ ਮਸਾਲਿਆਂ ਦਾ ਹਲਕਾ ਤੜਕਾ ਇਸ ਨੂੰ ਸਵਾਦ 'ਚ ਹੋਰ ਵੀ ਮਜ਼ੇਦਾਰ ਬਣਾ ਦਿੰਦਾ ਹੈ।
Servings - 2
ਸਮੱਗਰੀ
ਖੀਰਾ- 2 ਪੀਸ
ਪਿਆਜ਼- 50 ਗ੍ਰਾਮ
ਸ਼ਿਮਲਾ ਮਿਰਚ- 30 ਗ੍ਰਾਮ
ਟਮਾਟਰ- 30 ਗ੍ਰਾਮ
ਸਵੀਟ ਕੋਰਨ- 25 ਗ੍ਰਾਮ
ਮੂੰਗਫਲੀ- 20 ਗ੍ਰਾਮ
ਹਰੀ ਮਿਰਚ- 15 ਗ੍ਰਾਮ
ਹਰਾ ਧਨੀਆ- 10 ਗ੍ਰਾਮ
ਲੂਣ- 1/2 ਚਮਚ
ਕਾਲੀ ਮਿਰਚ- 1/2 ਚਮਚ
ਚਾਟ ਮਸਾਲਾ- 1 ਚਮਚ
ਲਾਲ ਮਿਰਚ ਪਾਊਡਰ- 1/2 ਚਮਚ
ਨਿੰਬੂ ਦਾ ਰਸ- 1 ਚਮਚ
ਕੈਚੱਪ- 1 ਚਮਚ
ਸੇਵ (ਸਜਾਵਟ ਲਈ, ਵਿਕਲਪਿਕ)
ਵਿਧੀ
1- ਖੀਰੇ ਨੂੰ ਛਿਲ ਕੇ ਲੰਬਾਈ 'ਚ ਅੱਧਾ ਕੱਟ ਲਵੋ। ਚਮਚ ਦੀ ਮਦਦ ਨਾਲ ਗੁੱਦਾ ਕੱਢ ਕੇ ਖੀਰੇ ਨੂੰ ਕਿਸ਼ਤੀ ਵਰਗਾ ਆਕਾਰ ਦਿਓ।
2- ਕੱਢਿਆ ਹੋਇਆ ਖੀਰੇ ਦਾ ਗੁੱਦਾ ਇਕ ਬਾਊਲ 'ਚ ਪਾਓ। ਇਸ 'ਚ ਪਿਆਜ਼, ਸ਼ਿਮਲਾ ਮਿਰਚ, ਟਮਾਟਰ, ਸਵੀਟ ਕੋਰਨ, ਮੂੰਗਫਲੀ, ਹਰੀ ਮਿਰਚ, ਹਰਾ ਧਨੀਆ, ਲੂਣ, ਕਾਲੀ ਮਿਰਚ, ਚਾਟ ਮਸਾਲਾ, ਲਾਲ ਮਿਰਚ ਪਾਊਡਰ, ਨਿੰਬੂ ਦਾ ਰਸ ਅਤੇ ਕੈਚੱਪ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ।
3- ਤਿਆਰ ਮਿਸ਼ਰਨ ਨੂੰ ਖੀਰੇ ਦੀਆਂ ਕਿਸ਼ਤੀਆਂ 'ਚ ਭਰੋ। ਉੱਪਰੋਂ ਚਾਹੋ ਤਾਂ ਸੇਵ ਪਾ ਕੇ ਸਜਾਓ।
4- ਇਕ ਪਤਲੀ ਖੀਰੇ ਦੀ ਸਲਾਈਸ ਲਵੋ, ਉਸ ਨੂੰ ਅੱਧਾ ਮੋੜ ਕੇ ਟੁੱਥਪਿਕ ਨਾਲ ਤਰੀਕੇ ਨਾਲ ਟਿਕ ਕਰੋ। ਇਸ ਦੇ ਉੱਪਰ ਟਮਾਟਰ ਦਾ ਛੋਟਾ ਟੁਕੜਾ ਰੱਖੋ।
5- ਇਸ ਨੂੰ ਤਿਆਰ ਸਲਾਦ 'ਤੇ ਪ੍ਰਿਕ ਕਰੋ ਤਾਂ ਕਿ ਇਹ ਕਿਸ਼ਤੀ ਦੇ ਆਕਾਰ ਦਾ ਲੱਗੇ।
6- ਤੁਰੰਤ ਪਰੋਸੋ ਅਤੇ ਤਾਜ਼ਗੀ ਦਾ ਆਨੰਦ ਲਵੋ।
ਨੋਟ: ਅਜਿਹੀਆਂ ਹੀ ਨਵੀਆਂ-ਨਵੀਆਂ ਅਤੇ ਟੇਸਟੀ ਰੈਸਿਪੀ ਲਈ ਸਾਡੇ Yum Recipes APP ਨੂੰ ਡਾਊਨਲੋਡ ਕਰੋ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁਟਿਆਰਾਂ ਨੂੰ ਮਾਡਰਨ ਲੁਕ ਦੇ ਰਹੇ ਹਨ ਕੰਟ੍ਰਾਸਟ ਲਹਿੰਗਾ-ਚੋਲੀ
NEXT STORY 
