ਵੈੱਬ ਡੈਸਕ - ਪੰਜਾਬੀ ਰਸੋਈ 'ਚ ਜੇਕਰ ਦਾਲ-ਸਬਜ਼ੀ ਦੇ ਨਾਲ ਚਟਣੀ ਨਾ ਹੋਵੇ, ਤਾਂ ਖਾਣਾ ਅਧੂਰਾ ਜਿਹਾ ਲੱਗਦਾ ਹੈ। ਅੱਜ-ਕੱਲ੍ਹ ਦੇ ਮਹਿੰਗੇ ਸਾਸ ਅਤੇ ਕੈਚਅੱਪ ਦੇ ਜ਼ਮਾਨੇ 'ਚ, ਲਸਣ ਅਤੇ ਲਾਲ ਮਿਰਚ ਦੀ ਦੇਸੀ ਚਟਣੀ ਨਾ ਸਿਰਫ਼ ਸੁਆਦ 'ਚ ਲਾਜਵਾਬ ਹੈ, ਸਗੋਂ ਇਹ ਸਿਹਤ ਦਾ ਵੀ ਖ਼ਜ਼ਾਨਾ ਹੈ। ਆਯੁਰਵੇਦ ਅਨੁਸਾਰ, ਲਸਣ ਅਤੇ ਮਿਰਚ ਦਾ ਸੁਮੇਲ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸ਼ਕਤੀ ਵਧਾਉਣ 'ਚ ਮਦਦਗਾਰ ਹੁੰਦਾ ਹੈ।
ਚਟਣੀ ਬਣਾਉਣ ਦਾ ਸੌਖਾ ਤੇ ਦੇਸੀ ਤਰੀਕਾ :-
ਸਮੱਗਰੀ
- 15-20 ਤੁਰੀਆਂ ਲਸਣ, 10-12 ਸੁੱਕੀਆਂ ਲਾਲ ਮਿਰਚਾਂ (ਭਿੱਜੀਆਂ ਹੋਈਆਂ), ਜੀਰਾ, ਨਮਕ ਅਤੇ ਥੋੜ੍ਹੀ ਜਿਹੀ ਇਮਲੀ ਜਾਂ ਨਿੰਬੂ ਦਾ ਰਸ।
ਵਿਧੀ
- ਸਭ ਤੋਂ ਪਹਿਲਾਂ ਲਸਣ ਅਤੇ ਲਾਲ ਮਿਰਚਾਂ ਨੂੰ ਕੁੰਡੀ-ਘੋਟੇ ਜਾਂ ਮਿਕਸੀ 'ਚ ਪਾ ਕੇ ਦਰੜ-ਫਰੜ (ਕੋਰਸ) ਪੀਸ ਲਓ। ਹੁਣ ਇਸ 'ਚ ਜੀਰਾ ਅਤੇ ਨਮਕ ਮਿਲਾਓ। ਅਖੀਰ 'ਚ ਖਟਾਸ ਲਈ ਨਿੰਬੂ ਦਾ ਰਸ ਪਾਓ। ਜੇਕਰ ਤੁਸੀਂ ਚਾਹੋ ਤਾਂ ਸਰ੍ਹੋਂ ਦੇ ਤੇਲ 'ਚ ਥੋੜ੍ਹਾ ਜਿਹਾ ਰਾਈ ਦਾ ਤੜਕਾ ਵੀ ਲਗਾ ਸਕਦੇ ਹੋ।
ਸਿਹਤ ਲਈ ਕਿਉਂ ਹੈ ਫਾਇਦੇਮੰਦ?
ਪਾਚਨ ਸ਼ਕਤੀ ਵਧਾਏ
- ਲਸਣ ਅਤੇ ਮਿਰਚ ਦੋਵੇਂ ਹੀ ਪਾਚਨ ਤੰਤਰ ਨੂੰ ਸਰਗਰਮ ਕਰਦੇ ਹਨ, ਜਿਸ ਨਾਲ ਖਾਣਾ ਜਲਦੀ ਹਜ਼ਮ ਹੁੰਦਾ ਹੈ।
ਕੋਲੈਸਟ੍ਰੋਲ ਕੰਟਰੋਲ
- ਲਸਣ ਖੂਨ ਨੂੰ ਸਾਫ਼ ਕਰਨ ਅਤੇ ਕੋਲੈਸਟ੍ਰੋਲ ਨੂੰ ਘਟਾਉਣ 'ਚ ਮਦਦ ਕਰਦਾ ਹੈ, ਜੋ ਦਿਲ ਲਈ ਬਹੁਤ ਚੰਗਾ ਹੈ।
ਸਰਦੀ-ਜ਼ੁਕਾਮ ਤੋਂ ਰਾਹਤ
- ਲਸਣ ਦੀ ਤਾਸੀਰ ਗਰਮ ਹੁੰਦੀ ਹੈ, ਜੋ ਛਾਤੀ ਦੀ ਜਕੜਨ ਅਤੇ ਵਾਇਰਲ ਇਨਫੈਕਸ਼ਨ ਤੋਂ ਬਚਾਉਂਦੀ ਹੈ।
ਮੈਟਾਬੋਲਿਜ਼ਮ ਬੂਸਟਰ
- ਲਾਲ ਮਿਰਚ 'ਚ ਮੌਜੂਦ 'ਕੈਪਸੈਸਿਨ' ਸਰੀਰ ਦਾ ਮੈਟਾਬੋਲਿਜ਼ਮ ਤੇਜ਼ ਕਰਦਾ ਹੈ, ਜੋ ਭਾਰ ਘਟਾਉਣ 'ਚ ਸਹਾਇਕ ਹੈ।
ਵੇਸਣ ਦਾ ਚਿੱਲਾ ਬਣਾਉਣ ਦਾ ਤਰੀਕਾ
NEXT STORY 
