ਜੰਮੂ : ਸਰਦੀ ਹੋਵੇ ਜਾਂ ਗਰਮੀ, ਡੈਨਿਮ ਡਰੈੱਸ ਹਰ ਮੌਸਮ ’ਚ ਮੁਟਿਆਰਾਂ ਦੀ ਫੇਵਰੇਟ ਰਹੀ ਹੈ। ਇਹੀ ਕਾਰਨ ਹੈ ਕਿ ਕੈਜ਼ੁਅਲ ਆਊਟਿੰਗ ਤੋਂ ਲੈ ਕੇ ਖਾਸ ਮੌਕਿਆਂ ਤੱਕ ਮੁਟਿਆਰਾਂ ਡੈਨਿਮ ਡਰੈੱਸ ’ਚ ਨਜ਼ਰ ਆਉਂਦੀਆਂ ਹਨ। ਸਟਾਈਲਿਸ਼ ਲੁੱਕ ਦੇ ਨਾਲ-ਨਾਲ ਕੰਫਰਟ ਵੀ ਦੇਣ ਕਾਰਨ ਡੈਨਿਮ ਦਾ ਕ੍ਰੇਜ਼ ਦਿਨੋਂ-ਦਿਨ ਵਧਦਾ ਜਾ ਰਿਹਾ ਹੈ। ਡੈਨਿਮ ਡਰੈੱਸ ’ਚ ਮੁਟਿਆਰਾਂ ਕੋਲ ਢੇਰਾਂ ਆਪਸ਼ਨਜ਼ ਮੌਜੂਦ ਹਨ। ਬਾਜ਼ਾਰ ’ਚ ਸ਼ਾਰਟ ਡਰੈੱਸ ਤੋਂ ਲੈ ਕੇ ਮਿਡੀ ਅਤੇ ਲਾਂਗ ਡਰੈੱਸ ਤੱਕ ਆਸਾਨੀ ਨਾਲ ਮਿਲ ਜਾਂਦੀਆਂ ਹਨ। ਇਸ ਤੋਂ ਇਲਾਵਾ ਡੈਨਿਮ ਜੰਪਸੂਟ, ਡਾਂਗਰੀ ਸੂਟ ਅਤੇ ਵਨ-ਪੀਸ ਡਰੈੱਸ ਵੀ ਮੁਟਿਆਰਾਂ ਨੂੰ ਖੂਬ ਪਸੰਦ ਆ ਰਹੇ ਹਨ। ਫੁੱਲ ਡੈਨਿਮ ਡਰੈੱਸ ’ਚ ਪਾਰਟੀ ਵੀਅਰ, ਸ਼ਰਟ ਡਰੈੱਸ, ਸ਼ਾਰਟ ਫਰਾਕ, ਲਾਂਗ ਫਰਾਕ ਅਤੇ ਮਿਡੀ ਡਰੈੱਸ ਦੇ ਡਿਜ਼ਾਈਨ ਟ੍ਰੈਂਡ ’ਚ ਹਨ। ਡੈਨਿਮ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਕਿ ਇਹ ਛੇਤੀ ਪੁਰਾਣਾ ਨਹੀਂ ਹੁੰਦਾ ਅਤੇ ਲੰਬੇ ਸਮੇਂ ਤੱਕ ਚੱਲਦਾ ਹੈ।
ਇਕ ਵਾਰ ਖਰੀਦੀ ਗਈ ਡੈਨਿਮ ਡਰੈੱਸ ਕਈ ਸੀਜ਼ਨ ਤੱਕ ਸਟਾਈਲਿਸ਼ ਲੁੱਕ ਦਿੰਦੀ ਹੈ, ਇਸ ਲਈ ਗਰਮੀ ਦੇ ਮੌਸਮ ’ਚ ਵੀ ਡੈਨਿਮ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ। ਇਸ ਨੂੰ ਹਰ ਵਾਰ ਨਵੇਂ ਤਰੀਕੇ ਨਾਲ ਸਟਾਈਲ ਕਰ ਕੇ ਅਲੱਗ ਅਤੇ ਅਟਰੈਕਟਿਵ ਲੁੱਕ ਪਾਈ ਜਾ ਸਕਦੀ ਹੈ। ਕਈ ਮੁਟਿਆਰਾਂ ਡੈਨਿਮ ਨੂੰ ਹੋਰ ਫੈਬ੍ਰਿਕਸ ਦੇ ਨਾਲ ਮਿਕਸ ਐਂਡ ਮੈਚ ਕਰ ਕੇ ਵੀ ਕੈਰੀ ਕਰ ਰਹੀਆਂ ਹਨ। ਡੈਨਿਮ ਜੀਨਸ ਦੇ ਨਾਲ ਤਰ੍ਹਾਂ-ਤਰ੍ਹਾਂ ਦੇ ਟਾਪ, ਸ਼ਰਟ ਅਤੇ ਕ੍ਰਾਪ ਟਾਪ ਸਟਾਈਲ ਕੀਤੇ ਜਾ ਰਹੇ ਹਨ।
ਇਸੇ ਤਰ੍ਹਾਂ ਡੈਨਿਮ ਸਕਰਟ ਦੇ ਨਾਲ ਕੰਟਰਾਸਟ ਰੰਗਾਂ ਅਤੇ ਫੈਬ੍ਰਿਕ ਵਾਲੇ ਟਾਪ ਪੇਅਰ ਕਰ ਕੇ ਯੂਨੀਕ ਲੁੱਕ ਕ੍ਰਿਏਟ ਕੀਤੀ ਜਾ ਰਹੀ ਹੈ। ਉੱਥੇ ਹੀ, ਕੁਝ ਮੁਟਿਆਰਾਂ ਫੁੱਲ ਡੈਨਿਮ ਡਰੈੱਸ ਨੂੰ ਹੀ ਪਹਿਲ ਦਿੰਦੀਆਂ ਹਨ। ਇਨ੍ਹਾਂ ’ਚ ਸਾਈਡ ਕੱਟ, ਬਟਨ, ਜ਼ਿਪ ਅਤੇ ਪੈਚ ਵਰਕ ਵਰਗੇ ਡਿਜ਼ਾਈਨ ਦੇਖਣ ਨੂੰ ਮਿਲਦੇ ਹਨ। ਕਈ ਡਰੈੱਸਾਂ ’ਤੇ ਖੂਬਸੂਰਤ ਐਂਬ੍ਰਾਇਡਰੀ ਵਰਕ ਵੀ ਕੀਤਾ ਗਿਆ ਹੈ, ਜੋ ਇਨ੍ਹਾਂ ਨੂੰ ਹੋਰ ਖਾਸ ਬਣਾਉਂਦਾ ਹੈ। ਇਨ੍ਹੀਂ ਦਿਨੀਂ ਡੈਨਿਮ ਦੀਆਂ ਲਾਂਗ ਕੁੜਤੀਆਂ ਵੀ ਬਾਜ਼ਾਰ ’ਚ ਛਾਈਆਂ ਹੋਈਆਂ ਹਨ, ਜਿਨ੍ਹਾਂ ਨੂੰ ਮੁਟਿਆਰਾਂ ਲੈਗਿੰਗਸ ਜਾਂ ਜੀਨਸ ਦੇ ਨਾਲ ਟੀਮ-ਅੱਪ ਕਰ ਕੇ ਪਹਿਨ ਰਹੀਆਂ ਹਨ। ਮੁਟਿਆਰਾਂ ਡੈਨਿਮ ਡਰੈੱਸ ਨੂੰ ਤਰ੍ਹਾਂ-ਤਰ੍ਹਾਂ ਦੀਆਂ ਅਸੈਸਰੀਜ਼ ਦੇ ਨਾਲ ਸਟਾਈਲ ਕਰ ਕੇ ਆਪਣੀ ਲੁੱਕ ਨੂੰ ਹੋਰ ਖੂਬਸੂਰਤ ਬਣਾ ਰਹੀਆਂ ਹਨ। ਬੈਲਟ ਦੇ ਨਾਲ ਡੈਨਿਮ ਡਰੈੱਸ ਹੋਰ ਜ਼ਿਆਦਾ ਗ੍ਰੇਸਫੁੱਲ ਲੱਗਦੀ ਹੈ। ਇਸ ਤੋਂ ਇਲਾਵਾ ਗਾਗਲਸ, ਸਲਿੰਗ ਬੈਗ, ਹੂਪ ਈਅਰਰਿੰਗਸ ਵਰਗੀਆਂ ਅਸੈਸਰੀਜ਼ ਨਾਲ ਲੁੱਕ ਨੂੰ ਕੰਪਲੀਟ ਕੀਤਾ ਜਾ ਰਿਹਾ ਹੈ। ਫੁੱਟਵੀਅਰ ’ਚ ਡਰੈੱਸ ਅਨੁਸਾਰ ਸਨੀਕਰਸ, ਸੈਂਡਲ, ਬੈਲੀ ਜਾਂ ਹਾਈ ਹੀਲਸ ਨੂੰ ਪੇਅਰ ਕੀਤਾ ਜਾ ਰਿਹਾ ਹੈ। ਕੁੱਲ ਮਿਲਾ ਕੇ ਡੈਨਿਮ ਡਰੈੱਸ ਕੰਫਰਟ ਅਤੇ ਸਟਾਈਲ ਦਾ ਬਿਹਤਰੀਨ ਕੰਬੀਨੇਸ਼ਨ ਹੈ, ਇਸ ਲਈ ਇਹ ਹਰ ਉਮਰ ਦੀਆਂ ਮੁਟਿਆਰਾਂ ਦੇ ਵਾਰਡਰੋਬ ਦਾ ਅਹਿਮ ਹਿੱਸਾ ਬਣ ਗਈ ਹੈ।
ਹੁਣ ਸਕੂਲਾਂ 'ਚ ਮਾਪਿਆਂ ਦੀ ਹਾਜ਼ਰੀ ਹੋਵੇਗੀ ਲਾਜ਼ਮੀ: CBSE ਨੇ ਜਾਰੀ ਕੀਤਾ ਨਵਾਂ 'ਪੇਰੈਂਟਿੰਗ ਕੈਲੰਡਰ'
NEXT STORY 
