ਲੁਧਿਆਣਾ (ਰਾਜ): ਡੇਹਲੋਂ ਦੇ ਪਿੰਡ ਚੁੱਪਕੀ ਵਿਚ ਇਕ NRI ਦੇ ਭਰੋਸੇ ਦਾ ਫਾਇਦਾ ਚੁੱਕ ਕੇ ਉਸ ਦੇ ਆਪਣੇ ਹੀ ਰਿਸ਼ਤੇਦਾਰ ਨੇ ਲੱਖਾਂ ਦੀ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਵਿਦੇਸ਼ ਤੋਂ ਪਰਤੇ ਪੀੜਤ ਨੇ ਜਦੋਂ ਆਪਣੀ ਅਲਮਾਰੀ ਦੀ ਜਾਂਚ ਕੀਤੀ, ਤਾਂ ਉਸ ਦੇ ਹੋਸ਼ ਉੱਡ ਗਏ। ਅਲਮਾਰੀ ਵਿਚੋਂ ਸੋਨੇ ਦੇ ਗਹਿਣੇ ਅਤੇ ਨਕਦੀ ਗਾਇਬ ਸੀ, ਜਿਸ ਨੂੰ ਉਸ ਦਾ ਉਹੀ ਰਿਸ਼ਤੇਦਾਰ ਚੋਰੀ ਕਰ ਕੇ ਲੈ ਗਿਆ ਸੀ ਜਿਸ 'ਤੇ ਉਸ ਨੇ ਅੱਖਾਂ ਮੀਟ ਕੇ ਵਿਸ਼ਵਾਸ ਕੀਤਾ ਸੀ। ਇਸ ਮਾਮਲੇ ਵਿਚ ਥਾਣਾ ਡੇਹਲੋਂ ਦੀ ਪੁਲਸ ਨੇ ਪੀੜਤ ਨਿਰਭੈ ਸਿੰਘ ਦੇ ਬਿਆਨਾਂ ਦੇ ਆਧਾਰ 'ਤੇ ਮੁਲਜ਼ਮ ਮਨਦੀਪ ਸਿੰਘ 'ਤੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਸ਼ਿਕਾਇਤਕਰਤਾ NRI ਨੇ ਦੱਸਿਆ ਕਿ ਮੁਲਜ਼ਮ ਮਨਦੀਪ ਸਿੰਘ ਉਸ ਦਾ ਨਜ਼ਦੀਕੀ ਰਿਸ਼ਤੇਦਾਰ ਹੈ। ਪੀੜਤ ਜਦੋਂ ਵੀ ਵਿਦੇਸ਼ ਤੋਂ ਆਪਣੇ ਪਿੰਡ ਚੁੱਪਕੀ ਆਉਂਦਾ ਸੀ, ਤਾਂ ਮਨਦੀਪ ਅਕਸਰ ਉਸ ਦੇ ਕੋਲ ਰਹਿੰਦਾ ਅਤੇ ਉਸ ਦੀ ਗੱਡੀ ਚਲਾਉਂਦਾ ਸੀ। ਇਸੇ ਦੌਰਾਨ ਮਨਦੀਪ ਨੇ ਆਪਣੀਆਂ ਮਿੱਠੀਆਂ ਗੱਲਾਂ ਅਤੇ ਸੇਵਾ ਨਾਲ ਪੀੜਤ ਦਾ ਅਟੁੱਟ ਵਿਸ਼ਵਾਸ ਜਿੱਤ ਲਿਆ। ਦਸੰਬਰ 2024 ਵਿਚ ਜਦੋਂ ਪੀੜਤ ਵਾਪਸ ਵਿਦੇਸ਼ ਜਾਣ ਲੱਗਿਆ, ਤਾਂ ਉਸ ਨੇ ਸੁਰੱਖਿਆ ਦੇ ਲਿਹਾਜ਼ ਨਾਲ ਆਪਣੇ ਘਰ ਅਤੇ ਅਲਮਾਰੀ ਦੀਆਂ ਤਮਾਮ ਚਾਬੀਆਂ ਭਰੋਸੇ ਨਾਲ ਮਨਦੀਪ ਸਿੰਘ ਨੂੰ ਸੌਂਪ ਦਿੱਤੀਆਂ। ਧੋਖਾਧੜੀ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਪੀੜਤ ਅਕਤੂਬਰ 2025 ਵਿਚ ਵਾਪਸ ਭਾਰਤ ਪਰਤਿਆ। ਘਰ ਪਹੁੰਚਣ 'ਤੇ ਜਦੋਂ ਉਸ ਨੇ ਮਨਦੀਪ ਤੋਂ ਚਾਬੀਆਂ ਮੰਗੀਆਂ, ਤਾਂ ਉਹ ਟਾਲ-ਮਟੋਲ ਕਰਨ ਲੱਗਿਆ ਅਤੇ ਬਹਾਨੇ ਬਣਾਉਣ ਲੱਗਿਆ। ਮਨਦੀਪ ਦੇ ਵਿਹਾਰ 'ਤੇ ਸ਼ੱਕ ਹੋਣ 'ਤੇ ਪੀੜਤ ਨੇ ਮਿਸਤਰੀ ਬੁਲਾ ਕੇ ਆਪਣੀ ਅਲਮਾਰੀ ਦੇ ਨਵੇਂ ਤਾਲੇ ਲਗਵਾਏ ਅਤੇ ਜਦੋਂ ਉਸ ਨੂੰ ਖੋਲ੍ਹ ਕੇ ਚੈੱਕ ਕੀਤਾ, ਤਾਂ ਉਸ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਅਲਮਾਰੀ ਦੇ ਅੰਦਰ ਰੱਖੇ ਸੋਨੇ ਦੇ ਕੀਮਤੀ ਗਹਿਣੇ ਅਤੇ ਨਕਦੀ ਗਾਇਬ ਸੀ। ਪੀੜਤ ਦਾ ਦੋਸ਼ ਹੈ ਕਿ ਉਸ ਦੀ ਗ਼ੈਰ-ਮੌਜੂਦਗੀ ਵਿਚ ਮਨਦੀਪ ਸਿੰਘ ਨੇ ਚਾਬੀਆਂ ਦੀ ਦੁਰਵਰਤੋਂ ਕਰਦਿਆਂ ਅਲਮਾਰੀ ਵਿਚੋਂ ਸਾਰਾ ਕੀਮਤੀ ਸਾਮਾਨ ਚੋਰੀ ਕਰ ਲਿਆ। ਜਿਸ ਸ਼ਖਸ ਨੂੰ ਘਰ ਦਾ ਰਾਖਾ ਬਣਾ ਕੇ ਚਾਬੀਆਂ ਦਿੱਤੀਆਂ ਸਨ, ਉਹੀ ਚੋਰ ਨਿਕਲਿਆ।
ਲੇਡੀਜ਼ ਸੂਟ ਦੀ ਦੁਕਾਨ 'ਤੇ 'ਲੇਡੀ ਗੈਂਗ' ਦਾ ਹਮਲਾ: ਦੁਕਾਨ ਤੋਂ 5 ਲੱਖ ਤੋਂ ਵੱਧ ਦੀ ਨਕਦੀ 'ਤੇ ਕੀਤਾ ਹੱਥ ਸਾਫ਼
NEXT STORY 
