ਅੰਮ੍ਰਿਤਸਰ: ਲੈਂਡ ਪੋਰਟ ਅਥਾਰਟੀ ਆਫ਼ ਇੰਡੀਆ (ਐੱਲਪੀਏਆਈ) ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ 2018 ਤੋਂ ਬਾਅਦ ਪਹਿਲੀ ਵਾਰ ਪੰਜਾਬ 'ਚ ਅਟਾਰੀ-ਵਾਹਗਾ ਸਰਹੱਦ ਰਾਹੀਂ ਅਫ਼ਗਾਨਿਸਤਾਨ ਨੂੰ 2022-2023 ਵਿੱਤੀ ਸਾਲ 'ਚ ਬਰਾਮਦ 74.29 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ। ਵਿੱਤੀ ਸਾਲ 2021-2022 'ਚ ਇਹ ਵਧ ਕੇ ਸਿਰਫ਼ 5 ਕਰੋੜ ਰੁਪਏ ਹੋਇਆ ਸੀ। ਹਾਲਾਂਕਿ ਅਫਗਾਨਿਸਤਾਨ ਤੋਂ ਆਯਾਤ ਦੇ ਮੁਕਾਬਲੇ ਨਿਰਯਾਤ ਮਾਮੂਲੀ ਹੈ। ਵਿੱਤੀ ਸਾਲ 2022-2023 'ਚ ਦਰਾਮਦ ਦਾ ਅੰਕੜਾ 2,219 ਕਰੋੜ ਰੁਪਏ ਸੀ। 2021-2022 ਦੀ ਮਿਆਦ 'ਚ ਇਹ 2,977 ਕਰੋੜ ਰੁਪਏ ਸੀ।
ਇਹ ਵੀ ਪੜ੍ਹੋ- ਸੇਵਾ ਮੁਕਤ ਅਫ਼ਸਰ ਨੇ ਕਰਵਾਇਆ ਦੂਜਾ ਵਿਆਹ, 15 ਦਿਨਾਂ 'ਚ ਹੀ ਚੰਨ ਚਾੜ੍ਹ ਗਈ ਦੂਜੀ ਪਤਨੀ
ਪੰਜਾਬ 2019 ਤੋਂ ਹਰ ਸਾਲ ਪਾਕਿਸਤਾਨ ਨਾਲ ਘੱਟੋ ਘੱਟ 2,000 ਕਰੋੜ ਰੁਪਏ ਦੇ ਵਪਾਰ ਤੋਂ ਖੁੰਝ ਰਿਹਾ ਹੈ, ਜਦੋਂ ਪੁਲਵਾਮਾ ਅੱਤਵਾਦੀ ਹਮਲੇ ਦੇ ਮੱਦੇਨਜ਼ਰ ਗੁਆਂਢੀ ਦੇਸ਼ ਤੋਂ ਦਰਾਮਦ 'ਤੇ ਕਸਟਮ ਡਿਊਟੀ 200% ਵਧ ਗਈ ਸੀ। 14 ਫਰਵਰੀ 2019 ਨੂੰ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਦੋਹਾਂ ਦੇਸ਼ਾਂ ਵਿਚਾਲੇ ਵਪਾਰ ਠੱਪ ਹੋ ਗਿਆ ਸੀ। ਉਸ ਸਮੇਂ ਭਾਰਤ ਨੇ ਪਾਕਿਸਤਾਨ ਲਈ ਸਭ ਤੋਂ ਵੱਧ ਪਸੰਦੀਦਾ ਦੇਸ਼ (MFN) ਦਾ ਦਰਜਾ ਵੀ ਰੱਦ ਕਰ ਦਿੱਤਾ ਸੀ, ਜਿਸ ਨੇ ਗੁਆਂਢੀ ਦੇਸ਼ ਨੂੰ ਕੁਝ ਵਪਾਰਕ ਵਿਸ਼ੇਸ਼ ਅਧਿਕਾਰ ਦਿੱਤੇ ਸਨ। ਲੈਂਡ ਪੋਰਟ ਅਥਾਰਟੀ ਆਫ਼ ਇੰਡੀਆ ਦੇ ਮੈਨੇਜਰ ਸਤੀਸ਼ ਧਿਆਨੀ ਨੇ ਪੁਸ਼ਟੀ ਕੀਤੀ ਕਿ ਅਟਾਰੀ-ਵਾਹਗਾ ਸਰਹੱਦ ਰਾਹੀਂ ਭਾਰਤ-ਪਾਕਿਸਤਾਨ ਵਪਾਰ 16 ਫਰਵਰੀ, 2019 ਤੋਂ ਠੱਪ ਹੋ ਗਿਆ ਹੈ। ਧਿਆਨੀ ਨੇ ਕਿਹਾ ਭਾਰਤ ਪਾਕਿਸਤਾਨ ਤੋਂ ਸੀਮਿੰਟ, ਚੱਟਾਨ ਨਮਕ, ਖਣਿਜ ਅਤੇ ਰਸਾਇਣਾਂ ਦੀ ਦਰਾਮਦ ਕਰਦਾ ਹੈ।
ਇਹ ਵੀ ਪੜ੍ਹੋ- ਆਸਟ੍ਰੇਲੀਆ ਰਹਿੰਦੀ ਕੁੜੀ ਨੂੰ ਮਿਲਣ ਗਏ ਪਿਓ ਨਾਲ ਵਾਪਰ ਗਿਆ ਦਰਦਨਾਕ ਭਾਣਾ
ਉਨ੍ਹਾਂ ਕਿਹਾ ਕਿ 2018-2019 ਦੌਰਾਨ ਅਟਾਰੀ-ਵਾਹਗਾ ਰਾਹੀਂ ਪਾਕਿਸਤਾਨ ਤੋਂ 1,518.99 ਕਰੋੜ ਰੁਪਏ ਦੀ ਦਰਾਮਦ ਹੋਈ, ਜਦੋਂ ਕਿ ਨਿਰਯਾਤ 737.65 ਕਰੋੜ ਰੁਪਏ ਦਾ ਸੀ। ਉੱਚ ਕਸਟਮ ਡਿਊਟੀ ਲਗਾਏ ਜਾਣ ਤੋਂ ਬਾਅਦ ਆਯਾਤ 2019-2020 ਵਿੱਤੀ ਸਾਲ ਵਿੱਚ ਘਟ ਕੇ 6.13 ਕਰੋੜ ਰੁਪਏ ਰਹਿ ਗਿਆ, ਜਦੋਂ ਕਿ ਨਿਰਯਾਤ 222.77 ਕਰੋੜ ਰੁਪਏ ਰਿਹਾ। ਉਸ ਤੋਂ ਬਾਅਦ ਅੰਕੜੇ ਦਰਸਾਉਂਦੇ ਹਨ ਕਿ ਦਰਾਮਦ ਅਤੇ ਨਿਰਯਾਤ ਜ਼ੀਰੋ 'ਤੇ ਆ ਗਿਆ ਹੈ।ਪੰਜਾਬ ਦੇ ਵਪਾਰੀ ਪਾਕਿਸਤਾਨ ਨਾਲ ਵਪਾਰਕ ਸਬੰਧ ਬਹਾਲ ਕਰਨ ਦੀ ਮੰਗ ਕਰ ਰਹੇ ਹਨ।
ਇਹ ਵੀ ਪੜ੍ਹੋ- ਜਨਮਾਂ ਦੇ ਸਾਥ ਦਾ ਵਾਅਦਾ ਕਰਨ ਵਾਲੇ ਨੇ ਦਿਖਾਏ ਅਸਲ ਰੰਗ, ਬੱਚਾ ਨਾ ਹੋਣ 'ਤੇ ਘਰੋਂ ਕੱਢੀ ਪਤਨੀ
ਨੋਟ- ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਦੱਸੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਮਰ ਸ਼ਹੀਦ ਲਾਲਾ ਜਗਤ ਨਾਰਾਇਣ ਜੀ ਨੇ ਦੇਸ਼ ਦੀ ਏਕਤਾ ਤੇ ਆਖੰਡਤਾ ਲਈ ਦਿੱਤਾ ਬਲਿਦਾਨ : ਮੰਤਰੀ ਕਟਾਰੂਚੱਕ
NEXT STORY 
