ਹਲਵਾਰਾ, (ਲਾਡੀ)- ਲੰਮੇ ਇੰਤਜ਼ਾਰ ਮਗਰੋਂ ਤੋਂ ਸਿਵਲ ਉਡਾਣਾਂ ਦੀ ਸ਼ੁਰੂਆਤ ਹੁਣ ਅੰਤਿਮ ਪੜਾਅ ਵਿੱਚ ਦਾਖਲ ਹੋ ਚੁੱਕੀ ਹੈ। ਮਾਰਚ ਦੇ ਪਹਿਲੇ ਹਫ਼ਤੇ ਤੋਂ ਦਿੱਲੀ ਲਈ ਦੋ ਰੋਜ਼ਾਨਾ ਉਡਾਣਾਂ ਚਲਾਉਣ ਲਈ ਸਾਰੀਆਂ ਤਿਆਰੀਆਂ ਲਗਭਗ ਪੂਰੀਆਂ ਕਰ ਲਈਆਂ ਗਈਆਂ ਹਨ।
ਇਸ ਸਬੰਧੀ ਦਿੱਲੀ ਤੋਂ ਆਈ ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਅਤੇ ਏਅਰ ਇੰਡੀਆ ਦੇ ਅਧਿਕਾਰੀਆਂ ਨੇ ਸਾਹਨੇਵਾਲ ਏਅਰਪੋਰਟ ਵਿਖੇ ਉੱਚ ਅਧਿਕਾਰੀਆਂ ਦੀ ਟੀਮ ਨੇ ਹਵਾਈ ਅੱਡੇ ‘ਤੇ ਵਿਸਥਾਰਪੂਰਵਕ ਸਮੀਖਿਆ ਮੀਟਿੰਗ ਕਰਕੇ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ। ਪੰਜ ਮੈਂਬਰੀ ਏਅਰ ਇੰਡੀਆ ਦਲ ਵੱਲੋਂ ਟਰਮਿਨਲ ਇਮਾਰਤ ਵਿੱਚ ਦਫ਼ਤਰਾਂ ਦੀ ਸਥਾਪਨਾ, ਬੋਰਡਿੰਗ ਕਾਊਂਟਰਾਂ, ਟਿਕਟਿੰਗ ਪ੍ਰਬੰਧ, ਬੈੱਗੇਜ ਹੈਂਡਲਿੰਗ ਸਿਸਟਮ ਅਤੇ ਯਾਤਰੀ ਸੁਵਿਧਾਵਾਂ ਦੀ ਮੌਕੇ ‘ਤੇ ਜਾਂਚ ਕੀਤੀ ਗਈ। ਅਧਿਕਾਰੀਆਂ ਨੇ ਸਥਾਨ ਚਿੰਨ੍ਹਿਤ ਕਰਕੇ ਜ਼ਰੂਰੀ ਤਕਨੀਕੀ ਸੈੱਟਅੱਪ ਲਈ ਦਿਸ਼ਾ-ਨਿਰਦੇਸ਼ ਵੀ ਜਾਰੀ ਕੀਤੇ।
ਦੂਜੇ ਪਾਸੇ ਵੱਲੋਂ ਸਿਵਲ ਉਡਾਣਾਂ ਲਈ ਅੰਤਿਮ ਮਨਜ਼ੂਰੀ ਦਿੱਤੀ ਜਾ ਚੁੱਕੀ ਹੈ। ਸਿਵਲ ਹਵਾਈ ਸੇਵਾਵਾਂ ਲਈ ਵਾਯੂ ਸੈਨਾ ਕੇਂਦਰ ਹਲਵਾਰਾ ਦੇ ਰਨਵੇ ਅਤੇ ਏਅਰ ਟ੍ਰੈਫਿਕ ਕੰਟਰੋਲ ਦੀ ਸਹੂਲਤ ਵਰਤੀ ਜਾਵੇਗੀ। ਇਹ ਸਹਿਯੋਗ ਸਿਵਲ ਅਤੇ ਰੱਖਿਆ ਸੰਸਥਾਵਾਂ ਵਿਚਕਾਰ ਤਾਲਮੇਲ ਦਾ ਅਹਿਮ ਉਦਾਹਰਨ ਮੰਨਿਆ ਜਾ ਰਿਹਾ ਹੈ।
ਏਏਆਈ ਦੀ ਸਲਾਟ ਕੋਆਰਡੀਨੇਸ਼ਨ ਕਮੇਟੀ ਵੱਲੋਂ ਏਅਰ ਇੰਡੀਆ ਨੂੰ ਦਿਨ ਵਿੱਚ ਦੋ ਉਡਾਣਾਂ ਦੀ ਮਨਜ਼ੂਰੀ ਜਾਰੀ ਕਰ ਦਿੱਤੀ ਗਈ ਹੈ। ਨਿਰਧਾਰਤ ਸਮਾਂ-ਸਾਰਣੀ ਅਨੁਸਾਰ ਪਹਿਲੀ ਉਡਾਣ ਸਵੇਰੇ 6 ਵਜੇ ਦਿੱਲੀ ਤੋਂ ਰਵਾਨਾ ਹੋ ਕੇ 7 ਵਜੇ ਹਲਵਾਰਾ ਪਹੁੰਚੇਗੀ ਅਤੇ 7:40 ਵਜੇ ਵਾਪਸੀ ਉਡਾਣ ਭਰੇਗੀ। ਦੂਜੀ ਉਡਾਣ ਦੁਪਹਿਰ 1:35 ਵਜੇ ਦਿੱਲੀ ਤੋਂ ਚੱਲ ਕੇ 2:35 ਵਜੇ ਹਲਵਾਰਾ ਪਹੁੰਚੇਗੀ ਅਤੇ 3:40 ਵਜੇ ਮੁੜ ਦਿੱਲੀ ਲਈ ਰਵਾਨਾ ਹੋਵੇਗੀ।
ਸ਼ੁਰੂਆਤੀ ਕਿਰਾਇਆ ਕਰੀਬ 3,500 ਰੁਪਏ ਰੱਖਿਆ ਗਿਆ ਹੈ, ਜੋ ਮੰਗ ਅਤੇ ਸੀਟ ਉਪਲਬਧਤਾ ਅਨੁਸਾਰ ਬਦਲ ਸਕਦਾ ਹੈ। ਏਅਰ ਇੰਡੀਆ ਵੱਲੋਂ 5 ਅਧਿਕਾਰੀ ਅਤੇ 15 ਤੋਂ 16 ਗਰਾਊਂਡ ਸਟਾਫ ਦੀ ਤਾਇਨਾਤੀ ਕੀਤੀ ਜਾਵੇਗੀ। ਸੁਰੱਖਿਆ ਪ੍ਰਬੰਧਾਂ ਲਈ ਆਈਆਰਬੀ ਦਾ 54 ਮੈਂਬਰੀ ਦਲ ਮੌਕੇ ‘ਤੇ ਡਿਊਟੀ ਸੰਭਾਲੇਗਾ।
ਅਧਿਕਾਰੀਆਂ ਦੇ ਅਨੁਸਾਰ ਹਵਾਈ ਅੱਡੇ ‘ਤੇ ਬੁਨਿਆਦੀ ਢਾਂਚਾ, ਯਾਤਰੀ ਪ੍ਰਬੰਧਨ ਪ੍ਰਣਾਲੀ ਅਤੇ ਸੁਰੱਖਿਆ ਇੰਤਜ਼ਾਮ ਅੰਤਿਮ ਪੜਾਅ ਵਿੱਚ ਹਨ। ਸਿਵਲ ਉਡਾਣਾਂ ਦੀ ਸ਼ੁਰੂਆਤ ਨਾਲ ਖੇਤਰ ਦੇ ਉਦਯੋਗ, ਵਪਾਰ, ਸਿੱਖਿਆ ਅਤੇ ਪਰਵਾਸੀ ਭਾਈਚਾਰੇ ਨੂੰ ਵੱਡਾ ਲਾਭ ਹੋਣ ਦੀ ਉਮੀਦ ਹੈ। ਵਿਸ਼ੇਸ਼ਗਿਆਨ ਮੰਨਦੇ ਹਨ ਕਿ ਇਹ ਕਦਮ ਲੁਧਿਆਣਾ ਅਤੇ ਆਸ-ਪਾਸ ਦੇ ਇਲਾਕਿਆਂ ਦੀ ਆਰਥਿਕ ਗਤੀਵਿਧੀਆਂ ਨੂੰ ਨਵਾਂ ਉਤਸ਼ਾਹ ਦੇਵੇਗਾ ਅਤੇ ਭਵਿੱਖ ਵਿੱਚ ਹੋਰ ਘਰੇਲੂ ਤੇ ਅੰਤਰਰਾਸ਼ਟਰੀ ਰੂਟਾਂ ਦੀ ਸੰਭਾਵਨਾ ਵੀ ਮਜ਼ਬੂਤ ਕਰੇਗਾ।
CM ਭਗਵੰਤ ਮਾਨ ਦੀ ਅਚਾਨਕ ਸਿਹਤ ਵਿਗੜੀ, ਮੋਹਾਲੀ ਦੇ ਫੋਰਟਿਸ ਹਸਪਤਾਲ 'ਚ ਕਰਵਾਇਆ ਗਿਆ ਦਾਖਲ
NEXT STORY 
