ਲੁਧਿਆਣਾ, (ਖੁਰਾਣਾ)- ਜਲੰਧਰ ਬਾਈਪਾਸ ਨਾਲ ਲੱਗਦੀ ਅਨਾਜ ਮੰਡੀ ’ਚ ਅੱਜ ਝੋਨੇ ਦੀ ਫਸਲ ਦੀ ਆਮਦ ਤਾਂ ਸ਼ੁਰੂ ਹੋ ਗਈ ਹੈ ਪਰ ਸਰਕਾਰ ਵਲੋਂ ਫਸਲ ਦੀ ਖਰੀਦ ਅਤੇ ਤੈਅ ਕੀਤੀ ਗਈ ਨਮੀ ਦੀ ਮਾਤਰਾ ਜ਼ਿਆਦਾ ਹੋਣ ਕਾਰਨ ਫਿਲਹਾਲ ਝੋਨੇ ਦੀ ਖਰੀਦ ਸ਼ੁਰੂ ਨਹੀਂ ਹੋ ਸਕੀ ਹੈ। ਮੰਡੀ ਵਿਚ ਅੱਜ ਝੋਨੇ ਦੀ ਫਸਲ ਲੈ ਕੇ ਪੁੱਜੇ ਕਿਸਾਨਾਂ ਨੂੰ ਝੋਨੇ ਦੀ ਨਮੀ ਦੀ ਮਾਤਰਾ 18 ਫੀਸਦੀ ਤੋਂ ਜ਼ਿਆਦਾ ਹੋਣ ਦੇ ਕਾਰਨ ਮੰਡੀ ਕੰਪਲੈਕਸ ਵਿਚ ਹੀ ਫਸਲ ਨੂੰ ਧੁੱਪ ਲਵਾ ਕੇ ਸੁਕਾਉਣ ਦੇ ਲਈ ਜ਼ਮੀਨ ’ਤੇ ਵਿਛਾਇਆ ਗਿਆ ਤਾਂ ਕਿ ਨਮੀ ਦੀ ਮਾਤਰਾ ਘੱਟ ਹੋਣ ’ਤੇ ਫਸਲ ਦੀ ਵਿਕਰੀ ਕੀਤੀ ਜਾ ਸਕੇ।
ਮੌਜੂਦਾ ਸੀਜ਼ਨ ਵਿਚ ਪੰਜਾਬ ਸਰਕਾਰ ਵਲੋਂ ਝੋਨੇ ਦੀ ਫਸਲ ਦਾ ਸਮਰਥਨ ਮੁੱਲ 1750 ਰੁਪਏ ਪ੍ਰਤੀ ਕੁਇੰਟਲ ਤੈਅ ਕਰਨ ਦੇ ਨਾਲ ਹੀ ਫਸਲ ’ਚ ਨਮੀ ਦੀ ਮਾਤਰਾ 17 ਫੀਸਦੀ ਤੱਕ ਰੱਖੀ ਗਈ ਹੈ ਜਦਕਿ ਨਿਰਧਾਰਿਤ ਨਮੀ ਤੋਂ ਜ਼ਿਆਦਾ ਫਸਲ ਲਿਆਉਣ ਵਾਲੇ ਕਿਸਾਨਾਂ ਨੂੰ ਸ਼ਰਤ ਪੂਰੀ ਨਾ ਕਰਨ ਦੇ ਕਾਰਨ ਫਿਲਹਾਲ ਮੁਸ਼ਕਲਾਂ ਝੱਲਣੀਆਂ ਪੈ ਰਹੀਆਂ ਹਨ। ਜਾਣਕਾਰੀ ਦੇ ਮੁਤਾਬਕ ਮੌਜੂਦਾ ਸੀਜ਼ਨ ਵਿਚ ਫਸਲ ਦੀ ਬੀਜਾਈ 15 ਜੂਨ ਦੇ ਅਨੁਸਾਰ ਉਸ ਦੀ ਕਟਾਈ ਦਾ ਕੰਮ ਵੀ 15 ਅਕਤੂਬਰ ਦੇ ਬਾਅਦ ਹੋਣ ਦੀ ਸੰਭਾਵਨਾ ਪ੍ਰਗਟ ਕੀਤੀ ਜਾ ਰਹੀ ਹੈ। ਮਾਹਰਾਂ ਦੇ ਅਨੁਸਾਰ ਕੋਈ ਵੀ ਸੀਜ਼ਨਲ ਫਸਲ ਪੂਰੀ ਤਰ੍ਹਾਂ ਨਾਲ ਪੱਕ ਕੇ ਤਿਆਰ ਹੋਣ ਦੇ ਲਈ ਘੱਟ ਤੋਂ ਘੱਟ 130 ਦਿਨ ਦਾ ਸਮਾਂ ਲੈਂਦੀ ਹੈ। ਵਿਭਾਗੀ ਸੂਤਰਾਂ ਦੀ ਮੰਨੀਏ ਤਾਂ ਮੰਡੀ ’ਚ ਨਿਰਧਾਰਿਤ ਮਾਤਰਾ ਤੋਂ ਜ਼ਿਆਦਾ ਨਮੀ ਦੀ ਫਸਲ ਲੈ ਕੇ ਆਉਣ ਵਾਲੇ ਕਿਸਾਨਾਂ ਦਾ ਮਾਰਕੀਟ ਕਮੇਟੀ ਦੇ ਕਰਮਚਾਰੀਆਂ ਨੇ ਵਿਰੋਧ ਕੀਤਾ ਅਤੇ ਉਨ੍ਹਾਂ ਆਪਣੀ ਫਸਲ ਨਾਲ ਭਰੀਆਂ ਟਰਾਲੀਆਂ ਲੈ ਕੇ ਵਾਪਸ ਮੁਡ਼ਨ ਨੂੰ ਕਿਹਾ, ਜਿਸ ਵਿਚ ਮਾਰਕੀਟ ਦੇ ਅਧਿਕਾਰੀਆਂ ਨੇ ਤਰਕ ਦਿੱਤਾ ਕਿ ਕਿਸਾਨ ਮੰਡੀਆਂ ’ਚ ਤੈਅ ਤੋਂ ਜ਼ਿਆਦਾ ਮਾਤਰਾ ਵਿਚ ਨਮੀ ਵਾਲੀ ਫਸਲ ਲੈ ਕੇ ਮੰਡੀ ਆਉਣ ਤੋਂ ਪਰਹੇਜ਼ ਕਰਨ ਕਿਉਂਕਿ ਇਸ ਤਰ੍ਹਾਂ ਕਰਨਾ ਨਿਯਮਾਂ ਦੀ ਅਣਦੇਖੀ ਕਰਨ ਦੇ ਬਰਾਬਰ ਹੈ।
ਕਿਸਾਨ ਭਰਾਵਾਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੀ ਫਸਲ ਨੂੰ ਪੂਰੀ ਤਰ੍ਹਾਂ ਸੁਕਾ ਕੇ ਹੀ ਮੰਡੀਆਂ ਵਿਚ ਲਿਆਉਣ ਤਾਂ ਕਿ ਉਨ੍ਹਾਂ ਦੀ ਫਸਲ ਮੰਡੀ ਵਿਚ ਆਉਂਦੇ ਹੀ ਖਰੀਦੀ ਜਾ ਸਕੇ ਅਤੇ ਕਿਸਾਨਾਂ ਨੂੰ ਕਿਸੇ ਪ੍ਰਕਾਰ ਦੀ ਪ੍ਰੇਸ਼ਾਨੀ ਨਾ ਚੁੱਕਣੀ ਪਵੇ। ਇਹ ਕਿਸਾਨਾਂ ਦੇ ਨਾਲ ਸਰਕਾਰ ਦੇ ਲਈ ਫਾਇਦੇਮੰਦ ਰਹੇਗਾ। ਸਰਕਾਰ ਨੇ ਫਸਲ ਦੀ ਖਰੀਦ ਦੇ ਲਈ 17 ਫੀਸਦੀ ਨਮੀ ਨਿਰਧਾਰਿਤ ਕੀਤੀ ਹੈ, ਜਿਸ ਨੂੰ ਸਾਰੀਆਂ ਏਜੰਸੀਆਂ ਦੇ ਅਧਿਕਾਰੀ ਸਰਕਾਰ ਵਲੋਂ ਮੁਹੱਈਆ ਕਰਵਾਏ ਗਏ ਉਪਕਰਨਾਂ ਨਾਲ ਨਮੀ ਦੀ ਮਾਤਰਾ ਚੈੱਕ ਕਰਦੇ ਹਨ। ਸਰਕਾਰ ਦੀ ਕਿਸਾਨ ਵਰਗ ਨੂੰ ਅਪੀਲ ਹੈ ਕਿ ਉਹ ਨਿਯਮਾਂ ਦੀ ਪਾਲਣਾ ਕਰਨ। -ਭਾਰਤ ਭੂਸ਼ਣ ਆਸ਼ੂ, ਖੁਰਾਕ ਤੇ ਸਪਲਾਈ ਮੰਤਰੀ।
ਸਰਕਾਰ ਦੀਆਂ ਸ਼ਰਤਾਂ ਤੇ ਨਿਯਮਾਂ ਦੀ ਪਾਲਣਾ ਨਾ ਕਰਨ ਵਾਲਿਆਂ ਨੂੰ ਮੋਡ਼ਿਆ ਜਾਵੇਗਾ
ਇਸ ਸਬੰਧ ਵਿਚ ਗੱਲ ਕਰਦਿਆਂ ਮਾਰਕੀਟ ਕਮੇਟੀ ਦੇ ਸਕੱਤਰ ਅਮਨਦੀਪ ਸਿੰਘ ਸੰਧੂ ਨੇ ਕਿਹਾ ਕਿ ਸਰਕਾਰ ਵਲੋਂ ਝੋਨੇ ਦੀ ਖਰੀਦ ਦੇ ਲਈ 17 ਫੀਸਦੀ ਨਮੀ ਤੈਅ ਕੀਤੀ ਗਈ ਹੈ।
ਇਸ ਵਿਚ ਜੇਕਰ ਕੋਈ 20 ਫੀਸਦੀ ਤੋਂ ਹੇਠਾਂ ਨਮੀ ਵਾਲੀ ਫਸਲ ਲੈ ਕੇ ਮੰਡੀਆਂ ਵਿਚ ਆਉਂਦਾ ਹੈ ਤਾਂ ਉਸ ਫਸਲ ਨੂੰ ਇਕ ਦਿਨ ਤੇਜ਼ ਧੁੱਪ ਲਵਾਉਣ ਦੇ ਬਾਅਦ ਖਰੀਦਿਆ ਜਾ ਸਕਦਾ ਹੈ ਪਰ ਜੇਕਰ ਕੋਈ ਕਿਸਾਨ 20 ਫੀਸਦੀ ਤੋਂ ਉਪਰ ਨਮੀ ਵਾਲੀ ਫਸਲ ਦੀ ਕਟਾਈ ਕਰ ਲੈਂਦਾ ਹੈ ਤਾਂ ਫਿਰ ਸਰਕਾਰ ਵਲੋਂ ਤੈਅ ਕੀਤੀ ਗਈ ਸ਼ਰਤ ਅਤੇ ਨਿਯਮਾਂ ਦੀ ਪਾਲਣਾ ਨਾ ਕਰਨ ਦੀ ਇਵਜ਼ ’ਚ ਫਸਲ ਸਮੇਤ ਮੰਡੀ ਤੋਂ ਵਾਪਸ ਮੋਡ਼ਿਆ ਜਾ ਸਕਦਾ ਹੈ।
1 ਮਹੀਨਾ ਪਹਿਲਾਂ ਬਣਾਇਆ ਗੈਂਗ, ਗਿਆਸਪੁਰਾ ਇਲਾਕੇ ’ਚ ਕੀਤੀਆਂ 12 ਚੋਰੀਆਂ
NEXT STORY 
