ਸੁਰਜੀਤ ਸਿੰਘ ਫਲੋਰਾ
ਮੈਂ ਇਕ ਸ਼ੀਸ਼ਾ ਹਾਂ,
ਮੈਂ ਸੱਚ ਨੂੰ ਦਿਖਾਉਣ ਦਾ ਕੰਮ ਕਰਦਾ ਹਾਂ,
ਮੈਂ ਸਿਰਫ਼ ਇਹ ਪ੍ਰਦਰਸ਼ਿਤ ਕਰਦਾ ਹਾਂ,
ਤੁਸੀਂ … ਬਾਹਰੋਂ ਤੇ ਅੰਦਰੋਂ ਕੀ ਹੋ?
ਤੁਹਾਡੇ ਅੰਦਰ ਦੀ ਆਤਮਾ…ਕੀ ਹੈ?
ਜੋ ਇਨਸਾਨ ਸਦਾ ਬਾਹਰ ਭਾਲਦਾ ਰਹਿੰਦਾ ਹੈ
ਮੈਂ ਉਹ ਸੱਚ ਤੁਹਾਨੂੰ ਆਪਣੇ ਵਿਚ ਦਿਖਾ ਦਿੰਦਾ ਹਾਂ।
ਮੈਂ ਸਿਰਫ਼ ਇਕ ਸ਼ੀਸ਼ਾ ਹਾਂ,
ਜੋ ਤੁਹਾਡੀ ਕੰਧ ’ਤੇ ਲਟਕਿਆਂ ਰਹਿੰਦਾ ਹਾਂ,
ਜਿਸ ਵਿਚੋਂ ਤੁਸੀਂ ਹਰ ਰੋਜ਼ ਆਪਣੇ ਆਪ ਨੂੰ ਵੇਖਦੇ ਹੋ,
ਵੇਖਣ ’ਤੇ …
ਮੈਂ ਝੂਠ ਨਹੀਂ ਬੋਲਦਾ
ਮੈਂ ਰਿਸ਼ਵਤ ਲੈ ਕੇ ਕੁਝ ਬਦਲ ਨਹੀਂ ਦਿੰਦਾ,
ਮੈਂ ਚਾਪਲੂਸੀ ਨਹੀਂ ਕਰਦਾ,
ਨਾ ਕੁਝ ਘੱਟ, ਨਾ ਕੁਝ ਵੱਧ
ਮੈਂ ਦਿਖਾਉਂਦਾ ਹਾਂ,
ਨਾ ਮੈਂ ਕਿਸੇ ਅਮੀਰ-ਗ਼ਰੀਬ ਵਿਚ ਫ਼ਰਕ ਕਰਦਾ ਹੈ,
ਨਾ ਮੈਂ ਭਿਖ਼ਾਰੀ ਤੇ ਰਾਜੇ ਰੰਕ ਵਿਚ ਫ਼ਰਕ ਕਰਦਾ ਹਾਂ।
ਤੁਸੀਂ ਮੈਨੂੰ ਮਹਿੰਗੇ ਫ਼ਰੇਮ ਵਿਚ ਜੜਾਉ ਜਾਂ ਸਸਤੇ ਵਿਚ
ਮੈਂ ਸਿਰਫ਼ ਉਸ ਇੱਕ ਦਾ ਪ੍ਰਤੀਬਿੰਬ ਦਿੰਦਾ ਹਾਂ
ਜੋ ਮੇਰੇ ਸਾਮ੍ਹਣੇ ਹੁੰਦਾ ਹੈ,
ਮੈਂ ਨਿਰਣਾ ਨਹੀਂ ਕਰਦਾ
ਨਾ ਕੋਈ ਮਾਪ ਡੰਡ
ਮੈਂ ਨਫ਼ਰਤ ਜਾਂ ਈਰਖ਼ਾ ਨਹੀਂ ਕਰਦਾ
ਮੈਂ ਆਲੋਚਨਾ ਜਾਂ ਸ਼ਿਕਾਇਤ ਨਹੀਂ ਕਰਦਾ
ਮੈਂ ਦੋਸ਼ ਜਾਂ ਸ਼ਰਮ ਨਹੀਂ ਕਰਦਾ
ਮੈਂ ਪ੍ਰਭਾਵਿਤ ਨਹੀਂ ਹੁੰਦਾ
ਮੈਂ ਬਦਸੂਰਤੀ 'ਤੇ ਚੀਕਦਾ ਨਹੀਂ
ਮੈਂ ਸੁੰਦਰਤਾ ਨਾਲ ਖੁਸ਼ ਵੀ ਨਹੀਂ ਹੁੰਦਾ
ਮੈਨੂੰ ਗੁੱਸਾ ਨਹੀਂ ਆਉਂਦਾ
ਨਾ ਮੈਂ ਕਿਸੇ ਨਾਲ ਨਰਾਜ਼ ਹੁੰਦਾ ਹਾਂ,
ਜੋ ਮੈਂ ਆਪਣੇ ਸਾਹਮਣੇ ਵੇਖਦਾ ਹਾਂ
ਉਹ ਹੀ ਸਭ ਨੂੰ ਦਿਖਾਉਂਦਾ ਹਾਂ
ਕਿਉਂਕਿ ਮੈਂ ਇਕ ਸ਼ੀਸ਼ਾ ਹਾਂ
ਬਹੁਤ ਹੀ ਸ਼ਾਤ ਸੁਭਾਅ ਦਾ
ਮੇਰੇ ਫਰੇਮ ਨੂੰ ਪਾਲਿਸ਼ ਕਰ ਸਕਦੇ ਹੋ…
ਤੁਸੀਂ ਮੈਨੂੰ ਚਮਕਦਾਰ ਤੇ ਖੂਬਸੂਰਤ ਬਣਾ ਸਕਦੇ ਹੋ
ਪਰ ਫਿਰ ਵੀ ਮੈਂ ਸੱਚ ਦੀ ਮੂਰਤ ਬਣ ਕੇ
ਤੁਹਾਨੂੰ ਜੋ ਤੁਹਾਡੇ ਅੰਦਰ ਹੈ, ਉਹ ਹੀ ਦਿਖਾਵਾਂਗਾ।
ਆਪਣੇ ਗੁਨਾਹਾ ਦਾ ਸੱਚ ਦੇਖ ਕੇ
ਭਾਵੇਂ ਮੈਨੂੰ ਤੋੜ ਦਿਉ,
ਮੇਰੇ ਟੁਕੜੇ ਟੁਕੜੇ ਕਰ ਦਿਉ…
ਪਰ ਹਰ ਮੇਰਾ ਟੁਟਿਆਂ ਹੋਇਆ ਟੁਕੜਾ
ਤੂਹਾਨੂੰ ਸੱਚ ਦੀ ਮੂਰਤ ਬਣ ਕੇ
ਸਚਾਈ ਦੀ ਮੂਰਤ ਹੀ ਦਿਖਾਵੇਗਾ।
ਗਜ਼ਲ - ਮੇਰੀ ਕਲ਼ਮ
ਮੈਂ ਕੋਈ ਖਾਸ ਐਡਾ ਵੀ ਲਿਖਾਰੀ ਨਹੀਂ ਹਾਂ
ਕਿ ਮੇਰੇ ਹਰ ਸ਼ਬਦ ’ਤੇ ਵਾਹ-ਵਾਹ ਹੋ ਜਾਵੇ
ਐਨਾ ਵੀ ਸਤਿਕਾਰ ਨਾ ਦੇਈ ਮੇਰੇ ਅਜ਼ੀਜ਼
ਕਿ ਕਲਮ ਮੇਰੀ ਫਰਜ਼ ਭੁੱਲ ਬੇਪਰਵਾਹ ਹੋ ਜਾਵੇ
ਜੋ ਵੀ ਲਿਖਾ ਸੱਚ ਲਿਖਾ ਏਨਾ ਹੀ ਸਕੂਨ ਬਹੁਤ ਏ
ਮੇਰੇ ਖੂਨ ਦਾ ਹਰ ਕਤਰਾਂ ਛਿਆਹੀ ਦੀ ਜਗ੍ਹਾ ਹੋ ਜਾਵੇ
ਬੜੇ ਸੁਨੇਹੇ ਮਿਲਦੇ ਨੇ ਹੌਸਲਾ ਅਫ਼ਜ਼ਾਈ ਦੇ
ਕੁੱਝ ਕੁੜੱਤਣ ਬੋਲ ਨੇ ਕੇ ਤੈਨੂੰ ਸਜ਼ਾ ਹੋ ਜਾਵੇ
ਕਿਰਪਾਨਾਂ ਤੋਂ ਤਿੱਖੇ ਵਾਰ ਨੇ ਕਲਮਾਂ ਦੇ
ਜੇਕਰ ਕਲ਼ਮ ਨੂੰ ਸੱਚ ਦੀ ਰਜ਼ਾ ਹੋ ਜਾਵੇ
ਸੱਜਣਾਂ ਦੇ ਦਿੱਤੇ ਫੁੱਲ ਵੀ ਜਾਪਣ ਕੰਡੇ
ਜਦ ਦਿਲ ਦਾ ਮਹਿਰਮ ਹੀ ਬੇਵਫਾ ਹੋ ਜਾਵੇ
ਦਿਲ ਦੇ ਚਾਅ ਸੰਧੂਆਂ ਕੌਡੀਆਂ ਦੇ ਭਾਅ ਵਿਕਦੇ
ਜਦ ਟੁੱਟੇ ਸੁਪਨਿਆਂ ਦੀ ਮੁਰਝਾਏ ਫੁੱਲ ਜਿਹੀ ਦਸਾ ਹੋ ਜਾਵੇ।।
ਬਲਤੇਜ ਸੰਧੂ ਬੁਰਜ ਲੱਧਾ
ਜ਼ਿਲ੍ਹਾ ਬਠਿੰਡਾ
9465818158
ਨਾਨਕਪੰਥੀਆਂ, ਸਿੰਧੀ, ਅਫ਼ਗਾਨੀ ਸਿੱਖਾਂ ਦੇ ਸੰਗ ਤੁਰਦਿਆਂ…
NEXT STORY 
