ਵੈੱਬ ਡੈਸਕ- ਆਉਣ ਵਾਲੇ ਸਮੇਂ ਵਿੱਚ ਇੱਕ ਅਜਿਹਾ ਮਹਾ ਸੂਰਜ ਗ੍ਰਹਿਣ ਲੱਗਣ ਜਾ ਰਿਹਾ ਹੈ, ਜੋ ਕਿ 21ਵੀਂ ਸਦੀ ਦਾ ਦੂਜਾ ਸਭ ਤੋਂ ਲੰਬਾ ਅਤੇ ਵੱਡਾ ਸੂਰਜ ਗ੍ਰਹਿਣ ਹੋਵੇਗਾ। ਇਹ ਇੱਕ ਪੂਰਨ ਸੂਰਜ ਗ੍ਰਹਿਣ ਹੋਵੇਗਾ, ਜਿਸ ਦੌਰਾਨ ਸੂਰਜ ਪੂਰੀ ਤਰ੍ਹਾਂ ਚੰਦਰਮਾ ਦੁਆਰਾ ਢੱਕ ਲਿਆ ਜਾਵੇਗਾ।
ਸੂਰਜ ਗ੍ਰਹਿਣ ਦੀ ਮਿਤੀ ਅਤੇ ਸਮਾਂ
21ਵੀਂ ਸਦੀ ਦਾ ਇਹ ਦੂਜਾ ਸਭ ਤੋਂ ਲੰਬਾ ਸੂਰਜ ਗ੍ਰਹਿਣ 2 ਅਗਸਤ 2027 ਨੂੰ ਲੱਗੇਗਾ। ਇਸ ਦੌਰਾਨ 6 ਮਿੰਟ ਅਤੇ 23 ਸਕਿੰਟਾਂ ਲਈ ਦਿਨ ਵਿੱਚ ਹੀ ਹਨੇਰਾ ਛਾ ਜਾਵੇਗਾ।
ਇਹ ਗ੍ਰਹਿਣ ਅਜਿਹੇ ਸਮੇਂ ਲੱਗ ਰਿਹਾ ਹੈ ਜਦੋਂ ਹਰਿਆਲੀ ਅਮਾਵਸਿਆ ਅਤੇ ਸਾਵਣ ਸੋਮਵਾਰ ਦਾ ਵਰਤ ਵੀ ਹੋਵੇਗਾ।
ਪਿਛਲਾ ਵੱਡਾ ਗ੍ਰਹਿਣ
ਇਸ ਤੋਂ ਪਹਿਲਾਂ 21ਵੀਂ ਸਦੀ ਦਾ ਸਭ ਤੋਂ ਲੰਬਾ ਗ੍ਰਹਿਣ 22 ਜੁਲਾਈ 2009 ਨੂੰ ਲੱਗਿਆ ਸੀ। ਉਸ ਸਮੇਂ ਧਰਤੀ 6 ਮਿੰਟ ਅਤੇ 39.5 ਸਕਿੰਟਾਂ ਲਈ ਹਨੇਰੇ ਵਿੱਚ ਡੁੱਬ ਗਈ ਸੀ। ਹੁਣ ਇੱਕ ਵਾਰ ਫਿਰ ਅਜਿਹਾ ਹੀ ਨਜ਼ਾਰਾ 2027 ਵਿੱਚ ਦੇਖਣ ਨੂੰ ਮਿਲੇਗਾ।
ਕਿੱਥੇ ਦਿਖਾਈ ਦੇਵੇਗਾ?
ਇਹ ਪੂਰਨ ਸੂਰਜ ਗ੍ਰਹਿਣ ਕਈ ਅੰਤਰਰਾਸ਼ਟਰੀ ਸਥਾਨਾਂ 'ਤੇ ਦਿਖਾਈ ਦੇਵੇਗਾ, ਜਿਨ੍ਹਾਂ ਵਿੱਚ ਸ਼ਾਮਲ ਹਨ:
ਦੱਖਣੀ ਸਪੇਨ, ਮੋਰੋਕੋ, ਲੀਬੀਆ,ਮਿਸਰ, ਸੂਡਾਨ,ਸਾਊਦੀ ਅਰਬ, ਅਲਜੀਰੀਆ, ਟਿਊਨੀਸ਼ੀਆ, ਯਮਨ ਅਤੇ ਸੋਮਾਲੀਆ
ਮਿਸਰ ਦਾ ਲਕਸਰ ਸ਼ਹਿਰ ਉਹ ਜਗ੍ਹਾ ਹੋਵੇਗੀ ਜਿੱਥੇ ਇਹ ਪੂਰਨ ਸੂਰਜ ਗ੍ਰਹਿਣ ਸਭ ਤੋਂ ਵੱਧ ਸਮੇਂ ਤੱਕ, ਯਾਨੀ 6 ਮਿੰਟ ਅਤੇ 23 ਸਕਿੰਟਾਂ ਤੱਕ ਲੱਗਾ ਰਹੇਗਾ।
ਕੀ ਇਹ ਗ੍ਰਹਿਣ ਭਾਰਤ ਵਿੱਚ ਦਿਖਾਈ ਦੇਵੇਗਾ?
2 ਅਗਸਤ 2027 ਨੂੰ ਲੱਗਣ ਵਾਲਾ ਇਹ ਸੂਰਜ ਗ੍ਰਹਿਣ ਭਾਰਤ ਵਿੱਚ ਸਿਰਫ ਆਂਸ਼ਿਕ ਰੂਪ ਵਿੱਚ ਹੀ ਦਿਖਾਈ ਦੇਵੇਗਾ। ਭਾਰਤ ਵਿੱਚ ਸੂਰਜ ਦਾ ਲਗਭਗ 10% ਤੋਂ 30% ਹਿੱਸਾ ਹੀ ਢਕਿਆ ਹੋਇਆ ਨਜ਼ਰ ਆਵੇਗਾ। ਇਸ ਤੋਂ ਇਲਾਵਾ, ਭਾਰਤ ਵਿੱਚ ਕਿਤੇ ਵੀ ਪੂਰਨ ਗ੍ਰਹਿਣ ਨਹੀਂ ਦੇਖਿਆ ਜਾ ਸਕੇਗਾ।
ਧਾਰਮਿਕ ਮਹੱਤਵ
ਧਾਰਮਿਕ ਦ੍ਰਿਸ਼ਟੀਕੋਣ ਤੋਂ ਸੂਰਜ ਗ੍ਰਹਿਣ ਲੱਗਣਾ ਅਸ਼ੁਭ ਮੰਨਿਆ ਜਾਂਦਾ ਹੈ।
• ਇਸ ਦੌਰਾਨ ਸ਼ੁਭ ਕਾਰਜਾਂ ਨੂੰ ਕਰਨ 'ਤੇ ਪਾਬੰਦੀ ਲੱਗ ਜਾਂਦੀ ਹੈ।
• ਗ੍ਰਹਿਣ ਦੇ ਸਮੇਂ ਭਗਵਾਨ ਦੀ ਪੂਜਾ ਤੱਕ ਵੀ ਵਰਜਿਤ ਹੋ ਜਾਂਦੀ ਹੈ।
• ਇਸ ਦੌਰਾਨ ਸਿਰਫ ਮਨ ਹੀ ਮਨ ਈਸ਼ਵਰ ਦੇ ਨਾਮ ਅਤੇ ਮੰਤਰਾਂ ਦਾ ਜਾਪ ਕੀਤਾ ਜਾ ਸਕਦਾ ਹੈ।
WB ; SIR ਦੇ ਡਰੋਂ ਨਿਗਲ਼ ਲਿਆ ਜ਼ਹਿਰ ! ਔਰਤ ਨੇ ਮੌਤ ਨੂੰ ਲਾਇਆ ਗਲ਼ੇ, ਧੀ ਨੂੰ ਵੀ...
NEXT STORY 
