ਨੈਸ਼ਨਲ ਡੈਸਕ : ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲ੍ਹੇ ਦੇ ਅਜੈਗੜ੍ਹ ਖੇਤਰ 'ਚ ਮੰਗਲਵਾਰ ਨੂੰ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਪਿੰਡ ਬਿਹਾਰਪੁਰਵਾ ਦੇ ਨਿਆਪੁਰਵਾ ਇਲਾਕੇ 'ਚ ਇੱਕ ਖੇਤ 'ਚ ਖੂਹ ਦੀ ਖੁਦਾਈ ਦੌਰਾਨ ਅਚਾਨਕ ਮਿੱਟੀ ਧਸ ਗਈ, ਜਿਸ ਕਾਰਨ ਪੰਜ ਮਜ਼ਦੂਰ ਮਲਬੇ ਹੇਠ ਦਬ ਗਏ। ਪ੍ਰਸ਼ਾਸਨ ਵੱਲੋਂ ਵੱਡੀਆਂ ਪੋਕਲੇਨ ਅਤੇ ਜੇਸੀਬੀ ਮਸ਼ੀਨਾਂ ਦੀ ਮਦਦ ਨਾਲ ਤੁਰੰਤ ਰਾਹਤ ਤੇ ਬਚਾਅ ਕਾਰਜ ਸ਼ੁਰੂ ਕੀਤਾ ਗਿਆ ਹੈ।
ਹੁਣ ਤੱਕ ਬਚਾਅ ਟੀਮ ਨੇ ਕਾਫ਼ੀ ਮੁਸ਼ੱਕਤ ਤੋਂ ਬਾਅਦ ਇੱਕ ਮਜ਼ਦੂਰ, ਜਿਸਦੀ ਪਛਾਣ ਰਾਜਕੁਮਾਰ ਯਾਦਵ ਵਜੋਂ ਹੋਈ ਹੈ, ਦੀ ਲਾਸ਼ ਬਰਾਮਦ ਕਰ ਲਈ ਹੈ। ਮਲਬੇ ਹੇਠ ਫਸੇ ਹੋਰ ਮਜ਼ਦੂਰਾਂ ਦੀ ਪਛਾਣ ਚੁੰਨੂ ਯਾਦਵ, ਆਸ਼ੀਸ਼ ਯਾਦਵ ਤੇ ਚੁਨਵਾਦ ਪਾਲ ਵਜੋਂ ਹੋਈ ਹੈ, ਜਿਨ੍ਹਾਂ ਨੂੰ ਸੁਰੱਖਿਅਤ ਬਾਹਰ ਕੱਢਣ ਲਈ ਯਤਨ ਜਾਰੀ ਹਨ।
10 ਦਿਨਾਂ ਤੋਂ ਚੱਲ ਰਿਹਾ ਸੀ ਕੰਮ
ਜਾਣਕਾਰੀ ਅਨੁਸਾਰ, ਇਹ ਖੁਦਾਈ ਬਿੰਨੂ ਅਹੀਰਵਾਰ ਦੇ ਖੇਤ ਵਿੱਚ ਪਿਛਲੇ 10 ਦਿਨਾਂ ਤੋਂ ਚੱਲ ਰਹੀ ਸੀ। ਮੰਗਲਵਾਰ ਸਵੇਰੇ ਲਗਭਗ 11 ਵਜੇ ਜਦੋਂ ਸੱਤ ਮਜ਼ਦੂਰ ਕੰਮ ਕਰ ਰਹੇ ਸਨ, ਤਾਂ ਦੋ ਮਜ਼ਦੂਰ ਕਿਸੇ ਕੰਮ ਲਈ ਉੱਪਰ ਆਏ ਸਨ। ਇਸੇ ਦੌਰਾਨ ਅਚਾਨਕ ਖੂਹ ਦੀ ਮਿੱਟੀ ਭਰਭਰਾ ਕੇ ਅੰਦਰ ਡਿੱਗ ਗਈ ਅਤੇ ਅੰਦਰ ਕੰਮ ਕਰ ਰਹੇ ਪੰਜੇ ਮਜ਼ਦੂਰ ਦਬ ਗਏ।
ਸੁਰੱਖਿਆ ਪ੍ਰਬੰਧਾਂ 'ਤੇ ਉੱਠੇ ਸਵਾਲ
ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਇਸ ਇਲਾਕੇ ਦੀ ਮਿੱਟੀ ਬਹੁਤ ਭੁਰਭੁਰੀ ਹੈ, ਇਸ ਲਈ ਬਿਨਾਂ ਕਿਸੇ ਸੁਰੱਖਿਆ ਇੰਤਜ਼ਾਮ ਦੇ ਇੰਨੀ ਡੂੰਘੀ ਖੁਦਾਈ ਕਰਨਾ ਬਹੁਤ ਜੋਖਮ ਭਰਿਆ ਸੀ। ਪੁਲਸ ਅਤੇ ਸਥਾਨਕ ਪ੍ਰਸ਼ਾਸਨ ਮੌਕੇ 'ਤੇ ਮੌਜੂਦ ਹੈ ਅਤੇ ਇਸ ਗੱਲ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਕੀ ਇਹ ਕੰਮ ਕਿਸੇ ਸਰਕਾਰੀ ਯੋਜਨਾ ਤਹਿਤ ਹੋ ਰਿਹਾ ਸੀ ਅਤੇ ਕੀ ਖੁਦਾਈ ਦੌਰਾਨ ਸੁਰੱਖਿਆ ਮਾਪਦੰਡਾਂ ਦੀ ਪਾਲਣਾ ਕੀਤੀ ਗਈ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹਿਮਾਚਲ ਪੰਚਾਇਤ ਚੋਣਾਂ : ਕਿਤੇ ਹਿੰਸਾ ਤੇ ਕਿਤੇ ਚੋਣਾਂ ਦਾ ਬਾਈਕਾਟ; ਅਰਕੀ 'ਚ ਨੌਜਵਾਨ ਦੀ ਮੌਤ
NEXT STORY 
