ਨਵੀਂ ਦਿੱਲੀ- ਰਾਜ ਸਭਾ ਦੇ ਸਪੀਕਰ ਸੀ.ਪੀ. ਰਾਧਾਕ੍ਰਿਸ਼ਨਨ ਨੇ ਉੱਚ ਸਦਨ ਦੇ 10 ਨਵੇਂ ਚੁਣੇ ਮੈਂਬਰਾਂ ਨੂੰ ਅਹੁਦੇ ਦੀ ਸਹੁੰ ਚੁਕਾਈ। ਸਹੁੰ ਚੁੱਕਣ ਵਾਲਾ ਇਨ੍ਹਾਂ ਮੈਂਬਰਾਂ 'ਚ ਆਂਧਰਾ ਪ੍ਰਦੇਸ਼ ਤੋਂ ਚਾਰ, ਝਾਰਖੰਡ ਤੋਂ 2, ਅਰੁਣਾਚਲ ਪ੍ਰਦੇਸ਼, ਗੁਜਰਾਤ, ਓਡੀਸ਼ਾ ਅਤੇ ਤਾਮਿਲਨਾਡੂ ਤੋਂ 1-1 ਮੈਂਬਰ ਸ਼ਾਮਲ ਹਨ। 5 ਨਵੇਂ ਚੁਣੇ ਮੈਂਬਰਾਂ ਨੇ ਹਿੰਦੀ 'ਚ, ਇਕ ਨੇ ਅੰਗਰੇਜ਼ੀ 'ਚ, ਇਕ ਨੇ ਤਮਿਲ 'ਚ ਅਤੇ ਤਿੰਨ ਨੇ ਤੇਲੁਗੂ 'ਚ ਸਹੁੰ ਚੁੱਕੀ।
ਰਾਜ ਸਭਾ ਦੇ ਨਵੇਂ ਮੈਂਬਰਾਂ 'ਚ ਸਨਾ ਸਤੀਸ਼ ਬਾਬੂ (ਤੇਲਗੂ ਦੇਸ਼ਮ ਪਾਰਟੀ), ਵਿਜੇ ਚਿੰਤਾਕਯਾਲਾ (ਤੇਲਗੂ ਦੇਸ਼ਮ ਪਾਰਟੀ), ਭਾਸ਼ਯਮ ਰਾਮ ਕ੍ਰਿਸ਼ਨ (ਤੇਲਗੂ ਦੇਸ਼ਮ ਪਾਰਟੀ) ਅਤੇ ਲਿੰਗਮਨੇਨੀ ਰਮੇਸ਼ੀ (ਜਨ ਸੈਨਾ ਪਾਰਟੀ) ਹਨ। ਇਹ ਚਾਰੋਂ ਆਂਧਰਾ ਪ੍ਰਦੇਸ਼ ਤੋਂ ਹਨ। ਅਰੁਣਾਚਲ ਪ੍ਰਦੇਸ਼ ਤੋਂ ਟੀ. ਤਗਾਕ (ਭਾਜਪਾ) ਅਤੇ ਗੁਜਰਾਤ ਤੋਂ ਰਾਜੇਸ਼ ਪਰਮਾਨੰਦ ਸ਼ੁਕਲਾ (ਭਾਜਪਾ) ਹਨ। ਉੱਥੇ ਹੀ ਪਰਿਮਲ ਨਥਵਾਨੀ (ਆਜ਼ਾਦ) ਅਤੇ ਵੈਘਨਾਥ ਰਾਮ (ਝਾਰਖੰਡ ਮੁਕਤੀ ਮੋਰਚਾ) ਦੋਵੇਂ ਝਾਰਖੰਡ ਤੋਂ ਹਨ। ਦੇਬਾਸ਼ੀਸ਼ ਸਾਮੰਤਰਾਏ (ਭਾਜਪਾ) ਓਡੀਸ਼ਾ ਤੋਂ ਅਤੇ ਪ੍ਰਵੀਨ ਚੱਕਰਵਰਤੀ (ਕਾਂਗਰਸ) ਤਾਮਿਲਨਾਡੂ ਤੋਂ ਹਨ। ਸਹੁੰ ਚੁੱਕ ਸਮਾਰੋਹ ਦੌਰਾਨ ਕੇਂਦਰੀ ਕਾਨੂੰਨ ਮੰਤਰੀ ਅਰਜੁਨ ਰਾਮ ਮੇਘਵਾਲ ਅਤੇ ਰਾਜ ਸਭਾ ਦੇ ਜਨਰਲ ਸਕੱਤਰ ਪੀ.ਸੀ. ਮੋਦੀ ਵੀ ਮੌਜੂਦ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਟੱਲੀ ਹੋ ਕੇ ਵਿਆਹ ਕਰਾਉਣ ਪਹੁੰਚ ਗਿਆ ਲਾੜਾ ! ਲਾੜੀ ਨੇ ਬੇਰੰਗ ਮੋੜ'ਤੀ ਬਰਾਤ, SP ਨੇ...
NEXT STORY 
