ਕੋਲਕਾਤਾ— ਬੰਗਲਾ ਫਿਲਮਾਂ ਦੀ ਮਸ਼ਹੂਰ ਅਭਿਨੇਤਰੀ ਅਤੇ ਪੱਛਮੀ ਬੰਗਾਲ ਦੇ ਬਸ਼ੀਰਘਾਟ ਤੋਂ ਤ੍ਰਿਣਮੂਲ ਕਾਂਗਰਸ (ਟੀ. ਐੱਮ. ਸੀ.) ਦੀ ਸੰਸਦ ਮੈਂਬਰ ਨੁਸਰਤ ਜਹਾਂ ਵਿਆਹ ਦੇ ਬੰਧਨ 'ਚ ਬੱਝ ਗਈ ਹੈ। ਨਸਰਤ ਨੇ ਕੋਲਕਾਤਾ ਦੇ ਬਿਜ਼ਨੈੱਸਮੈਨ ਨਿਖਿਲ ਜੈਨ ਨਾਲ ਵਿਆਹ ਕਰਵਾਇਆ ਹੈ। ਜੋੜੇ ਨੇ ਸੋਸ਼ਲ ਮੀਡੀਆ 'ਤੇ ਲਾੜਾ-ਲਾੜੀ ਦੇ ਲਿਬਾਸ ਵਿਚ ਪਹਿਲੀ ਤਸਵੀਰ ਸ਼ੇਅਰ ਕੀਤੀ ਹੈ।
ਲਾਲ ਰੰਗ ਦੇ ਲਹਿੰਗੇ ਵਿਚ ਨੁਸਰਤ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਉੱਥੇ ਹੀ ਲਾੜਾ ਨਿਖਿਲ ਜੈਨ ਸਫੈਦ ਰੰਗ ਦੀ ਸ਼ੇਰਵਾਨੀ ਵਿਚ ਕਾਫੀ ਹੈੱਡਸਮ ਲੱਗ ਰਹੇ ਹਨ। ਲਾੜੀ ਦੇ ਜੋੜੇ ਵਿਚ ਨੁਸਰਤ ਦੀ ਇਹ ਪਹਿਲੀ ਤਸਵੀਰ ਹੈ, ਜਿਸ ਨੂੰ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ। ਬੁੱਧਵਾਰ ਨੂੰ ਨੁਸਰਤ ਨੇ ਤੁਰਕੀ ਦੇ ਬੋਡਰਮ 'ਚ ਪੂਰੇ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਆਪਣੇ ਬੁਆਏ ਫਰੈਂਡ ਨਿਖਿਲ ਜੈਨ ਨਾਲ ਵਿਆਹ ਕਰਵਾਇਆ।
ਹਲਦੀ ਸਮਾਗਮ ਦੀ ਇਸ ਤਸਵੀਰ 'ਚ ਨੁਸਰਤ ਜਹਾਂ ਭਾਵੁਕ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ 'ਚ ਨੁਸਰਤ ਆਪਣੇ ਪਿਤਾ ਦੇ ਗਲੇ ਲੱਗ ਕੇ ਰੋਂਦੀ ਹੋਈ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਨੂੰ ਉਸ ਨੇ ਫਾਦਰਜ਼ ਡੇਅ 'ਤੇ ਸ਼ੇਅਰ ਕੀਤਾ ਸੀ।
ਇੱਥੇ ਦੱਸ ਦੇਈਏ ਕਿ ਨੁਸਰਤ ਜਹਾਂ 29 ਸਾਲ ਦੀ ਹੈ। ਉਨ੍ਹਾਂ ਦੀ ਗਿਣਤੀ ਸਭ ਤੋਂ ਖੂਬਸੂਰਤ ਯੁਵਾ ਸੰਸਦ ਮੈਂਬਰਾਂ ਵਿਚ ਕੀਤੀ ਜਾਂਦੀ ਹੈ। ਨੁਸਰਤ ਬੰਗਾਲੀ ਸਿਨੇਮਾ ਦਾ ਮਸ਼ਹੂਰ ਅਤੇ ਚਰਚਿਤ ਚਿਹਰਾ ਹੈ। ਓਧਰ ਨਵੀਂ ਸਰਕਾਰ ਦੇ ਪਹਿਲੇ ਸੰਸਦੀ ਸੈਸ਼ਨ ਜੋ ਕਿ ਬੀਤੇ 17 ਜੂਨ ਤੋਂ ਸ਼ੁਰੂ ਹੋ ਚੁੱਕਾ ਹੈ, ਜਿਸ 'ਚ ਨਵੇਂ ਸੰਸਦ ਮੈਂਬਰਾਂ ਨੂੰ ਸਹੁੰ ਚੁਕਾਈ ਗਈ। ਤ੍ਰਿਣਮੂਲ ਕਾਂਗਰਸ ਦੀ ਸੰਸਦ ਮੈਂਬਰ ਨੁਸਰਤ ਜਹਾਂ ਨੇ ਅਜੇ ਸਦਨ ਵਿਚ ਆ ਕੇ ਸਹੁੰ ਨਹੀਂ ਚੁੱਕੀ ਹੈ।
ਸਿਆਸਤ 'ਚ ਆਉਣ ਤੋਂ ਪਹਿਲਾਂ ਨੁਸਰਤ ਨੇ ਮਾਡਲਿੰਗ ਅਤੇ ਐਕਟਿੰਗ ਵਿਚ ਆਪਣਾ ਸਿੱਕਾ ਜਮਾਇਆ। 8 ਜਨਵਰੀ 1990 ਨੂੰ ਕੋਲਕਾਤਾ 'ਚ ਜਨਮੀ ਨੁਸਰਤ ਬੰਗਾਲੀ ਫਿਲਮ ਇੰਡਸਟਰੀ ਦੀ ਸਭ ਤੋਂ ਖੂਬਸੂਰਤ ਅਭਿਨੇਤਰੀਆਂ ਵਿਚੋਂ ਇਕ ਮੰਨੀ ਜਾਂਦੀ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਵਿਆਹ ਤੋਂ ਬਾਅਦ ਭਾਰਤ ਪਰਤਣ 'ਤੇ ਉਹ ਸੰਸਦ ਦੇ ਸੈਸ਼ਨ ਵਿਚ ਸ਼ਾਮਲ ਹੋਵੇਗੀ ਅਤੇ ਸਹੁੰ ਚੁੱਕੇਗੀ।
ਦੱਸਣਯੋਗ ਹੈ ਕਿ ਲੰਬੇ ਅਰਸੇ ਤੋਂ ਬਾਅਦ ਭਾਰਤ ਦੇ ਕਿਸੇ ਸੰਸਦ ਮੈਂਬਰ ਨੇ ਵਿਆਹ ਰਚਾਇਆ ਹੈ। ਅਜਿਹੇ ਵਿਚ ਜਦੋਂ ਨੁਸਰਤ ਜਹਾਂ ਸੰਸਦ ਭਵਨ ਪਹੁੰਚੇਗੀ ਤਾਂ ਉਨ੍ਹਾਂ ਨੂੰ ਵਧਾਈਆਂ ਮਿਲਣਗੀਆਂ। ਉਹ ਸਦਨ 'ਚ ਘੱਟ ਉਮਰ ਦੀ ਮਹਿਲਾ ਸੰਸਦ ਮੈਂਬਰ ਵੀ ਹੈ।
ਸੁਬਰਾਮਣੀਅਨ ਹਿਮਾਚਲ ਤੇ ਚੌਹਾਨ ਤੇਲੰਗਾਨਾ ਹਾਈ ਕੋਰਟ ਦੇ ਚੀਫ ਜਸਟਿਸ ਨਿਯੁਕਤ
NEXT STORY 
