ਨਵੀਂ ਦਿੱਲੀ- ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਝੁੱਗੀ-ਝੌਂਪੜੀ ਵਾਲਿਆਂ ਅਤੇ ਗਰੀਬ ਲੋਕਾਂ ਨੂੰ ਚੌਕਸ ਕਰਦੇ ਹੋਏ ਕਿਹਾ ਹੈ ਕਿ ਜੇਕਰ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦਿੱਲੀ 'ਚ ਸੱਤਾ 'ਚ ਆਉਂਦੀ ਹੈ ਤਾਂ ਇਹ ਤੁਹਾਨੂੰ ਰਾਖਸ਼ਸਾਂ ਵਾਂਗ ਨਿਗਲ ਜਾਵੇਗੀ। ਸ਼੍ਰੀ ਕੇਜਰੀਵਾਲ ਨੇ ਮੰਗਲਵਾਰ ਨੂੰ 'ਐਕਸ' 'ਤੇ ਇਕ ਵੀਡੀਓ ਜਾਰੀ ਕੀਤਾ ਅਤੇ ਕਿਹਾ,"ਸੋਮਵਾਰ ਨੂੰ ਮੈਂ ਕਿਹਾ ਸੀ ਕਿ ਰਾਵਣ ਸੋਨੇ ਦਾ ਹਿਰਨ ਬਣ ਕੇ ਆਇਆ ਸੀ। ਇਸ ਤੋਂ ਬਾਅਦ ਅੱਜ ਪੂਰੀ ਭਾਜਪਾ ਮੇਰੇ ਘਰ ਦੇ ਸਾਹਮਣੇ ਵਿਰੋਧ ਪ੍ਰਦਰਸ਼ਨ 'ਤੇ ਬੈਠੀ ਹੈ ਅਤੇ ਕਹਿ ਰਹੀ ਹੈ ਕਿ ਮੈਂ ਰਾਵਣ ਦਾ ਅਪਮਾਨ ਕਿਵੇਂ ਕੀਤਾ? ਆਖ਼ਿਰ ਭਾਜਪਾ ਵਾਲਿਆਂ ਨੂੰ ਰਾਵਣ ਨਾਲ ਇੰਨਾ ਪਿਆਰ ਕਿਉਂ ਕਰਦੇ ਹੈ? ਮੈਂ ਦਿੱਲੀ ਦੇ ਝੁੱਗੀ-ਝੌਂਪੜੀ ਵਾਲਿਆਂ ਅਤੇ ਗਰੀਬ ਲੋਕਾਂ ਨੂੰ ਚੌਕਸ ਕਰਨਾ ਚਾਹੁੰਦਾ ਹਾਂ ਕਿ ਜੇ ਇਹ ਲੋਕ ਆਏ ਤਾਂ ਉਹ ਤੁਹਾਨੂੰ ਰਾਖਸ਼ਸਾਂ ਵਾਂਗ ਨਿਗਲ ਜਾਣਗੇ।''
'ਆਪ' ਦੇ ਸੀਨੀਅਰ ਆਗੂ ਮਨੀਸ਼ ਸਿਸੋਦੀਆ ਨੇ 'ਐਕਸ' 'ਤੇ ਕਿਹਾ,''ਕੱਲ੍ਹ ਕੇਜਰੀਵਾਲ ਨੇ ਇਕ ਜਨ ਸਭਾ 'ਚ ਰਾਵਣ ਨਾਲ ਜੁੜੀ ਇਕ ਟਿੱਪਣੀ ਕੀਤੀ ਅਤੇ ਪੂਰੀ ਭਾਜਪਾ ਤੁਰੰਤ ਰਾਵਣ ਦੇ ਬਚਾਅ 'ਚ ਆ ਗਈ, ਜਿਵੇਂ ਉਹ ਖ਼ੁਦ ਰਾਵਣ ਦੇ ਵੰਸ਼ਜ ਹੋਣ। ਇਨ੍ਹਾਂ ਦੀ ਰਾਜਨੀਤੀ ਇੰਨੀ ਹੇਠਾਂ ਡਿੱਗ ਚੁੱਕੀ ਹੈ ਕਿ ਹੁਣ ਇਹ ਰਾਵਣ ਵਰਗੇ ਪ੍ਰਤੀਕ ਦਾ ਸਹਾਰਾ ਲੈ ਕੇ ਆਪਣੀ ਝੂਠੀ ਬਿਆਨਬਾਜ਼ੀ ਨੂੰ ਸਹੀ ਠਹਿਰਾਉਣ 'ਚ ਜੁਟ ਗਏ ਹਨ। ਮੈਂ ਦਿੱਲੀ ਦੀ ਜਨਤਾ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਇਨ੍ਹਾਂ ਦੀ ਅਸਲੀ ਮੰਸ਼ਾ ਨੂੰ ਪਛਾਣੋ। ਇਹ ਚੋਣਾਂ ਤੋਂ ਬਾਅਦ ਗਰੀਬਾਂ, ਮਜ਼ਦੂਰਾਂ ਅਤੇ ਝੁੱਗੀ ਵਾਸੀਆਂ ਲਈ ਰਾਵਣ ਤੋਂ ਵੀ ਵੱਡਾ ਖ਼ਤਰਾ ਸਾਹਿਬ ਹੋਣਗੇ।'' ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਤੋਂ ਸਾਵਧਾਨ ਰਹਿਣਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਇਨ੍ਹਾਂ ਦਾ ਅਸਲੀ ਏਜੰਡਾ ਸਿਰਫ਼ ਸੱਤਾ ਹਾਸਲ ਕਰਨਾ ਹੈ। ਇਹ ਝੁੱਗੀਆਂ ਤੁੜਵਾਉਣ ਅਤੇ ਜਨਤਾ ਦੀਆਂ ਜ਼ਮੀਨਾਂ ਕਬਜ਼ਾਉਣ ਦੀ ਸਾਜਿਸ਼ ਰਚ ਰਹੇ ਹਨ। ਇਨ੍ਹਾਂ ਦੇ ਝੂਠੇ ਨਾਟਕਾਂ ਤੋਂ ਸਾਵਧਾਨ ਰਹੋ ਅਤੇ ਸਹੀ ਫ਼ੈਸਲਾ ਕਰੋ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਾ ਪੈਟਰੋਲ ਦਾ ਖਰਚਾ, ਨਾ CNG ਦੀ ਟੈਨਸ਼ਨ, ਆ ਗਈ ਭਾਰਤ ਦੀ ਪਹਿਲੀ ਸੋਲਰ ਕਾਰ, ਸਿਰਫ ਇੰਨੀ ਹੈ ਕੀਮਤ
NEXT STORY 
