ਨਵੀਂ ਦਿੱਲੀ— ਚੀਨੀ ਯੂਨੀਵਰਸਿਟੀ 'ਚ ਰਾਸ਼ਟਰਪਤੀ ਸ਼ੀ ਚਿਨਫਿੰਗ ਦੇ ਵਿਚਾਰਾਂ ਨੂੰ ਕੋਰਸਾਂ 'ਚ ਮੁਖ ਰੂਪ ਨਾਲ ਸ਼ਾਮਲ ਕੀਤਾ ਜਾ ਰਿਹਾ ਹੈ। ਇੰਟਰੈਕਟਿਵ ਆਨਲਾਈਨ ਕੋਰਸ, ਫੰਡਿਗ ਤੇ ਨਵੇਂ ਰਿਸਰਚਸ ਸੈਂਟਰਾਂ ਨਾਲ ਲੈਸ ਇਹ ਯੂਨੀਵਰਸਿਟੀ ਦੇਸ਼ ਤੇ ਵਿਸ਼ਵ 'ਚ ਰਾਸ਼ਟਟਰਪਤੀ ਸ਼ੀ ਦੇ ਵਿਚਾਰ ਨੂੰ ਉਤਸ਼ਾਹਿਤ ਕਰਨ ਦੀ ਦਿਸ਼ਾ 'ਚ ਕੰਮ ਕਰ ਰਹੀ ਹੈ। ਅਸਲ 'ਚ ਦੇਸ਼ ਭਰ 'ਚ ਪਿਛਲੇ ਅਕਤੂਬਰ ਤੋਂ ਕਈ ਯੂਨੀਵਰਸਿਟੀਆਂ ਨੇ 'ਸ਼ੀ ਥਾਟ' ਯਾਨੀ ਸ਼ੀ ਦੇ ਵਿਚਾਰ ਨੂੰ ਆਪਣੇ ਕੋਰਸਾਂ 'ਚ ਮੁੱਖ ਰੂਪ ਨਾਲ ਸ਼ਾਮਲ ਕੀਤਾ ਹੈ। ਮਾਓ ਯੁੱਗ ਦੀ ਸਮਾਪਤੀ ਤੋਂ ਬਾਅਦ ਪਹਿਲੀ ਵਾਰ ਕਿਸੇ ਨੇਤਾ ਨੂੰ ਅਕੈਡਮਿਕ ਰੂਪ ਨਾਲ ਇੰਨਾਂ ਮਹੱਤਵ ਦਿੱਤਾ ਜਾ ਰਿਹਾ ਹੈ।
ਇਸ ਸਾਲ ਚੀਨ ਦੀ ਰਬਰ ਸਟਾਂਪ ਸੰਸਦ ਨੇ ਇਤਿਹਾਸਿਕ ਸੰਵਿਧਾਨ ਸੋਧ ਨੂੰ ਮਨਜ਼ੂਰੀ ਦਿੱਤੀ ਸੀ। ਇਸ ਨਾਲ ਸ਼ੀ ਦੇ 2 ਵਾਰ ਦੇ ਕਾਰਜਕਾਲ ਦੀ ਲਿਮਟ ਖਤਮ ਕਰਕੇ ਉਨ੍ਹਾਂ ਨੂੰ ਪੂਰੀ ਉਮਰ ਲਈ ਸੱਤਾ 'ਚ ਬਣੇ ਰਹਿਣ ਦਾ ਰਸਤਾ ਸਾਫ ਹੋ ਗਿਆ। ਇਸੇ ਤਰ੍ਹਾਂ ਸ਼ੀ ਦੇ ਵਿਚਾਰਾਂ ਦੇ ਰੂਪ 'ਚ ਪਾਰਟੀ ਦੀ ਵਿਚਾਰਧਾਰਾ ਨੂੰ ਦੁਬਾਰਾ ਮਾਨਤਾ ਦਿਵਾਉਣ ਦੀ ਇਹ ਕੋਸ਼ਿਸ਼ ਸ਼ੁਰੂ ਹੋਈ ਹੈ। ਇਸ ਨੂੰ ਚੀਨੀ ਵਿਵਸਥਾ 'ਚ ਸ਼ੀ ਦੀ ਪਕੜ ਨੂੰ ਹੋਰ ਮਜ਼ਬੂਤੀ ਦੇਣ ਦੇ ਰੂਪ 'ਚ ਵੀ ਦੇਖਿਆ ਜਾ ਰਿਹਾ ਹੈ।
ਇਸ ਕ੍ਰਮ 'ਚ ਲਾਜ਼ਮੀ ਸਿਧਾਂਤਕ ਕਲਾਸਾਂ ਨੂੰ ਯੂਨੀਵਰਸਿਟੀਆਂ ਵਲੋਂ ਅਪਡੇਟ ਕੀਤਾ ਜਾ ਰਿਹਾ ਹੈ। ਅਜਿਹਾ ਲੀਡਰਸ਼ਿਪ ਵਲੋਂ ਮਿਲੇ ਨਿਰਦੇਸ਼ਾਂ ਤੋਂ ਬਾਅਦ ਕੀਤਾ ਜਾ ਰਿਹਾ ਹੈ, ਜਿਸ 'ਚ ਕਿਹਾ ਗਿਆ ਹੈ ਕਿ ਸ਼ੀ ਦੇ ਵਿਚਾਰਾਂ ਨੂੰ ਕੋਰਸਾਂ, ਕਲਾਸਾਂ ਤੇ ਵਿਦਿਆਰਥੀਆਂ ਦੇ ਦਿਮਾਗ 'ਚ ਥਾਂ ਮਿਲਣੀ ਚਾਹੀਦੀ ਹੈ। ਪਿਛਲੇ ਸਾਲ ਅਕਤੂਬਰ ਤੋਂ ਹੁਣ ਤੱਕ ਯੂਨੀਵਰਸਿਟੀਆਂ, ਸਰਕਾਰ ਤੇ ਮੰਤਰਾਲਿਆਂ 'ਚ ਘੱਟ ਤੋਂ ਘੱਟ 30 'ਸ਼ੀ ਥਾਟਸ' ਰਿਸਰਚ ਇੰਸਟੀਚਿਊਟਜ਼ ਦੀ ਸਥਾਪਨਾ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ ਵਿਦਿਆਰਥੀ, ਅਧਿਕਾਰੀਆਂ ਤੇ ਆਮ ਲੋਕਾਂ ਦੇ ਲਈ ਪੂਰੇ ਦੇਸ਼ ਭਰ 'ਚ ਲੈਕਚਰ ਕੋਰਸ ਵੀ ਆਯੋਜਿਤ ਕੀਤੇ ਜਾ ਰਹੇ ਹਨ।
ਮਸ਼ਹੂਰ ਸ਼ਿੰਹੂਆ ਯੂਨੀਵਰਸਿਟੀ 'ਚ ਅਰਥ-ਸ਼ਾਸ਼ਤਰ ਦੇ ਪ੍ਰੋਫੈਸਰ ਤੇ ਚੀਨੀ ਵਿਸ਼ਿਸ਼ਟਵਾਦ ਦੇ ਮਾਹਰ ਹੂ ਅਨਗੈਂਗ ਕਹਿੰਦੇ ਹਨ ਕਿ ਇਕ ਨੇਤਾ ਦੇ ਉਭਾਰ ਦੀ ਚੀਨ ਨੂੰ ਲੰਬੇ ਸਮੇਂ ਤੋਂ ਲੋੜ ਸੀ। ਹੂ ਦਰਸ਼ਕਾਂ ਨੂੰ ਇਹ ਦਲੀਲ ਦਿੰਦੇ ਰਹੇ ਹਨ ਕਿ ਚੀਨ ਦੀ ਅਨੋਖੀ ਸਿਆਸੀ ਵਿਵਸਥਾ ਦੇਸ਼ ਨੂੰ ਅਮਰੀਕਾ ਦੇ ਬਰਾਬਰ ਸੁਪਰ ਪਾਵਰ ਬਣਨ ਦੇ ਲਈ ਗਾਈਡ ਕਰੇਗੀ। ਹੂ ਉਨ੍ਹਾਂ ਵਿਚਾਰਕਾਂ 'ਚ ਸ਼ਾਮਲ ਹਨ ਜੋ ਉਸ ਵਿਸ਼ੇ ਦਾ ਅਧਿਐਨ ਕਰ ਰਹੇ ਹਨ, ਜਿਸ ਨੂੰ ਅਧਿਕਾਰਿਕ ਰੂਪ 'ਚ 'ਸ਼ੀ ਚਿਨਫਿੰਗ ਥਾਟ ਫਾਰ ਸੋਸ਼ਲਿਜ਼ਮ ਵਿਦ ਚਾਈਨੀਜ਼ ਕੈਰੇਕਟਰਿਸਟਿਕਸ ਫਾਰ ਏ ਨਿਊ ਏਰਾ' ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ।
ਹੂ ਨੇ ਕਿਹਾ ਕਿ ਸ਼ੀ ਦੇ ਪ੍ਰਸਤਾਵ ਪੂਰੀ ਤਰ੍ਹਾਂ ਦੁਨੀਆ ਦੇ ਲਈ ਲਾਭਕਾਰੀ ਹਨ ਤੇ ਉਨ੍ਹਾਂ ਦੀ ਕੋਈ ਤੁਲਨਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਚੀਨ ਨਵੇਂ ਯੁੱਗ 'ਚ ਪ੍ਰਵੇਸ਼ ਕਰ ਚੁੱਕਿਆ ਹੈ ਤੇ ਦੁਨੀਆ 'ਚ ਲੋਕ ਹਿੱਤ ਪਹੁੰਚਾਉਣ ਦੀ ਸ਼ੁਰੂਆਤ ਹੋ ਰਹੀ ਹੈ, ਜਿਵੇਂ ਕਿ ਮੈਂ ਕਿਹਾ ਕਿ ਇਹ 10 ਸਾਲ ਪਹਿਲਾਂ ਹੋਇਆ ਹੋਵੇਗਾ। ਉਥੇ ਚੀਨੀ ਮਾਹਰ ਮੰਨਦੇ ਹਨ ਕਿ ਸ਼ੀ ਨੂੰ ਸਮਰਥਨ ਪੁਖਤਾ ਕਰਨ ਦੇ ਇਲਾਵਾ ਯੂਨੀਵਰਸਿਟੀਆਂ ਦੀ ਕੋਸ਼ਿਸ਼ ਕਮਿਊਨਿਸਟ ਪਾਰਟੀ ਦੀ ਵਿਚਾਰਧਾਰਾ ਨੂੰ ਸਮਾਜ ਦੇ ਮਾਣ ਦੇ ਰੂਪ 'ਚ ਵਾਪਸ ਲਿਆਉਣਾ ਹੈ ਜੋ ਕਿ ਦਹਾਕਿਆਂ ਤੋਂ ਤੇਜ਼ੀ ਨਾਲ ਹੋਏ ਵਿਕਾਸ ਦੇ ਕਾਰਨ ਸਿਆਸੀ ਨਜ਼ਰਅੰਦਾਜ਼ੀ ਦਾ ਸ਼ਿਕਾਰ ਰਹੀ ਹੈ।
ਕਾਂਗਰਸ ਪਾਰਟੀ ਲਈ ਪ੍ਰਚਾਰ ਕਰ ਸਕਦੀ ਹੈ ਸਪਨਾ ਚੌਧਰੀ
NEXT STORY