ਨਵੀਂ ਦਿੱਲੀ- ਚੀਨ 'ਚ ਬਣੇ ਰੋਬੋਟਿਕ ਕੁੱਤੇ ਨੂੰ ਦਿਖਾਉਣ ਨੂੰ ਲੈ ਕੇ ਉੱਠੇ ਵਿਵਾਦ ਦੇ ਮੱਦੇਨਜ਼ਰ ਗਲਗੋਟੀਆ ਯੂਨੀਵਰਸਿਟੀ ਨੂੰ ਇੰਡੀਆ ਏਆਈ ਇਮਪੈਕਟ ਐਕਸਪੋ 'ਚ ਆਪਣੇ ਸਟਾਲ ਨੂੰ ਖ਼ਾਲੀ ਕਰਨ ਲਈ ਕਿਹਾ ਗਿਆ ਹੈ। ਹਾਲਾਂਕਿ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਇਸ ਤਰ੍ਹਾਂ ਦੀ ਕਿਸੇ ਵੀ ਸੂਚਨਾ ਤੋਂ ਇਨਕਾਰ ਕੀਤਾ ਹੈ। ਅਧਿਕਾਰਤ ਸੂਤਰਾਂ ਨੇ ਅਨੁਸਾਰ ਯੂਨੀਵਰਸਿਟੀ ਖ਼ਿਲਾਫ਼ ਇਹ ਕਾਰਵਾਈ ਉਦੋਂ ਕੀਤੀ ਗਈ, ਜਦੋਂ ਅਜਿਹੀਆਂ ਖ਼ਬਰਾਂ ਆਈਆਂ ਕਿ ਚੀਨ 'ਚ ਬਣਿਆ ਰੋਬੋਟ ਇਵੈਂਟ 'ਚ ਦਿਖਾਇਆ ਗਿਆ ਹੈ। ਇਹ ਵਿਵਾਦ ਉਦੋਂ ਸ਼ੁਰੂ ਹੋਇਆ ਜਦੋਂ ਦੋਸ਼ ਲੱਗੇ ਕਿ ਯੂਨਿਟ੍ਰੀ ਜੀਓ2 ਰੋਬੋਟਿਕ ਕੁੱਤੇ ਨੂੰ 'ਓਰੀਅਨ' ਨਾਂ ਨਾਲ ਦਿਖਾਇਆ ਗਿਆ ਸੀ, ਜਿਸ ਦੀ ਸੋਸ਼ਲ ਮੀਡੀਆ 'ਤੇ ਆਲੋਚਨਾ ਹੋਈ। ਯੂਨੀਵਰਸਿਟੀ 'ਤੇ ਚੀਨ ਤੋਂ ਆਯਾਤ ਕੀਤੀ ਗਈ ਤਕਨੀਕ ਨੂੰ ਦੇਸੀ ਨਵੀਨਤਾ ਵਜੋਂ ਪੇਸ਼ ਕੀਤਾ ਗਿਆ। ਗਲਗੋਟੀਆ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਨੇਹਾ ਸਿੰਘ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਯੂਨੀਵਰਸਿਟੀ ਨੂੰ ਆਪਣਾ ਸਟਾਲ ਖ਼ਾਲੀ ਕਰਨ ਲਈ ਕਹਿਣ ਵਾਲੇ ਕਿਸੇ ਸਰਕਾਰੀ ਨਿਰਦੇਸ਼ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ।
ਉਨ੍ਹਾਂ ਨੇ ਮੀਡੀਆ 'ਚ ਸਟਾਲ ਖਾਲੀ ਕਰਨ ਨੂੰ ਲੈ ਕੇ ਆਈਆਂ ਖ਼ਬਰਾਂ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਹਾ ਕਿ ਮੈਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਮੈਨੂੰ ਬੱਸ ਇੰਨਾ ਪਤਾ ਹੈ ਕਿ ਅੱਜ ਅਸੀਂ ਸਾਰੇ ਇੱਥੇ ਮੌਜੂਦ ਹਾਂ। ਚੀਨ 'ਚ ਬਣੇ ਰੋਬੋਟ 'ਤੇ ਵਧਦੇ ਵਿਵਾਦ 'ਤੇ ਯੂਨੀਵਰਸਿਟੀ ਵਲੋਂ ਸਫ਼ਾਈ ਜਾਰੀ ਕੀਤੀ ਗਈ, ਜਿਸ 'ਚ ਕਿਹਾ ਗਿਆ ਕਿ ਨਾ ਤਾਂ ਫੈਕਲਟੀ ਅਤੇ ਨਾ ਹੀ ਵਿਦਿਆਰਥੀਆਂ ਨੇ ਰੋਬੋਟਿਕ ਕੁੱਤਾ ਬਣਾਉਣ ਦਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਡਿਵਾਈਸ ਚੀਨ ਦੀ ਗਲੋਬਲ ਰੋਬੋਟਿਕਸ ਕੰਪਨੀ ਯੂਨਿਟ੍ਰੀ ਤੋਂ ਸਿਰਫ਼ ਅਕਾਦਮਿਕ ਮਕਸਦ ਲਈ ਖਰੀਦਿਆ ਗਿਆ ਸੀ। ਯੂਨੀਵਰਸਿਟੀ ਨੇ ਸੋਸ਼ਲ ਮੀਡੀਆ 'ਤੇ ਆਲੋਨਾ ਦਾ ਸਾਹਮਣਾ ਕਰਨ ਤੋਂ ਬਾਅਦ ਮੰਗਲਵਾਰ ਨੂੰ ਜਾਰੀ ਇਕ ਬਿਆਨ 'ਚ ਕਿਹਾ,''ਗਲਗੋਟੀਆ 'ਚ ਅਸੀਂ, ਫੈਕਲਟੀ ਅਤੇ ਵਿਦਿਆਰਥੀਆਂ, ਸਾਡੀ ਯੂਨੀਵਰਸਿਟੀ ਖ਼ਿਲਾਫ਼ ਚੱਲ ਰਹੇ ਪ੍ਰੋਪੇਗੈਂਡ ਕੈਂਪੇਨ ਤੋਂ ਬਹੁਤ ਦੁਖੀ ਹਾਂ। ਅਸੀਂ ਸਾਫ਼ ਤੌਰ 'ਤੇ ਕਹਿਣਾ ਚਾਹੁੰਦੇ ਹਾਂ ਕਿ ਰੋਬੋਟਿਕ ਪ੍ਰੋਗ੍ਰਾਮਿੰਗ ਸਾਡੀ ਕੋਸ਼ਿਸ਼ ਦਾ ਹਿੱਸਾ ਹਨ ਤਾਂ ਕਿ ਵਿਦਿਆਰਥੀ ਏਆਈ ਪ੍ਰੋਗ੍ਰਾਮਿੰਗ ਸਿੱਖਣ ਅਤੇ ਦੁਨੀਆ ਭਰ 'ਚ ਮੌਜੂਦ ਟੂਲਜ਼ ਅਤੇ ਰਿਸੋਰਸ ਦਾ ਇਸਤੇਮਾਲ ਕਰ ਕੇ ਰੀਅਲ-ਵਰਲਡ ਸਕਿਲਜ਼ ਡੈਵਲਪ (ਵਿਕਸਿਤ) ਅਤੇ ਤਾਇਨਾਤ ਕਰ ਸਕਣ।'' ਬਿਆਨ 'ਚ ਕਿਹਾ ਗਿਆ ਕਿ ਨਕਾਰਾਤਮਕਤਾ ਫੈਲਾਉਣ ਨਾਲ ਉਨ੍ਹਾਂ ਵਿਦਿਆਰਥੀਆਂ ਦਾ ਹੌਂਸਲਾ ਟੁੱਟ ਸਕਦਾ ਹੈ, ਜੋ ਗਲੋਬਲ ਤਕਨਾਲੋਜੀ ਦਾ ਇਸਤੇਮਾਲ ਕਰ ਕੇ ਨਵੀਨਤਾ ਅਤੇ ਹੁਨਰ ਬਣਾਉਣ ਲਈ ਸਖ਼ਤ ਮਿਹਨਤ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Bank Visit ਦੀ ਹੈ ਯੋਜਨਾ ਤਾਂ ਪਹਿਲਾਂ ਦੇਖ ਲਓ ਛੁੱਟੀਆਂ ਦੀ ਸੂਚੀ
NEXT STORY 
